Yehowa Dea Asixɔxɔ Míaƒe Gbedodoɖawo Ŋu

Gbedodoɖa siwo dzea Yehowa ŋua le abe dzudzɔ ʋeʋĩ si wodona le eŋkume le gbedoxɔa me ene. (Ps 141:2) Ne míeƒoa nu tso lɔlɔ̃ si le mía si na Yehowa kple ale si míekpɔa ŋudzedze ɖe nu siwo wòwɔna na mí ŋu, míegblɔa míaƒe kuxiwo kple dzimedidiwo nɛ, eye míebiaa eƒe mɔfiamewoa, míeɖenɛ fiana be míedea asixɔxɔ ƒomedodo si le mía kplii domea ŋu. Ele eme be Yehowa bua gbe siwo míedona ɖa kpuie le míaƒe kpekpewo me be wonye míaƒe subɔsubɔ ƒe akpa vevi aɖe. Gake edzɔa dzi nɛ ŋutɔ ne míawo ŋutɔwo hã míedoa gbe ɖa wòdidina wu eye míegblɔa míaƒe dzimenyawo nɛ!—Lod 15:8.

MIKPƆ VIDEO SI NYE MEDOA GBE ÐA VEVIE, EYOME MIAÐO BIABIA SIAWO ŊU:

• Subɔsubɔmɔnukpɔkpɔ kawoe su Nɔviŋutsu Johnson si?

• Aleke Nɔviŋutsu Johnson ɖo ŋu ɖe Yehowa ŋu le gbedodoɖa me?

• Nu kawoe nèsrɔ̃ tso Nɔviŋutsu Johnson ƒe nuteƒekpɔkpɔwo me?