KRISTOTƆWO ƑE AGBENƆNƆ

Kpe Ðe Ame Siwo Mexɔ Mawu Dzi Se O Ŋu Be Woava Dze Sii

Ðe nèhena ɖe megbe be yeaɖi ɖase na ame siwo mexɔ Mawu dzi se o le esi nèsusuna be womaɖo to o ta? Ne nenemaea, ɖo ŋku edzi be ame geɖe siwo mexɔ Mawu dzi se tsã oa va zu Yehowa Ðasefowo. Zi geɖea, nu si wohiã koe nye be woakpe ɖe wo ŋu woakpɔ nu siwo ɖo kpe edzi be Mawu li.—Ro 1:20; 10:14.

MIKPƆ VIDEO SI NYE ÐO ŊKU EDZI BE XƆSE ATE ŊU ASU XƆSEMANƆSITƆWO SI! —AME SIWO MESUBƆA MAWU O, EYOME MIAÐO BIABIA SIA ŊU:

Aleke Tommaso ƒe kpɔɖeŋua kpe ɖe ŋuwò be susu nyui nanɔ asiwò nàɖi ɖase na ame siwo mexɔ Mawu dzi se o?

Ŋlɔ ŋuɖoɖoa

Ale si nàwɔe

Ne ame aɖe gblɔ be yemexɔ Mawu dzi se oa, gbɔ dzi ɖi nàbia nyawoe aɖaŋutɔe be nànya nu si tae wòsusu alo se le eɖokui me nenema. (2Ti 2:24) Dzro nyati siwo nèkpɔ be adzɔ dzi nɛa me kplii. Ne alɔ̃ be nàdzro kpeɖodzi siwo na ame geɖe va xɔe se be Wɔla aɖe li me kpli yea, ke zã agbalẽ kple video siwo ŋu wotrɔ asi le na esia wɔwɔ. Wotsɔ agbalẽ gbadza siwo nye Was Life Created? (La vie a-t-elle été créée ?) kple The Origin of Life—Five Questions Worth Asking (Cinq questions à se poser sur l’origine de la vie) kpe ɖe Dɔwɔnu Siwo Míetsɔ Fiaa Nuia ŋu be míate ŋu ake ɖe wo ŋu bɔbɔe.

Àte ŋu avɔ̃ gbã be yeaɖe gbeƒã na ame aɖe si mexɔ Mawu dzi se o. Ne ewɔna na wò alea, bia kpekpeɖeŋu tso gbeƒãɖela bibi aɖe gbɔ. Ðo ŋku edzi hã be Yehowa ate ŋu akpe ɖe mía ŋu míaɖo ame siwo si dzi nyui lea ƒe dzi gbɔ, ne womexɔe se gbã be eli o gɔ̃ hã.—Dw 13:48.