NU XƆASI SIWO LE MAWU ƑE NYA LA ME | NAHUM 1–HABAKUK 3
Nɔ Ŋudzɔ Eye Nàxɔ Dzo Le Gbɔgbɔ Me
Adze abe mele bɔbɔe be Babilontɔwo nava dze Yuda dzi atsrɔ̃e o ene. Egiptetɔ siwo nye aʋawɔla sesẽwoe nɔ megbe na Yuda. Ðe Kaldeatɔwo sesẽ wu Egiptetɔwoa? Tsɔ kpe ɖe eŋu la, Yudatɔ geɖe bui be Yehowa maɖe mɔ gbeɖe be woatsrɔ̃ Yerusalem kple gbedoxɔa o. Ke hã, nyagblɔɖia ava eme eye ehiã be Habakuk nanɔ mɔ kpɔm nɛ to ale si wòanɔ ŋudzɔ eye wòaxɔ dzo le gbɔgbɔ me la dzi.
Nu kae na meka ɖe edzi be nuɖoanyi sia ƒe nuwuwu tu aƒe?
Nu kae mawɔ be mayi edzi anɔ ŋudzɔ eye maxɔ dzo le gbɔgbɔ me?