Sɔhɛwo​—Yehowae Nye Mia Xɔlɔ̃ Vevitɔ Kekeakea?

Nɔnɔme kawoe nàdi be woanɔ xɔ̃wò si? Ðewohĩ àdi be xɔ̃wòa nanye ame si wɔa nuteƒe, tsɔa ɖe le eme na ame, eye wònyoa dɔme. Nɔnɔme siawo katã le Yehowa si. (2Mo 34:6; Dw 14:17) Ne èdo gbe ɖa nɛ la, esenɛ. Ekpena ɖe ŋuwò ɣesiaɣi. (Ps 18:19, 35) Etsɔa wò vodadawo kea wò. (1Yh 1:9) Yehowa ye nye Xɔlɔ̃ nyuitɔ kekeake!

Nu kae nàwɔ be nàdze xɔ̃ Yehowa? Nɔ eƒe Nyaa xlẽm be nàdze si nyuie wu. Gblɔ wò dzimenyawo nɛ. (Ps 62:8; 142:2) Ðee fia be nu siwo le vevie na Yehowa abe Via, eƒe Fiaɖuƒea kple mɔkpɔkpɔ si wòna mí ku ɖe etsɔme ŋu la le vevie na wò hã. Ƒo nu tso Yehowa ŋu na ame bubuwo. (5Mo 32:3) Ne èdze xɔ̃ Yehowa eye nèna wò kplii dome le kplikplikpli la, anye Xɔ̃wò tegbee.—Ps 73:25, 26, 28.

MIKPƆ VIDEO SI NYE SƆHƐWO—“MIÐƆE KPƆ, EYE MIAKPƆE BE YEHOWA NYO,” EYOME MIAÐO BIABIA SIAWO ŊU:

• 

  Nu kawoe nàwɔ atsɔ adzra ɖo ɖe adzɔgbeɖeɖe kple nyɔnyrɔxɔxɔ ŋu?

• 

  Aleke nɔvi siwo le hamea me la ate ŋu akpe ɖe ŋuwò nàyi edzi asubɔ Yehowa?

• 

  Aleke gbeadzisubɔsubɔdɔa doa ŋusẽ ƒomedodo si le wò kple Yehowa dome?

• 

  Subɔsubɔmɔnukpɔkpɔ kawoe le ʋuʋu ɖi na wò?

• Nu kae na nèlɔ̃ Yehowa?