Míawɔ Gbeƒãɖeɖedɔ Tɔxɛ Aɖe Le November Me Atsɔ Aɖe Gbeƒã Mawu Fiaɖuƒea

Yesu ɖe gbeƒã “Mawu Fiaɖuƒe ŋuti nya nyui la.” (Lk 4:43) Efia nu amewo hã be woado gbe ɖa abia Fiaɖuƒe ma. (Mt 6:9, 10) Le November mea, míawɔ dɔ tɔxɛ aɖe atsɔ ahe amewo ƒe susu ava Mawu Fiaɖuƒea dzi. (Mt 24:14) Wɔ wò ɖoɖowo nyuie ale be nàte ŋu akpɔ gome le dɔ sia me bliboe. Ame siwo katã awɔ kpekpeɖeŋu mɔɖeɖedɔa le ɣleti ma mea, ate ŋu atiae be yewoazã gaƒoƒo 30 alo 50.

Dze agbagba nàxlẽ ŋɔŋlɔ ɖeka aɖe si ku ɖe Mawu Fiaɖuƒea ŋu na ame geɖe ale si nu nàte ŋui le wò anyigbamamaa me. Ne èle ŋɔŋlɔ si nàzã tiam la, bu nu siwo dzi ame siwo le wò anyigbamamaa me xɔse la ŋu. Ne ame aɖe tsɔ ɖe le nyaa me zi gbãtɔ la, ekema tsɔ Gbetakpɔxɔ ƒe tata si míemana No. 2 2020 ƒe ɖeka nɛ. Dze agbagba nàtrɔ yi egbɔ kaba eye nàtsɔ Dɔwɔnu Siwo Míetsɔ Fiaa Nui la dometɔ ɖeka nɛ, eye nàdze Biblia nusɔsrɔ̃ gɔme kplii. Madidi o, Mawu Fiaɖuƒea agbã dziɖuɖu siwo katã tsi tsitre ɖe eŋu. (Da 2:44; 1Ko 15:24, 25) Eya ta, mina míawɔ mɔnukpɔkpɔ tɔxɛ sia ŋu dɔ bliboe atsɔ aɖee afia be míele Yehowa kple eƒe Fiaɖuƒea ƒe akpa dzi!