Nɔ Hehe Nam Wò Nugɔmeseseŋutetewo

Ele be kamedefefewɔla nanɔ hehe nam eɖokui ale be wòagabi ɖe edzi. Ele be míawo hã míaku kutri anɔ hehe nam míaƒe nugɔmeseseŋutetewo edziedzi. (Heb 5:14) Togbɔ be ɖewohĩ adzro mí ɣeaɖewoɣi be ame bubuwo natso nya me na mí hã, ele be míasrɔ̃ ale si mía ŋutɔwo míabu nuwo ŋu nyuie hafi atso nya me. Nu ka tae? Elabe mía dometɔ ɖe sia ɖe abu akɔnta le eƒe nyametsotsowo ŋu.—Ro 14:12.

Mele be míasusui be esi míele nyateƒea me ƒe geɖe ta, ema ɖeɖe ana míatso nya me nyuie ɣesiaɣi o. Hafi míatso nya me nyuiea, ele be míatrɔ ɖe Yehowa, eƒe Nyaa, kple mɔfiame siwo eƒe habɔbɔa nana mí la ŋu bliboe.—Yos 1:7, 8; Lod 3:5, 6; Mt 24:45.

MIKPƆ WƆWƆFIA ƑE VIDEO SI NYE “DZITSINYA NYUI NÈNƆ ASIWÒ,” EYOME MIAÐO BIABIA SIAWO ŊU:

• 

  Nu ka ŋue wòva hiã be Enam natso nya me le?

• 

  Nu ka tae mele be míagblɔ nu si míawo míesusu na ame aɖe ne nɔnɔmea bia be wòawɔ eƒe dzitsinya ŋu dɔ o?

• 

  Aɖaŋu nyui kae atsu kple asi aɖe ɖo na Enam?

• 

  Afi kae Enam kpɔ mɔfiame nyui siwo ku ɖe eƒe nɔnɔmea ŋu le?