Kpɔ Wò Srɔ̃ɖeɖe Ta

Yehowa bua srɔ̃ɖetamkaka ŋkubiãnyae. Egblɔ be ele be ŋutsu kple srɔ̃a naku ɖe wo nɔewo ŋu. (Mt 19:5, 6) Mawu ƒe amewo dometɔ geɖe le dzidzɔ kpɔm le woƒe srɔ̃ɖeɖe me. Ke hã, srɔ̃ɖeɖe aɖeke mede blibo o. Kuxiwo te ŋu doa mo ɖa. Mele be míasusui be kaklã alo srɔ̃gbegbee akpɔ kuxiawo gbɔ abe ale si ame geɖe susunɛ ene o. Aleke srɔ̃tɔ Kristotɔwo ate ŋu akpɔ woƒe srɔ̃ɖeɖea ta?

Bu mɔ vevi atɔ̃ siawo ŋu kpɔ.

1. Ƒo asa na ahiãmoɖoɖo kple modzakaɖeɖe siwo me woɖea gbɔdɔnuwɔnawo le be nàkpɔ wò dzi ta, elabe nu siawo gblẽa srɔ̃ɖeɖe me.—Mt 5:28; 2Pe 2:14.

2. Na wò kple Mawu dome nanɔ kplikplikpli, eye nàna didi si le mewò be yeana yeƒe srɔ̃ɖeɖea nadze eŋu la nu nasẽ ɖe edzi.—Ps 97:10.

3. Yi edzi nàdo amenyenye yeyea, eye nàwɔ nu suesuesue aɖewo atsɔ anyo dɔme na srɔ̃wò be agbea nanɔ bɔbɔe nɛ vie wu.—Kol 3:8-10, 12-14.

4. Ðo dze tuameɖowo kple srɔ̃wò le bubu me.—Kol 4:6.

5. Na srɔ̃nua le lɔlɔ̃ kple vividoɖeameŋu me.—1Ko 7:3, 4; 10:24.

Kristotɔ siwo dea bubu woƒe srɔ̃ɖeɖe ŋua le bubu dem Yehowa, ame si ɖo srɔ̃ɖeɖe gɔme anyia ŋu.

MIKPƆ VIDEO SI NYE ELE BE ‘MÍATSƆ DZIDODO ANƆ DUÐIMEKEKEA DZI’—WƆ ÐE HOƲIƲLIA ƑE SEWO DZI, EYOME MIAÐO BIABIA SIAWO ŊU:

• 

  Ne srɔ̃ɖeɖe dze egɔme nyuie hãa, kuxi kawoe ate ŋu ava do mo ɖa?

• 

  Aleke Biblia me gɔmeɖosewo ate ŋu akpe ɖe ame siwo se le wo ɖokui me be lɔlɔ̃ megale yewoƒe srɔ̃ɖeɖea me o ŋu?

• 

  Se kawoe Yehowa de ku ɖe srɔ̃ɖeɖe ŋu?

• Nu kae wòle be srɔ̃tɔawo dometɔ ɖe sia ɖe nawɔ be srɔ̃ɖeɖea nakpɔ dzidzedze?