Yehowa Xɔna Na Eƒe Amewo

Ŋutitotoŋkekenyui gbãtɔa nye wɔna vevi aɖe si womaŋlɔ be o. Le zã ma me, esi Farao va de dzesii be yeƒe ŋgɔgbevi ku la, egblɔ na Mose be: “Mitso, mia kple Israel-vi bubuawo midzo le nye dukɔ la me. Miyi ɖasubɔ Yehowa abe ale si miegblɔe ene.” (2Mo 12:31) Yehowa ɖee fia be yexɔna na yeƒe amewo ɣesiaɣi.

Ne míede ŋugble le Yehowa ƒe ame siwo li egbea ƒe ŋutinya ŋu la, míakpɔe kɔtɛ be Yehowa yi edzi le mɔ fiam wo eye wòxɔna na wo ɣesiaɣi. Míakpɔ nya sia ƒe nyateƒenyenye ne míeɖi tsa yi blemanudzraɖoƒe si wona ŋkɔe be, “Dukɔ Aɖe Si Ŋu Yehowa Ƒe Ŋkɔ Le” si le habɔbɔa ƒe dɔwɔƒegã.

MIKPƆ VIDEO SI NYE TSAÐIÐI YI WARWICK BLEMANUDZRAÐOƑEA: “DUKƆ AÐE SI ŊU YEHOWA ƑE ŊKƆ LE,” EYOME MIAÐO BIABIA SIAWO ŊU:

• 

  Dɔwɔnu kae Biblia nusrɔ̃viawo to vɛ le ƒe 1914-awo ƒe gɔmedzedze si na amewo xɔ Biblia dzi se, eye aleke esia ɖe vii?

• 

  Dodokpɔ kawo mee woto le ƒe 1916 kple ƒe 1918 me, eye nu kae ɖo kpe edzi be Yehowa nɔ mɔ fiam habɔbɔa?

• 

  Aleke Yehowa ƒe amewo nɔ te sesĩe le xɔse me togbɔ be woti wo yome hã?

• 

  Gɔmesese yeye kae va su Yehowa ƒe amewo si le ƒe 1935 me, eye ŋusẽ kae esia kpɔ ɖe wo dzi?

• Nu kae nèkpɔ le videoa me si na nèxɔe se be Yehowa le mɔ fiam eƒe amewo eye wòxɔna na wo ɣesiaɣi?