Kpe Ðe Biblia Nusrɔ̃viwo Ŋu Woana Ƒomedodo Kplikplikpli Nanɔ Wo Kple Yehowa Dome

Yehowa di be míasubɔ ye le esi míelɔ̃ ye ta. (Mt 22:37, 38) Lɔlɔ̃ na Mawue akpe ɖe Biblia nusrɔ̃viwo ŋu be woawɔ tɔtrɔwo eye woanɔ te sesĩe ne tetekpɔwo va wo dzi. (1Yh 5:3) Lɔlɔ̃ na Mawu kee aʋã wo be woaxɔ nyɔnyrɔ.

Kpe ɖe wò nusrɔ̃viwo ŋu woakpɔe be Mawu lɔ̃ wo. Bia wo nya siawo tɔgbi: “Nu kae esia fia wò tso Yehowa ŋu?” alo “Aleke esia ɖee fia be Mawu lɔ̃ wò?” Kpe ɖe wo ŋu woade dzesi ale si Yehowa le kpekpem ɖe wo ŋu. (2Kr 16:9) Gblɔ ale si Yehowa ɖo wò gbedodoɖa aɖewo koŋ ŋua na wo, eye nàde dzi ƒo na wo be woade dzesi ale si Yehowa ɖoa wo tɔwo hã ŋui. Dzi dzɔa mí ŋutɔ ne míekpɔe be Biblia nusrɔ̃viwo va de dzesi ale si gbegbe Yehowa lɔ̃ wo eye woawo hã wole eɖem fia be yewo lɔ̃e vevie.

MIKPƆ WƆWƆFIA ƑE VIDEO SI NYE KPE ÐE WÒ BIBLIA NUSRƆ̃VIWO ŊU WOANA ƑOMEDODO KPLIKPLIKPLI NANƆ WO KPLE YEHOWA DOME, EYOME MIAÐO BIABIA SIAWO ŊU:

• 

  Kuxi kae Dzidzɔ do goe?

• 

  Aleke Rut kpe ɖe Dzidzɔ ŋu?

• 

  Aleke Dzidzɔ wɔ kpɔ kuxia gbɔ?