Nu Ka Tae Yehowa Ðasefowo Ðea Gbeƒã Tso Ʋɔtru Nu Yi Ʋɔtru Nu?

Yesu gblɔ na eyomedzelawo be woawɔ “dukɔwo katã me tɔwo woanye nusrɔ̃lawo.” (Mateo 28:​19, 20) Esi Yesu dɔ eƒe nusrɔ̃la gbãtɔwo la, egblɔ na wo be woayi amewo gbɔ le woƒe aƒewo me. (Mateo 10:​7, 11-13) Le Yesu ƒe ku megbe la, Kristotɔ siwo nɔ anyi le ƒe alafa gbãtɔ me la yi edzi nɔ gbeƒã ɖem gbedeasia “le dutoƒo kple aƒe me yi aƒe me.” (Dɔwɔwɔwo 5:​42; 20:​20) Kristotɔ gbãtɔ mawo ƒe afɔtoƒee míetona, eye míekpɔe be gbeƒãɖeɖe tso ʋɔtru nu yi ʋɔtru nue nye mɔ nyui aɖe si dzi míetona kena ɖe amewo ŋu.