NA WÒ SUBƆSUBƆDƆA NANYO ÐE EDZI | KPƆ DZIDZƆ GEÐE LE WÒ SUBƆSUBƆDƆA ME
Kpe Ðe Biblia Nusrɔ̃viwo Ŋu Woade Kpekpeawo
Hamea ƒe kpekpewo nye tadedeagu dzadzɛa ƒe akpa vevi aɖe. (Ps 22:22) Yehowa yraa mí ne míekpe ɖekae be míasubɔe, eye dzi dzɔa mí. (Ps 65:4) Zi geɖea, Biblia nusrɔ̃vi siwo dea kpekpeawo edziedzia xɔa nyateƒea kaba.
Aleke nàwɔ akpe ɖe wò Biblia nusrɔ̃viwo ŋu be woade kpekpeawo? Nɔ wo kpem na kpekpeawo. Ðe video si nye Nu Kawoe Yia Edzi Le Fiaɖuƒe Akpata Me? na wo. Gblɔ viɖe siwo míekpɔna ne míede kpekpeawoa na wo. (lff nusɔsrɔ̃ 10) Àte ŋu agblɔ nu vevi aɖe si nèsrɔ̃ le kpekpe aɖe me alo nane si míasrɔ̃ le kpekpe si gbɔna mea na wo. Tsɔ agbalẽ siwo míazã le kpekpeawo mea na wò nusrɔ̃viawo. Anyo be nàna kpekpeɖeŋu wo hã. Ðewohĩ ahiã be nàɖo ʋu na wo. Ne wò nusrɔ̃via de kpekpea zi gbãtɔa, àkpɔe be agbagba ɖe sia ɖe si nèdze tsɔ kpe ɖe eŋua mezu dzodzro o.—1Ko 14:24, 25.
MIKPƆ WƆWƆFIA ƑE VIDEO SI NYE KPE ÐE WÒ BIBLIA NUSRƆ̃VIWO ŊU WOADE KPEKPEAWO, EYOME MIAÐO BIABIA SIAWO ŊU:
Mɔnukpɔkpɔ ka ŋu dɔe Rut wɔ tsɔ kpe Dzidzɔ na hame ƒe kpekpe aɖe?
Nu ka tae dzi dzɔa mí ne Biblia nusrɔ̃vi aɖe dena kpekpeawo?
“Mawu le mia dome vavã”
Aleke Dzidzɔ se le eɖokui me esi wòde kpekpea zi gbãtɔ?