Nya Kae Biblia Gblɔ?

Ðe ŋkɔ le Mawu sia?

AME AÐEWO GBLƆNA BE ŋkɔ mele esi o, ame bubuwo gblɔna be eŋkɔe nye Mawu alo Aƒetɔ, eye ame aɖewo hã gblɔna be ŋkɔ gbogbo aɖewoe le Mawu si. Nu kae nye wò susu?

NYA SI BIBLIA GBLƆ

“Wò, ame si ŋkɔe nye Yehowa la, wò ɖeɖe koe nye Dziƒoʋĩtɔ ɖe anyigba blibo la dzi.”—Psalmo 83:18.

NU BUBU KAE MÍATE ŊU ASRƆ̃ LE BIBLIA ME?

• Togbɔ be dzesideŋkɔ geɖewo le Mawu si hã la, etsɔ ŋkɔ ɖeka pɛ na eɖokui.—2 Mose 3:15.

• Mawu menye ame si womate ŋu adze sii o; edi be míanya ye.—Dɔwɔwɔwo 17:27.

• Mawu ƒe ŋkɔ nyanya ate ŋu anye afɔ gbãtɔ si míaɖe hafi adze xɔlɔ̃e.—Yakobo 4:8.

Ðe wònye nu gbegblẽ be míayɔ Mawu ƒe ŋkɔa?

ÐE NÀGBLƆ BE . . .

• Ɛ̃a?

• Aoa?

• Nɔnɔmea ye afia?

NYA SI BIBLIA GBLƆ

“Mègayɔ Yehowa wò Mawu la ŋkɔ dzodzro o.” (2 Mose 20:7) Ne míezã Mawu ƒe ŋkɔa bubumadeameŋutɔe ko hafi wòanye nu gbegblẽ.—Yeremiya 29:9.

NU BUBU KAE MÍATE ŊU ASRƆ̃ LE BIBLIA ME?

• Yesu nya Mawu ƒe ŋkɔ eye wòzãe.—Yohanes 17:25, 26.

• Mawu le dzi dem ƒo na mí be míayɔ yeƒe ŋkɔ.—Psalmo 105:1.

• Mawu ƒe futɔwo di be yewoana amewo naŋlɔ eƒe ŋkɔa be.—Yeremiya 23:27.