Deuteronomy
21 “Edieke okụtde owo emi ẹwotde ke isọn̄ emi Jehovah Abasi fo ọnọde fi ada enyene, nte anade ke ikọt, ndien owo ifiọkke andiwot enye,+ 2 mbiowo fo ye mme ebiereikpe+ fo ẹnyene ndiwọrọ n̄kodomo ebiet emi owo oro ẹwotde do anade tutu esịm mme obio emi ẹdude ẹkanade; 3 ndien mmọ ẹyefiọk obio emi ekperede akpan̄kpa oro akan. Ndien mbiowo obio oro ẹyeda eyen enan̄ emi akanam owo mîdaha inam utom, eke mînyụn̄ idụrike n̄kpọ ke ọkpọnọ; 4 mbiowo obio oro ẹnyụn̄ ẹnyene ndida eyen enan̄ oro nsụhọde ke itịghede idịm mmọn̄ emi owo mîfụn̄ke isọn̄ mînyụn̄ itọhọ n̄kpọ, ndien mmọ ẹnyene ndibụn̄ eyen enan̄ oro itọn̄ do ke idịm oro.+
5 “Ndien mme oku, nditọ Levi, ẹnyene ndisan̄a n̄kpere, koro mmọ ke Jehovah Abasi fo emek ete ẹsan̄a utom ẹnọ enye+ ẹnyụn̄ ẹda enyịn̄ Jehovah ẹdiọn̄+ mme owo, onyụn̄ edi uyo mmọ ke ẹdida ẹbiere kpukpru ikpe afai.+ 6 Ndien yak kpukpru mbiowo obio emi ẹkperede akpan̄kpa oro ẹyet ubọk+ mmọ ke enyọn̄ eyen enan̄ emi ẹkebụn̄de itọn̄ ke idịm do; 7 mmọ ẹnyụn̄ ẹnyene ndidọhọ ẹte, ‘Idịghe ubọk nnyịn ọkọduọk iyịp emi, enyịn nnyịn ikonyụn̄ ikwe nte ẹduọkde iyịp emi.+ 8 Kûbat emi unọ ikọt fo Israel, emi afo, O Jehovah, akafakde,+ kûnyụn̄ uda ubiomikpe iyịp owo eke mîduehe+ udori ikọt fo Israel.’ Ndien owo idibatke ubiomikpe iyịp inọ mmọ. 9 Ntem ke afo edisio ubiomikpe iyịp owo eke mîduehe efep ke otu fo,+ koro afo ayanam se inende ke iso Jehovah.+
10 “Edieke afo ọwọrọde aka ekọn̄ ye mme asua fo, Jehovah Abasi fo onyụn̄ adade mmọ esịn fi ke ubọk,+ afo onyụn̄ atan̄ mmọ ọnyọn̄ nte mbuotekọn̄;+ 11 onyụn̄ okụt ediye eyenan̄wan ke otu mbuotekọn̄ oro, onyụn̄ ama+ enye onyụn̄ ada enye ọdọ, 12 do afo enyene ndida enye ndụk ufọk fo. Yak enye okporo idet+ esie, onyụn̄ ọdiọn̄ mbara esie, 13 onyụn̄ osio ọfọn̄ emi enye ekesịnede ke ini ẹkemụmde enye efep ke idem esie, onyụn̄ odụn̄ ke ufọk fo onyụn̄ atua ete esie ye eka esie ke ọfiọn̄ enyọn̄ kiet;+ ndien ke oro ebede nyene ebuana ye enye, nyụn̄ dọ enye, ndien enye ayakabade edi n̄wan fo. 14 Ndien ama ekem, edieke afo mûmaha enye aba, sio enye unyọn̄,+ yak enye aka ebiet eke ukpọn̄ esie amade; edi kûdedei unyam enye ubọ okụk. Kûnam n̄kpọ ye enye ke ufịk+ ke ama akasabade enye.
15 “Edieke owo enyenede iban iba, kiet edi n̄wan ima enye eken edi n̄wan usua, ndien mmọ mbiba, n̄wan ima ye n̄wan usua, ẹman nditọ ẹnọ enye, ndien akpan edi eyen n̄wan usua,+ 16 ama ekem ke usen eke enye edemede inyene esie ọnọ nditọ esie, owo idiyakke enye enịm eyen n̄wan ima ke itie akpan utu ke eyen n̄wan usua emi edide ata akpan.+ 17 Koro enye enyene ndidiọn̄ọ ke eyen n̄wan usua edi akpan, ebe ke ndinọ enye mbak iba ke kpukpru inyene esie,+ koro enye edide ntọn̄ọ odudu ubon eyen esie.+ Unen itie akpan enyene enye.+
18 “Edieke owo enyenede eyen emi ọsọn̄ọde enyịn onyụn̄ ọsọn̄de ibuot,+ emi mîkopke uyo ete esie ye uyo eka esie,+ ndien mmọ ẹnen̄ede enye, edi enye ikopke uyo mmọ,+ 19 yak ete esie ye eka esie ẹmụm enye ẹsọk mbiowo obio esie ke inuaotop obio,+ 20 ndien mmọ ẹnyene ndidọhọ mbiowo obio ẹte, ‘Eyen nnyịn emi ọsọn̄ọ enyịn onyụn̄ ọsọn̄ ibuot; enye ikopke uyo nnyịn,+ onyụn̄ edi ama-udia+ ye akpammịn.’+ 21 Ndien kpukpru owo ke obio esie ẹnyene nditọn̄ọ enye ke itiat n̄wot. Ntem ke afo edisio se idiọkde efep ke otu fo, ndien ofụri Israel ẹyekop ẹnyụn̄ ẹdịghe.+
22 “Ndien edieke owo anamde idiọkn̄kpọ emi odotde n̄kpa, ndien ẹwot enye,+ afo onyụn̄ eyịri enye ke eto,+ 23 kûyak okpo esie ọkọn̄ọ ke eto ke ofụri okoneyo;+ edi bụk enye kpa usen oro, koro se ẹyịride ke eto edi n̄kpọ isụn̄i ọnọ Abasi;+ ndien afo unyeneke ndibiat isọn̄ fo, emi Jehovah Abasi fo ọnọde fi nte udeme.+