Míawɔ Nuteƒe Ðaa

1. Míawɔ nuteƒe na

Mawu Le míaƒe nuwɔna me.

Míeɖe adzɔgbe na Mawu,

Míasrɔ̃ eƒe seawo nyuie.

Eƒe nyawo ɖea vi na mí,

Ele be míawɔ wo dzi.

Nuteƒewɔla ye wònye,

Míanɔ egbɔ ɣesiaɣi.

2. Míawɔ nuteƒe na mía nɔe’o

Le xaxaɣi kple hiãɣi.

Míatsɔ ɖe le ’me na mía nɔe’o,

Afa tu, agbɔ dzi ɖi.

Míade bubu mía nɔvi’o ŋu,

Alɔ̃ wo kple dzi blibo.

Mawu ƒe Nya te mí ƒo ƒui,

Míagblẽ mía nɔewo ɖi o.

3. Míawɔ nuteƒe na nɔvi

Si’o xɔa ŋgɔ le mía dome.

Ne wona mɔfiame mí la,

Míaɖo to tso dzi me ke

Bene Yehowa nayra mí,

Ado ŋusẽ mí katã.

Míawɔ nuteƒe gbe sia gbe

Be míanye Mawu tɔ ɖaa.