Ale Si Nàwɔ Abi Ðe Ðaseɖiɖidɔa Me​—Ðo Gɔmeɖoanyi Na Tɔtrɔyiwɔwɔ

NU SI TA WÒLE VEVIE:

Míedi be míade tsi nyateƒea ƒe ku siwo míeƒã. (1Ko 3:6) Ne míedo go ame aɖe si tsɔ ɖe le nyaa me la, anyo be míagblẽ nyabiase aɖe ɖe egbɔ si me míava dzro ne míegatrɔ yi. Esia ana wòanɔ mɔ kpɔm na mí, eye míawo ŋutɔwo hã míagblẽ ɣeyiɣi geɖe ɖe dzadzraɖo si míawɔ ɖe tɔtrɔyia ŋu la ŋu o. Ne míetrɔ yi egbɔ la, míate ŋu agblɔ nɛ be míeva be míaɖo nyabiase si míegblẽ ɖe egbɔ va yi la ŋu.

ALE SI NÀWƆE:

• Ne èle dzadzram ɖo ɖe ɖaseɖinya si nàgblɔ ne èle tso aƒe me yi aƒe me dɔa wɔm ŋu la, dzra ɖo ɖe nyabiase si nàgblẽ ɖi si ŋu nàva ɖo ne ègatrɔ yi la hã ŋu. Ate ŋu anye nyabiase aɖe si ŋu woɖo le agbalẽ si nam nèle la me. Alo ate ŋu anye nyabiase aɖe si ŋu woɖo le míaƒe agbalẽ siwo míetsɔ srɔ̃a nu kple amewo la me, si nàdi be yeazã ne ètrɔ yi.

• Ne èle dzeɖoɖo kple ame aɖe si tsɔ ɖe le nyaa me nu wum la, na wòanya be yedi be yewoagava yi dzeɖoɖoa dzi ɣebubuɣi, emegbe bia nya si ŋu nàdi be yeava ɖo ne ègatrɔ va lae. Xɔ eƒe adrɛs kple telefon kaƒodzesi ne anya awɔ.

• Ne ègblɔ nɛ be yeatrɔ ava le ɣeyiɣi aɖe dzi la, dze agbagba nàwɔ ɖe edzi.—Mt 5:37.