2 Chronicle

32 Ke mme n̄kpọ emi ẹma ẹkebe ye ke Hezekiah ama akanam akpanikọ,+ Sennacherib+ edidem Assyria+ edi edidụk Judah onyụn̄ anam nna akanade mme obio ibibene,+ onyụn̄ ekere ndida mmọ nnyene ke n̄kanubọk.

2 Ke ini Hezekiah okụtde ke Sennacherib enen̄ede ebiere+ ndin̄wana ekọn̄ ye Jerusalem, 3 enye ye mbọn̄+ esie ye n̄kpọsọn̄ owo esie ẹbiere ndisịri idịm mmọn̄ emi odude ke an̄wa obio;+ ndien mmọ ẹn̄wam enye. 4 Ntem mmọ ẹbon ediwak owo ọtọkiet ẹnyụn̄ ẹdaha ẹkesịri kpukpru obube mmọn̄ ye mmọn̄+ emi ewetde ebe ke ufọt isọn̄, ẹnyụn̄ ẹdọhọ ẹte: “Ntak emi ndidem Assyria ẹkpedide ẹdikụt ekese mmọn̄?”

5 N̄ko-n̄ko, enye enyene uko afiak ọkọbọp kpukpru mme ibibene+ emi ẹma ẹkewụre onyụn̄ ọbọp mme tọwa+ odori ke mmọ, onyụn̄ ọbọp ibibene efen+ ke an̄wa, ọdiọn̄ Edikon̄ Ebiet+ ke Obio David, onyụn̄ anam ediwak enyịm+ ye mme otuekọn̄.+ 6 Ndien enye enịm mme etubom ekọn̄+ ete ẹse ẹban̄a mme owo onyụn̄ anam mmọ ẹsobo ye enye ke an̄wa obio+ ke inuaotop onyụn̄ etịn̄ ikọ emi otụkde mmọ esịt,+ ete: 7 “Mbufo ẹnyene uko ẹnyụn̄ ẹkop odudu.+ Ẹkûfehe ndịk+ ẹkûnyụn̄ ẹyak idem enyek+ mbufo ke ntak edidem Assyria+ ye ke ntak ofụri otuowo emi ẹdude ye enye;+ koro mbon oro ẹdude ye nnyịn ẹwakde ẹkan mbon oro ẹdude ye enye. 8 Enye enyene n̄kpọekọn̄ obụkidem,*+ edi Jehovah Abasi nnyịn odu ye nnyịn ndin̄wam nnyịn+ nnyụn̄ n̄n̄wana ekọn̄ nnọ nnyịn.”+ Ndien mbio obio ẹberi edem ke ikọ Hezekiah edidem Judah.+

9 Ekedi ke n̄kpọ emi ama ekebe ke Sennacherib+ edidem Assyria, ke ini odude ke Lachish+ ye kpukpru mbonekọn̄ esie,+ ọkọdọn̄ mme asan̄autom esie utom ke Jerusalem ọnọ Hezekiah edidem Judah ye ofụri mbon Judea emi ẹdude ke Jerusalem, ete:

10 “Ntem ke Sennacherib edidem Assyria ọdọhọ,+ ‘Mbufo ẹberi edem ke nso emi ẹtiede sụn̄ ntem ke adan̄aemi ẹma ẹkekan Jerusalem ẹkụk?+ 11 Nte Hezekiah+ itapke-tap+ mbufo man anam mbufo ẹkpan̄a ke akan̄ ye nsatitọn̄, onyụn̄ ọdọhọ ete: “Jehovah Abasi nnyịn ayanyan̄a nnyịn osio ke ubọk edidem Assyria”?+ 12 Nte idịghe Hezekiah okosion̄o mme edikon̄ ebiet+ ye mme itieuwa+ esie efep, ekem ọdọhọ Judah ye Jerusalem ete: “Mbufo ẹtuak ibuot+ ke itieuwa+ kiet, ẹnyụn̄ ẹnam nsụn̄ikan̄ uwa oto do ọwọrọ ọdọk”?+ 13 Nte mbufo ifiọkke se ami ye mme ete ete mi ikanamde ofụri mbio isọn̄ emi?+ Ndi mme abasi+ mme idụt emi ẹma ẹkeme ke baba usụn̄ kiet ndinyan̄a mmọ nsio mi ke ubọk? 14 Anie ke otu kpukpru abasi mme idụt emi mme ete ete mi ẹkesobode ekekeme ndinyan̄a ikọt esie nsio mi ke ubọk, eke Abasi mbufo edikemede ndinyan̄a mbufo nsio mi ke ubọk?+ 15 Ndien, ke emi, mbufo ẹkûyak Hezekiah abian̄a+ mbufo m̀mê atap+ mbufo ntem, ẹkûnyụn̄ ẹbuọt idem ke enye, koro baba abasi idụt m̀mê eke obio ubọn̄ ekededi mîkekemeke ndinyan̄a ikọt esie nsio mi ke ubọk ye ke ubọk mme ete ete mi. Didie, ndien, ke Abasi mbufo edikeme ndinyan̄a mbufo nsio mi ke ubọk!’”+

16 Ndien mme asan̄autom esie ẹka iso ẹtịn̄ ikọ ẹbiat Jehovah ata Abasi+ ye Hezekiah asan̄autom esie. 17 Enye onyụn̄ ewet mme leta+ ndisuene Jehovah Abasi Israel+ nnyụn̄ ntịn̄ ikọ mbiat enye, ọdọhọde ete: “Kpa nte mme abasi+ mme idụt emi mîkanyan̄ake ikọt mmọ isio mi ke ubọk,+ kpasụk ntre Abasi Hezekiah idinyan̄ake ikọt esie isio mi ke ubọk.” 18 Ndien mmọ+ ẹkot mbon Jerusalem emi ẹdorode ke ibibene ke ọkpọsọn̄ uyo+ ke usem+ mme Jew, man ẹnam mmọ ẹkop ndịk+ ẹnyụn̄ ẹtịmede mmọ, man mmọ ẹkpeda obio oro ẹnyene. 19 Mmọ ẹnyụn̄ ẹtịn̄ ikọ ẹbiat+ Abasi mbon Jerusalem+ kpa nte ẹketịn̄de ẹbiat mme abasi mme idụt isọn̄, emi ẹdide utom ubọk owo.+ 20 Edi Edidem Hezekiah+ ye prọfet+ Isaiah+ eyen Amoz+ ẹbọn̄ akam ẹban̄a n̄kpọ emi+ ẹnyụn̄ ẹseme ẹkot heaven ẹyom un̄wam.+

21 Ndien Jehovah ọdọn̄ angel+ okowot kpukpru n̄kpọsọn̄+ mbon uko ye adausụn̄ ye etubom ke itienna edidem Assyria,+ tutu enye afiak ọnyọn̄ obio esie ye iso esuene. Ekem enye odụk ufọk abasi esie, ndien edi do ke ndusụk mbon emi ẹtode enye idem ẹwọrọ ẹkeda akan̄kan̄ ẹkịm enye ẹwot.+ 22 Ntem ke Jehovah akanyan̄a Hezekiah ye mme andidụn̄ Jerusalem osio ke ubọk Sennacherib edidem Assyria+ ye ke ubọk kpukpru mbon eken onyụn̄ ọnọ mmọ nduọkodudu ke kpukpru ebiet.+ 23 Ndien ediwak owo ẹda mme enọ+ ẹsọk Jehovah ke Jerusalem ẹnyụn̄ ẹda ata nti n̄kpọ ẹsọk Hezekiah edidem Judah,+ ndien ekem enye okpon+ ke enyịn kpukpru mme idụt.

24 Ndien ke mme usen oro Hezekiah ọduọ udọn̄ọ tutu ekpere ndikpa,+ ndien enye ọbọn̄ akam+ ọnọ Jehovah. Ntre Enye etịn̄ ikọ ye enye,+ onyụn̄ ọnọ enye idiọn̄ọ.+ 25 Edi Hezekiah iwụtke esịtekọm ke usiene+ mfọn oro ẹkefọnde enye, enye akabade eseri iseri+ ke esịt esie tutu Abasi ayat esịt+ ye enye onyụn̄ ayat esịt ye Judah ye Jerusalem. 26 Nte ededi, Hezekiah osụhọde idem+ onyụn̄ ọkpọn̄ iseri esịt esie, enye ye mme andidụn̄ Jerusalem, ndien Jehovah iyatke esịt aba ye mmọ ke eyo Hezekiah.+

27 Ekem Hezekiah enyene inyene ye ubọn̄ ke ata akamba udomo;+ ndien enye anam mme ufọk ubonn̄kpọ man ọdọn̄ silver ye gold+ ye mme ọsọn̄urua itiat+ ye aran balsam+ ye otuekọn̄+ ye kpukpru ndiye n̄kpọ;+ 28 enye ọbọp n̄ko mme itie ubon+ wheat ye obufa wine+ ye aran, onyụn̄ anam mme itie ubon+ kpukpru nsio nsio orụk unam ye mme itie ubon ufene. 29 Enye onyụn̄ ọbọp mme obio ọnọ idemesie, onyụn̄ enyene ediwak erọn̄+ ye enan̄;+ koro Abasi ọkọnọde enye ata ediwak inyene.+ 30 Ndien edi Hezekiah ekesịri+ enyọn̄ enyọn̄ iso idịm mmọn̄+ Gihon+ onyụn̄ anam enye ewet nnennen osụhọde ke n̄kan̄ edem usoputịn okodụk Obio David,+ ndien Hezekiah aka iso okụt unen ke kpukpru utom esie.+ 31 Ntem ke ini mbọn̄ Babylon+ ẹsiode mme anditịn̄ ikọ ke ibuot mmọ ẹdọn̄ utom ẹnọ enye+ man ẹkebụp ẹban̄a idiọn̄ọ+ oro akadade itie ke isọn̄, ata Abasi ọkpọn̄ enye+ ete idomo enye ise,+ man ifiọk kpukpru se isịnede enye ke esịt.+

32 Amaedi mme n̄kpọ efen+ emi ẹban̄ade Hezekiah ye mme edinam ima-mfọnido+ esie, ẹwet mmọ ẹsịn ke n̄kukụt prọfet Isaiah, eyen Amoz,+ ke N̄wed+ Ndidem Judah ye Israel. 33 Ekem Hezekiah osụhọde ana ye mme ete ete+ esie, mmọ ẹnyụn̄ ẹbụk enye ke usụn̄ emi ẹdọkde ẹka mme itie ubụkowo nditọ David;+ ndien ofụri Judah ye mme andidụn̄ Jerusalem ẹkpono enye ke n̄kpa+ esie. Ndien Manasseh+ eyen esie akara ke itie esie.