Mme Esoputom Eke April
Urua Ọtọn̄ọde April 1
Ikwọ 132 (70)
Min. 12: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Siak n̄wọrọnda etop ekededi ẹban̄ade usọrọ Editi mbufo. N̄ko, dụri ntịn̄enyịn ka “Ẹka Iso Ndikọri ke Nnennen Ifiọk,” nyụn̄ sọn̄ọ tịn̄ ufọn edidụk Ukpepn̄kpọ N̄wedesop kpukpru ini.
Min. 18: “‘Ẹsịn Esịt Ẹnam Nti Utom’ ke April!” Esenyịn utom edikụre ikpehe ekikere 1-10 ke mbụme ye ibọrọ. Nam an̄wan̄a (1) se ẹdiomide ke n̄kann̄kụk kaban̄a ntatara utom an̄wautom ke April, (2) nte ẹkemede ndin̄wam kpukpru owo ẹnyene ebuana, ye (3) nte ẹkemede ndisịn mbufa ye n̄kpri owo.
Min. 15: “Yom Mbon Oro Ẹnyenede Esịt Akpanikọ.” Dụn̄ọde mme nneme oro ẹnọde ekikere ẹban̄a, ndien ekem nam nnamn̄wụt iba ẹmi ẹwụtde nte ẹkemede ndida mmọ nnam n̄kpọ. Nte ini ayakde, tịn̄ ndusụk ekikere ẹnọde kaban̄a edinọ mme magazine, ẹmi ẹdude ke Utom Obio Ubọn̄ Nnyịn eke March 1996, page 5.
Ikwọ 20 (57) ye akam ediberi.
Urua Ọtọn̄ọde April 8
Ikwọ 72 (58)
Min. 15: Mme ntọt n̄kann̄kụk. Tịn̄ ban̄a nti usụn̄ ẹmi ikemede ndin̄wam mbufa owo ẹmi ẹkedụkde Editi ndinam n̄kaiso n̄kọri eke spirit. Dụn̄ọde Enyọn̄-Ukpeme eke April 1, 1991, page 9-12.
Min. 15: “Ẹnam Edisana Utom Uwemeyo ye Okoneyo.” Mbụme ye ibọrọ. Kot ikpehe ekikere 5 ye 6.
Min. 15: “‘Ẹsịn Esịt Ẹnam Nti Utom’ ke April!” Edikụre ikpehe ekikere 11-15 ke mbụme ye ibọrọ. Sịn udọn̄ nọ kpukpru owo ndidụn̄ọde ọkpọkpọ idaha mmọ nnyụn̄ nyom mme usụn̄ man ẹnọ n̄kaiso ibetedem ke utom ukwọrọikọ.
Ikwọ 113 (62) ye akam ediberi.
Urua Ọtọn̄ọde April 15
Ikwọ 133 (68)
Min. 12: Mme ntọt n̄kann̄kụk. Ntọt ibatokụk; tịn̄ ikọ ekọm ẹkebọde ẹto N̄ka kaban̄a etịbe ẹkenọde. Ti otuowo ban̄a akpan utịn̄ikọ an̄wa ke April 21, emi ibuotikọ ọdọhọde “Ndinana Ubiomikpe ke Ufọt N̄kwakwan̄a Emana.” Sịn udọn̄ nọ edisịn ukeme efen efen man ẹn̄wam kpukpru owo ndidụk.
Min. 15: “Mme Ini Ẹkpụhọde.” Mbụme ye ibọrọ. Sọn̄ọ tịn̄ ban̄a edinọ etop Obio Ubọn̄ ke usụn̄ oro otụkde mme udọn̄ ẹmi ẹfịkde owo ẹkan. Nọ ekikere ban̄a ndusụk mfịna ubon ye eke n̄kaowo ẹmi ẹdude ke ekikere ediwak owo, nte ẹkụtde ke Enyọn̄-Ukpeme eke January 1, 1994, page 22, 23.
Min. 18: “Mbuọtidem Oto ke Edikop.” Neme nte ẹkemede ndida mme magazine ẹmi ẹnịmde n̄kọri udọn̄ emi ẹkemede ndida n̄kosụn̄ọ ke ukpepn̄kpọ Bible ke n̄wed Ifiọk. Dọhọ ẹnam nneme iba m̀mê ita ẹwụt.
Ikwọ 204 (109) ye akam ediberi.
Urua Ọtọn̄ọde April 22
Ikwọ 6 (4)
Min. 15: Mme ntọt n̄kann̄kụk. Dụn̄ọde mme akpan n̄kpọ ke akpan utịn̄ikọ an̄wa oro ẹkenọde ke utịturua emi ekebede. Neme nte item oro ẹnọde akpan̄wamde mbon oro ẹnyenede udọn̄ ndisọn̄ọ nda ke utuakibuot akpanikọ.
Min. 12: Ekebe Mbụme. Utịn̄ikọ emi ebiowo ọnọde. Nam an̄wan̄a ntak emi nditọete ẹmi ẹnịmde mme mbonoesop ẹkpefepde edimehe nte mîdotke ke ndikot owo kiet kiet ke akpa enyịn̄ mmọ kpọt.
Min. 18: Nneme ke ufọt ebiowo ye asan̄autom unamutom ke ibuotikọ oro ọdọhọde “Mme Ubon Oro Ẹketen̄ede Abasi ke Eset—Ẹdi Uwụtn̄kpọ Ẹnọ Eyo Nnyịn,” oro odude ke nsiondi Enyọn̄-Ukpeme eke September 15, 1995, page 20-23. Da ata idem n̄kpọ dibuan man enyene ufọn ọnọ mme ubon ke n̄kann̄kụk.
Ikwọ 143 (76) ye akam ediberi.
Urua Ọtọn̄ọde April 29
Ikwọ 144 (35)
Min. 10: Mme ntọt n̄kann̄kụk. Ndusụk owo ẹdọhọ ke Mme Ntiense Jehovah ẹdi “isio n̄ka” m̀mê “ndedịbe n̄ka,” ẹtụnde mmọ en̄wen usụn̄ ẹban̄a mme edinam ye mme uduak nnyịn. Ke akamade n̄wed Reasoning, page 202, nam an̄wan̄a ibio ibio nte ẹkemede ndifan̄a utọ edori ikọ emi.
Min. 10: “Mme Mbono An̄wautom.” Mbụme ye ibọrọ. Kot kpukpru ikpehe ekikere.
Min. 12: Ndinọ Ntịn̄enyịn Ukem Ukem ke Ofụri Efakutom Nnyịn. Utịn̄ikọ emi esenyịn utom ọnọde. Ekeme ndidi owo isiwakke ndinam utom ke mme ebiet oro ẹdude ntomo ntomo m̀mê nsannsan. Ndusụk owo ẹkeme ndikokoi mfep ndinam utom ke mme n̄kann̄kụk oro mme owo ẹnyenede inyene m̀mê ẹsịnde idem etieti ke ido ukpono. Ẹkeme ndifụmi mme efakutom mbubehe. Ndusụk asuanetop ẹkeme ndisiyom mme efakutom oro mmọ ẹmade kpukpru ini utu ke mbon oro ẹyomde ẹkụre ke ndondo emi. Sịn udọn̄ nọ kpukpru owo ndidiana kiet ke mme ukeme oro ẹsịnde man ẹkụre mme efakutom oro owo mînamke utom. Ini ndaeyo esiwak ndinọ eti ifet ndinam utom ke mme obio-in̄wan̄ ẹmi ẹdude nsannsan; eyedi ẹkeme ndinam ndutịm nnọ otu oro ẹnyenede moto. Kụt ete ke ẹkụre efakutom oro mfọn mfọn, esịnede mbon oro mîkodụhe ke ufọk, mbemiso ẹkpọn̄de enye ẹnọ. Nọ nti ekikere ẹwụtde nte kpukpru owo ẹkemede ndin̄wam man ẹtịm ẹkụre efakutom mbufo.
Min. 13: Nọ Editobo Enyọn̄-Ukpeme ke May. Nọ editobo Enyọn̄-Ukpeme. Ke ebiet emi owo mîbọhọ editobo, nọ ediye uduot ekpri n̄wed ekededi oro odotde. Nyene n̄wetnnịm n̄kpọ ke kpukpru se ẹnịmde, ye uduak editọn̄ọ mme ukpepn̄kpọ Bible. Sọn̄ọ tịn̄ ban̄a akwa ufọn oro edisuan magazine enyenede nte kiet ke otu mfọnn̄kan usụn̄ ndinam mme owo ẹkop etop Obio Ubọn̄. Kụt ete ke imọbọ mmọ ke ini ọwọrọde an̄wautom; nọ mmọ ke kpukpru ifet. Ọkpọkpọ ndutịm kaban̄a Usen Magazine eke urua ke urua edi eti usụn̄ ndinịm ediwak. Edida mme magazine nnọ ikọ ntiense to ke ufọkurua sịm ufọkurua esinyene uforo n̄ko. Nam n̄kpọ ban̄a udọn̄ oro ẹkewụtde ke mme mfiakn̄ka oro ẹkade man ẹketọn̄ọ mme ukpepn̄kpọ, adade n̄wed Ifiọk. Sịn ibio ibio nnamn̄wụt kiet m̀mê iba ke nte ẹnọde mme nsiondi eke ndondo emi, ndusụk ẹkamade nneme oro ẹdude ke Utom Obio Ubọn̄ Nnyịn eke March 1996, page 3, ikpehe ekikere 3-5.
Ikwọ 195 (105) ye akam ediberi.