Kpɔɖeŋudzeɖonyawo

Esi Míatsɔ Adze Biblia Nusɔsrɔ̃wo Gɔme Le Memleɖa Gbãtɔ Dzi Le August Me

“Ame sia ame kloe doa gbe ɖa. Mawudzimaxɔselawo kura gɔ̃ hã doa gbe ɖa ne woɖo xaxa me. Èsusu be Mawu ɖoa to gbedodoɖawo katã?” Ðe mɔ wòaɖo eŋu. Tsɔ nyati si le August 1 ƒe Gbetakpɔxɔ ƒe megbekpaa dzi fiae, midzro numeɖeɖe si le nyabiase gbãtɔa te la me, eye miaxlẽ mawunyakpukpuiawo dometɔ ɖeka ya teti. Tsɔ magazineawo nɛ eye nàwɔ ɖoɖo be yeatrɔ ava dzro nyabiase si kplɔe ɖo la me kplii.

Mide dzesii: Miwɔ kpɔɖeŋudzeɖonya sia ƒe wɔwɔfia le kpekpe hena gbeadziyiyi si miawɔ le August 3 dzi la me.

Gbetakpɔxɔ August 1

“Míeva be míaɖo dze kpui aɖe kpli wò. Ame geɖe tsi dzi vevie ɖe ale si gbɔdɔdɔnuwɔnawo ƒe ɖeɖefiawo kple fotowo va bɔe la ŋu. Ame bubuwo ya susui be nu mawo kpɔkpɔ nye modzakaɖeɖe si megblẽa naneke o. Nu kae nye wò susu? [Ðe mɔ wòaɖo eŋu.] Yesu gblɔ be míate ŋu anya ne nane nyo ne míelé ŋku ɖe eƒe kutsetsewo ŋu. [Xlẽ Mateo 7:17.] Magazine sia ƒo nu tso gbɔdɔdɔnuwɔnawo kpɔkpɔ me tsonuwo ŋu. Eɖo aɖaŋu nyui aɖewo hã le ale si ame awɔ aɖe asi le nu siawo kpɔkpɔ ŋu la ŋuti.”

Awake! August

“Mía dometɔ akpa gãtɔ dina be míanɔ agbe didi ale si míate ŋui. Èsusu be ŋgɔyiyi siwo wowɔ le atikewɔwɔ mee ate ŋu ana míanɔ agbe tegbeea? [Ðe mɔ wòaɖo eŋu.] Se ŋugbedodo dodzidzɔname sia ɖa. [Xlẽ 1 Korintotɔwo 15:26.] Gake aleke Mawu awɔ esia—atikewɔwɔ ŋuti nunya dzie wòato loo alo mɔnu bubu aɖe dzie? Ke nu ka tae egbea míetsina kua amegã hekuna ya? Àkpɔ ale si Biblia ɖo biabia siawo ŋui le magazine sia me.”