Samariatɔ Havilɔ̃laa Ƒe Lododoa

10:25-37

Yesu do lo sia esi wònɔ biabia si nye: “Ame ka tututue nye hanyevi?” la ŋu ɖom. (Lk 10:25-29) Enya be ame siwo ava nɔ Kristo hamea me la anye “ame ƒomeviwo katã” siwo dometɔ aɖewo anye Samariatɔwo kple dukɔ bubu me tɔwo. (Yh 12:32) Lododo sia kpe ɖe eyomedzelawo ŋu wose egɔme be, ele be yewoadze agbagba alɔ̃ ame bubuwo, ame siwo ƒe nuwɔnawo to vovo kura na yewo tɔwo gɔ̃ hã.

BIA ÐOKUIWÒ BE:

• ‘Aleke mesena le ɖokuinye me tso nɔviŋutsu kple nɔvinyɔnu siwo tso to alo nuto bubuwo me la ŋu?’

• ‘Ame siwo ƒe dekɔnuwo sɔ kple tɔnye koe medea ha kplii ɣesiaɣia?’

• ‘Ðe mate ŋu aʋu nye dzi me gbadzaa be magadze si Kristotɔ siwo tso nuto bubuwo me la ɖe edzi geɖe wua?’ (2Ko 6:13)

Ame kae madi be makpe . . .

• ne míayi gbeadzi ɖekae?

• ne wòava nye aƒe me ne míaɖu nu?

• ne wòawɔ ɖeka kple nye ƒomea le Ƒometadedeagu si míagawɔ me?