Ðe Nàte Ŋu Ana Woade Gbeadzi Kpli Wòa?

Le hame geɖe me la, gbeƒãɖela aɖewo li siwo metea ŋu wɔa geɖe le gbeƒãɖeɖedɔa me o le dɔmavɔleameŋu alo tsitsi ta. (2 Kor. 4:16) Ðe nàte ŋu ana nɔvi siwo le nɔnɔme sia me la dometɔ aɖe nakpe ɖe ŋuwò miayi wò Biblia nusrɔ̃vi gbɔa? Ne gbeƒãɖelaa tsi teƒe ɖeka la, ɖewohĩ àte ŋu akplɔ wò nusrɔ̃via ayi egbɔ ne miasrɔ̃ nua le eƒe aƒe me. Ðe nàte ŋu awɔ ɖoɖo ɣeaɖewoɣi akplɔ gbeƒãɖela si ƒe lãme gblẽ miayi aɖaɖe gbeƒã le ʋɔtru ʋɛ aɖewo nu le tso aƒe me yi aƒe me dɔa me alo awɔ tɔtrɔɣi ɖeka eve aɖewoa? Nuteƒekpɔkpɔ geɖe su gbeƒãɖela tsitsiwo si le subɔsubɔdɔa me. Eya ta menye ɖeko wò kpekpeɖeŋua ade dzi ƒo na wo o, ke aɖe vi na wò ŋutɔ hã. (Rom. 1:12) Hekpe ɖe eŋu la, Yehowa aɖo eteƒe na wò ne èɖe lɔlɔ̃ fia le mɔ sia nu.—Lod. 19:17; 1 Yoh. 3:17, 18.