Kama Nsio Nsio Ndiye Uduot N̄kpri N̄wed ke Utom Ukwọrọikọ Fo
1 Mme owo mfịn ẹnyene udọn̄ ke nsio nsio ibuotikọ. Nte afo abuanade ke an̄wautom ke July, afo emekeme ndikama ediwak nsio nsio ndiye uduot n̄kpri n̄wed, akamade enyeoro edidemerede udọn̄ mme owo ke efakutom. Ndusụk afo eyema ndidomo kiet ke otu nneme ẹmi:
2 Ke ọnọde ediye uduot ekpri n̄wed oro “Ukara Emi Edidade Paradise Edi,” afo emekeme ndibụp:
◼ “Afo ekere ke ererimbot ekpetie didie edieke Abasi ikpọn̄ ekpedide andikara? [Bet ibọrọ.] Nnennen se nnyịn isiben̄ede ke ini ibọn̄de akam Ọbọn̄ m̀mê Ete Nnyịn, oro Jesus Christ ekekpepde edi yak Abasi ọbọ ererimbot emi akara. [Kụbọde ka page 3, nyụn̄ kot akpa ikpehe ekikere, emi ẹkotde Matthew 6:10 ẹsịn.] Edieke afo edimade ndidụn̄ ke utọ ererimbot oro, afo ekpenyene ndikot ediye uduot ekpri n̄wed emi.” Nọ ediye uduot ekpri n̄wed oro.
3 Ẹkeme ndinọ “Ke Ini Owo Oro Afo Amade Akpade” ke usụn̄ emi:
◼ “Nte afo emekere ke tutu amama usen eyedu oro owo nnyịn ndomokiet mîditabake owo ima ke n̄kpa? [Bet ibọrọ) Ediye uduot ekpri n̄wed emi ewetde ediye ediye mi ọdọn̄ ediwak miliọn owo esịt ye un̄wọn̄ọ akpanikọ Bible oro nte ke utọ usen oro ke edi ke n̄kpet n̄kpet ini iso. [Kụbọde ka page 5, nyụn̄ kot ọyọhọ ikpehe ekikere ition, ọkọrọ ye 1 Corinth 15:21, 22. Ekem kụbọde ka ndise oro odude ke page 30.] Mi ewet ndise emi owụt idatesịt oro nnyịn ikemede ndinyene ke ndidara mbonima nnyịn oro ẹkekpan̄ade ke ediset ke n̄kpa. Edi utọ idaha inemesịt oro edida itie ke m̀mọ̀n̄? Ediye uduot ekpri n̄wed emi eyewụt fi ibọrọ emi Bible ọnọde mbụme oro.” Edieke onịmde ediye uduot ekpri n̄wed emi, afo emekeme ndidian do ete: “N̄kpama ndifiak ndi ndineme ibuotikọ emi n̄kaiso.”
4 Afo emekeme ndinọ ediye uduot ekpri n̄wed oro “Sese! Mmanam Kpukpru N̄kpọ Edi Mbufa,” adade nnennen usụn̄ edisobo ye owo enyeemi nditọn̄ọ ukpepn̄kpọ Bible:
◼ “Ediwak owo ẹnyene mbụme ẹban̄a Bible. Ekeme ndidi afo ama eyịk ibọrọ oro ẹnọde kiet ke otu mme mbụme ẹmi. [Kụbọde ka page 30.] Akpatre mbụme emi edemede udọn̄ ediwak owo: ‘Didie ke afo ekeme nditịm idem nnọ nsinsi uwem ke Paradise?’“ Edieke afo enemede ikpehe ekikere 57-58 ke page 29-30 onyụn̄ okotde Ediyarade 21:3,4, afo eme sịn itiat idakisọn̄ nditọn̄ọ ukpepn̄kpọ Bible. Beri ke ndinọ ediye uduot ekpri n̄wed emi nyụn̄ nam ndutịm nọ mfiakn̄ka emi afo edikemede ndineme ndusụk mbụme eken.
5 Afo emekeme ndima ndidomo mmemmem usụn̄ unyene nneme emi ye ediye uduot ekpri n̄wed oro “Enyịn̄ Abasi Oro Edibịghide ke Nsinsi”:
◼ “Kiet ke otu akpa n̄kpọ oro n̄kekpepde ke Bible ekedi enyịn̄ Abasi. Nte afo ọmọfiọk se enye edide? [Bet ibọrọ.) Yak n̄wụt fi. Enye odu mi ke Bible ke Psalm 83:18. [Kot.] Ediye uduot ekpri n̄wed emi owụt nte ẹwetde enyịn̄ Abasi, Jehovah, ke ediwak nsio nsio usem. [Wụt ekebe oro odude ke page 8.] Edieke afo edimade ndikpep ekese mban̄a Jehovah ye mme uduak esie, afo enyene ndikot ediye uduot ekpri n̄wed emi.” Yak ediye uduot ekpri n̄wed oro nọ enyeneufọk ke etịbe oro ẹsinọde.
6 Ye utọ nsio nsio ndiye uduot n̄kpri n̄wed ẹmi ndida nnam n̄kpọ, ẹnen̄ede ẹtịm nnyịn idem ‘man ibụk eti mbụk inọ mbon nsụkesịt.’—Isa. 61:1.