Mme Esoputom Eke January
Urua Ọtọn̄ọde January 1
Ikwọ 133 (68)
Min. 7: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.
Min. 13: “Kwọrọ Ikọ ye Ikike.” Neme mme akpan n̄kpọ, ndien dọhọ ẹnam nneme kiet m̀mê iba ẹwụt. Yak esop ọfiọk m̀mê mme n̄wed ewe ẹdu idahaemi.
Min. 25: “Kop Inemesịt Nyụn̄ Nam N̄kpọ ke Ndutịm.” Ufiop ufiop utịn̄ikọ emi ebiowo ọnọde otode Enyọn̄-Ukpeme eke April 1, 1993, page 28-31. Ke ibio ibio ntọn̄ọikọ, nam an̄wan̄a ntak emi edide n̄kpọ-ata ndikop inemesịt ọkọrọ ye edinyene ndutịm ke kpukpru n̄kpọ oro nnyịn inamde. Tịn̄ ban̄a Jehovah ye Eyen esie, Jesus Christ, nte mme uwụtn̄kpọ inemesịt ye ndutịm ke kpukpru edinam mmọ. Ekem sio mme akpan n̄kpọ ẹtienede mi wụt: (1) Kûfiomo Idemfo. (2) Ebua eke Odude Uwem m̀mê Okpo Lion? (3) Nam N̄kpọ Nte Ọfọnde ye Idemfo. (4) Nam N̄kpọ Nte Ọfọnde ye Mbon En̄wen. (5) Se Ban̄a Kpukpru Owo. (6) Ẹsịk Ẹkpere Otuerọn̄. Kot mme itien̄wed oro ẹtịmde ẹmek nyụn̄ wụt ebuana oro odude nte odotde. Beri ke ndinọ kpukpru owo ima ima item ete ẹdomo ndisịm n̄kpọ-ata eke edinam n̄kpọ ke ndutịm nnyụn̄ n̄kop inemesịt.
Ikwọ 28 (5) ye akam ediberi.
Urua Ọtọn̄ọde January 8
Ikwọ 138 (71)
Min. 10: Mme ntọt n̄kann̄kụk. Neme ibio ibio ban̄a mfịna unana edikụt owo ke ufọk oro ọkọride-kọri. Sịn udọn̄ nọ mme asuanetop ẹfep ubiatini ebe ke ndinam usio-ukot ndisan̄a n̄kpere mme owo oro ẹkemede ndisan̄a mbe, ndida ke mbenusụn̄, m̀mê nditie ke moto.
Min. 15: Odudu Ukpeme Oro Kad Advance Medical Directive/Release Enyenede. Ebiowo eneme ye esop aban̄a ufọn emi odude ke owo kiet kiet nditịm n̄wet n̄kpọ nyọhọ kad Advance Medical Directive/Release ye edikama enye kpukpru ini ye ufọn oro odude ke nditọwọn̄ ndikama Identity Card ye mmọ kpukpru ini. Nte enyịn̄ kad oro ọnọde ekikere, enye ọnọ mbemiso ntọt aban̄a se ẹyomde (m̀mê se owo mîyomke) ke se iban̄ade ibọkusọbọ. Ntak ẹsinamde emi kpukpru isua? Kad ndondo emi anam ẹnịm ke akpanikọ akan enyeoro ẹkemede ndida nte akani m̀mê mîwụtke aba se owo onịmde ke akpanikọ. N̄wed oro eyetịn̄ ikọ ọnọ fi edieke afo mûkemeke nditịn̄ n̄kpọ mban̄a idemfo. Ẹmọn̄ ẹnọ kad ke mbubịteyo emi. Ẹnyene ndiwet n̄kpọ nyọhọ mmọ ye ntịn̄enyịn ke ufọk, edi owo inyeneke ndisịn ubọk ke mmọ. Kpa nte ẹsinamde ke isua iba ẹmi ẹbede, afo ye ntiense fo ndisịn ubọk edida itie ke mme itie Ukpepn̄kpọ N̄wedesop, ke ndausụn̄ mme ada ukpepn̄kpọ n̄wedesop. Mbon ẹmi ẹsịnde ubọk nte mme ntiense ẹkpenyene ndinen̄ede n̄kụt nte andinyene kad esịnde ubọk ke n̄wed oro. Ẹdinam emi ke urua eke January 15 ke ukpepn̄kpọ n̄wedesop asuanade. Kpukpru mme asuanetop oro ẹnade baptism ẹkeme ndiwet n̄kpọ nyọhọ kad Advance Medical Directive/Release. Mme asuanetop oro mînaha baptism, ebede ke ndida ikọ nto kad emi nnam ekekem ye mme idaha ye edinịm ke akpanikọ mmọ, ẹkeme ndiwet ndausụn̄ eke idemmọ. Mme ete ye eka ẹkeme ndin̄wam nditọ mmọ oro mînaha baptism ẹwet n̄kpọ ẹyọhọ Identity Card.
Min. 20: “Ẹdi Mme Andinanam—Idịghe Sụk Mme Andikokop.” Mbụme ye Ibọrọ. Nte ini ayakde, neme ufọn n̄kopitem, emi ọkọn̄ọde ke n̄wed Insight, Eboho 2, page 521, ikpehe ekikere 1 ye 2.
Ikwọ 70 (39) ye akam ediberi.
Urua Ọtọn̄ọde January 15
Ikwọ 77 (41)
Min. 12: Mme ntọt n̄kann̄kụk. Ntọt ibatokụk. Toro nte odotde ban̄a un̄wam okụk oro ẹnọde ke utom edikwọrọ eti mbụk ke n̄kann̄kụk ye eke ofụri ererimbot.
Min. 15: Mme udọn̄ n̄kann̄kụk. (Mîdịghe “Kpeme Ifiọk Oro Enyenede Aban̄a Nte Ini Edide Usọp Usọp,” kpa utịn̄ikọ emi ọkọn̄ọde ke Enyọn̄-Ukpeme eke October 1, 1995, page 25-28.)
Min. 18: “Fiak Ka Man Akanyan̄a Ndusụk Owo.” Dụn̄ọde nneme oro ẹnọde ekikere ẹban̄a. Sịn udọn̄ nọ utịtmbuba editọn̄ọ ukpepn̄kpọ ke obufa n̄wed oro, Ifiọk Oro Adade Osịm Nsinsi Uwem.
Ikwọ 156 (68) ye akam ediberi.
Urua Ọtọn̄ọde January 22
Ikwọ 200 (108)
Min. 5: Mme ntọt n̄kann̄kụk.
Min. 20: “Bọ Ufọn To Ufọkn̄wed Utom Ukara Abasi eke 1996—Ikpehe 1.” Utịn̄ikọ emi esenyịn ufọkn̄wed ọnọde. Dụn̄ọde mme ndausụn̄ ẹnọde ẹban̄a utịn̄ikọ eyen ufọkn̄wed ke mme item Ufọkn̄wed Utom Ukara Abasi, emi okodude ke Utom Obio Ubọn̄ Nnyịn eke December 1995.
Min. 20: “Tịn̄ Ikọ ye Uko.” Utịn̄ikọ ye nneme emi ebiowo edisede aban̄a. Fiak dụn̄ọde ndutịm utom Sunday n̄kann̄kụk. Toro eti un̄wam oro ẹsinọde, nyụn̄ nọ mme ekikere ke ebiet emi oyomde ẹnam n̄kọri.
Ikwọ 92 (51) ye akam ediberi.
Urua Ọtọn̄ọde January 29
Ikwọ 31 (62)
Min. 10: Mme ntọt n̄kann̄kụk.
Min. 15: “Ntak Emi Itie Owo Nsụkuyo ke Uwem Mîdịghe Itie Inemesịt.” Edineme ibuotikọ ke Enyọn̄-Ukpeme eke March 15, 1993, page 19-22. Ẹkpenyene nditịm n̄kụre ibuotikọ emi. Sio eti usụn̄ edinam emi ẹkpetienede ke ndise mban̄a mme ata n̄kpọ nsụkuyo. Mbiowo ẹnyene ndidu ke edidemede ẹnyụn̄ ẹnọ ntịn̄enyịn ye unana ubiatini ke mme akpan nsụkuyo. Nam ekikere Abasi kaban̄a mbon nsụkuyo an̄wan̄a ye n̄kpọndịk oro utọ ntụhọ oro ekemede ndida nsọk owo kiet kiet ye esop. Sịn udọn̄ nọ kpukpru owo ete ẹsịn idem man ẹkan edu nsụkuyo. Sọn̄ọ wụt ufọn edifep edu nsụkuyo kaban̄a idaha nnyịn ke uwem. Ẹkpenyene ndikot mme itien̄wed ẹmi ẹnyenede n̄kpọ ndinam ye akpan n̄kpọ ẹnyụn̄ ẹwụt ebuana mmọ.
Min. 20: Nọ N̄wed Ata-Utịt Ediyarade ke February. Nam an̄wan̄a ntak emi ẹkedade n̄wed Ediyarade ke anyanini nte ndịben̄kpọ oro akande se ikemede ndifiọk. Dụn̄ọde ikpehe ekikere 6-9 ke page 8, owụtde ntak emi ẹyomde n̄wed emi. Sịn udọn̄ nọ mme asuanetop ete ẹnyene mme ekikere ẹmi ke esịt man otodo mmọ ẹnyene n̄kpọ ndida nnyene nneme ke enyịnusụn̄. Tịn̄ ban̄a “Nte Ẹtịmde N̄wed Ediyarade” ke page 98-99, nyụn̄ wụt nte ẹkemede ndida enye n̄wụt se isinede ke ofụri n̄wed Ediyarade. Dụri ntịn̄enyịn wụt mme n̄wọrọnda ndise oro ẹdude ke ikpaedem iso ye edem ye nte ẹkemede ndida mmọ ntọn̄ọ nneme. Ti kpukpru owo ete ẹbọ n̄wed man ẹda ẹnam utom ke utịturua emi.
Ikwọ 143 (76) ye akam ediberi.