Ale Si Nàwɔ Abi Ðe Ðaseɖiɖidɔa Me​—Ale Si Míawɔ Tɔtrɔyi

NU SI TA WÒLE VEVIE: Ame geɖe siwo kpɔa dzidzɔ ɖe Fiaɖuƒegbedeasia ŋu la nye ame siwo le nyateƒe si ku ɖe Mawu ŋu la dim. (Yes 55:6) Hafi míate ŋu afia nu wo vivivi la, ele be míatrɔ ayi wo gbɔ zi gbɔ zi geɖe. Nɔnɔme siwo me amewo tona la le vovovo, eya ta mɔ siwo dzi míato atu woƒe ɖetsɔleme ɖo la manɔ ɖeka o. Gake ne míedzra ɖo nyuie eye taɖodzinu aɖe le mía si le tɔtrɔyi ɖe sia ɖe ŋu be míadze Biblia nusɔsrɔ̃ gɔme la, míaƒe tɔtrɔyia aɖe vi wu.

ALE SI NÀWƆE:

• Dze agbagba nàtrɔ ayi kaba, ɖewohĩ le ŋkeke ʋɛ aɖewo ko megbe.—Mt 13:19

• Ðe xɔlɔ̃wɔwɔ fia eye nàde bubu amea ŋu. Ðe dzi ɖi

• Do gbe nɛ vividoɖeameŋutɔe. Yɔ amea ƒe ŋkɔ. Ðo ŋku nu si ta nètrɔ va la dzi nɛ—ɖewohĩ be nàɖo nyabiase aɖe si nègblẽ ɖe egbɔ la ŋu, atsɔ magazine yeyewo ayi nɛ, ahe eƒe susu ayi míaƒe nyatakakadzraɖoƒea, aɖe video aɖe alo afia ale si míewɔa Biblia nusɔsrɔ̃e. Ne nu bubu aɖe le susu me nɛ la, ekema trɔ ɖe ema ŋu.—Flp 2:4

• Xlẽ Ŋɔŋlɔa aɖe alo ɖewohĩ nàgblẽ agbalẽ aɖe ɖi wòanye tsidede nyateƒea ƒe nuku si nèƒã ɖe eƒe dzi me va yi la. (1Ko 3:6) Dze agbagba nàna xɔlɔ̃wɔwɔ nanɔ mia dome

• Ðo gɔmeɖoanyi na tɔtrɔyi bubu