Àdi Be Yeade Fiaɖuƒe Nyanyuigblɔlawo Ƒe Sukua?

Ðe nèxɔ tso ƒe 23 va ɖo 65 eye nèle ɣeyiɣiawo katã ƒe subɔsubɔdɔa wɔma? Ðe nèle lãmesẽ me eye didia le mewò be yeasubɔ le afi si hiahiã geɖe wu lea? Ne èɖo biabia siawo ŋu be ɛ̃ la, ke ɖe nèbu Fiaɖuƒe Nyanyuigblɔlawo Ƒe Sukua dede ŋu kpɔa? Tso esime wodze suku sia gɔme la, atsu kple asiwo, kpakple nɔviŋutsu kple nɔvinyɔnu tre akpe geɖewo de. Ke hã, míegahiã nɔviŋutsu tre geɖe be woade. Bia Yehowa be wòana didi si le mewò be yeawɔ eƒe lɔlɔ̃nu la nadzi ɖe edzi eye wòakpe ɖe ŋuwò nàsrɔ̃ Via. (Ps 40:8; Mt 20:28; Heb 10:7) Emegbe bu ale si nàɖe wò dɔ alo agbanɔamedzi bubuwo dzi kpɔtɔ be nàte ŋu ade sukua ŋu.

Subɔsubɔmɔnukpɔkpɔ kawoe le ʋuʋu ɖi na ame siwo xɔ hehe le suku sia? Woɖoa wo dometɔ aɖewo ɖe nuto siwo me wodoa gbe bubuwo le me alo be woava wɔ dutoƒoɖaseɖiɖidɔ tɔxɛwo le du gãwo me. Wo dometɔ aɖewo va nyea nutome sue dzikpɔla teƒenɔlawo, nutome sue dzikpɔlawo, alo dutanyanyuigblɔlawo. Esi nèle nu siwo nàte ŋu awɔ le Yehowa subɔsubɔ me ŋu bum la, neva eme be nàgblɔ abe nyagblɔɖila Yesaya ene be: “Nyee nye esi! Dɔm!”—Yes 6:8.

MIKPƆ VIDEO SI NYE DUTANYANYUIGBLƆLAWO LE GEÐE WƆM LE NUŊEŊEDƆA ME, EYOME MIAÐO BIABIA SIAWO ŊU:

• 

  Aleke wowɔna ɖoa dutanyanyuigblɔlawo?

• 

  Dɔ nyui kawo wɔm dutanyanyuigblɔlawo le?

• 

  Yayra siwo dutanyanyuigblɔlawo kpɔna dometɔ aɖewo ɖe?