Nɔ Agbe Wòakafu Yehowa!

Nunana xɔasie agbe nye. Ale si míezãa nunana sia gbe sia gbe ɖea ale si gbegbe míekpɔ ŋudzedze ɖe eŋui la fiana. Mí Yehowa Ðasefowo míedzea agbagba zãa míaƒe ŋutetewo kple aɖaŋu siwo le mía si tsɔ dea bubu Yehowa, Agbenala la ŋu eye míekafunɛ. (Ps 36:9; Nyɖ 4:11) Ke hã, xexe vɔ̃ɖi sia me dzimaɖitsitsiwo ate ŋu awɔe be míado kpo gbɔgbɔmenuwo tsɔtsɔ ɖo nɔƒe gbãtɔ. (Mr 4:18, 19) Anyo be mía dometɔ ɖe sia ɖe nabia eɖokui be: ‘Ðe mele nye nu nyuitɔwo tsɔm na Yehowaa? (Ho 14:2) Ðe nye dɔ le nu gblẽm le ale si mesubɔa Yehowa ŋua? Nu kae nye nye gbɔgbɔmetaɖodzinuwo? Ðe mate ŋu awɔ geɖe le gbeadzisubɔsubɔdɔa mea?’ Ne èkpɔ be ehiã be yeawɔ geɖe la, do gbe ɖa na Yehowa be wòakpe ɖe ŋuwò nàwɔ asitɔtrɔ siwo hiã. Ðikeke mele eme o be, ne míekafua Yehowa gbe sia gbe la, míaƒe dzi adze eme eye míakpɔ dzidzɔ!—Ps 61:8.

MIKPƆ VIDEO SI NYE ZÃ WÒ ŊUTETE NÀTSƆ ASUBƆ YEHOWA, EYOME MIAÐO BIABIA SIAWO ŊU:

• Nu ka ta maɖe vi be míazã míaƒe ŋutetewo ɖe Satana ƒe xexea ŋu o? (1Yh 2:17)

• Yayra kae ame siwo tsɔa woƒe nu nyuitɔ kekeake naa Yehowa la kpɔna?

• Subɔsubɔdɔ kɔkɔea ƒe akpa kawoe nàtsɔ ɖokuiwò ana be yeazã yeƒe ŋutetewo le?