Mme Esoputom Eke June

Urua Ọtọn̄ọde June 3

Ikwọ 181 (144)

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Tịn̄ ban̄a ibatutom an̄wautom ofụri idụt ye eke esop n̄kann̄kụk.

Min. 15: “Kpebe Mbuọtidem Mmọ.” Mbụme ye ibọrọ. Dụn̄ọde mme uyarade mbuọtidem, oro ẹnemede ke ekebe odude ke Enyọn̄-Ukpeme eke September 15, 1991, page 13. Nam ndụn̄ọde ye asuanetop kiet m̀mê iba ndifiọk se in̄wamde mmọ ndinam utom Obio Ubọn̄ ofụri ini ke ediwak isua.

Min. 20: “Ndisuan Ifiọk Oro Adade Osịm Nsinsi Uwem.” (Ikpehe ekikere 1-3) Kụre ikpehe ekikere 1. (Sịn mme utịn̄ikọ ẹtode Enyọn̄-Ukpeme, January 15, 1996, page 12-13, ikpehe ekikere 11-12.) Nam an̄wan̄a nte ke ẹnam obufa ndutịm page edem Utom Obio Ubọn̄ Nnyịn man an̄wam nnyịn nditịm idem mfọn mfọn ke ndinam mme mfiakn̄ka. Sia esiwakde ndiwụt ifiọk ndinam mfiakn̄ka ke ufan̄ usen kiet m̀mê iba, utu ke ndibet ke anyanini, nnyịn idisineme mme nneme oro ẹnọde ekikere ẹban̄a ediwaha ke ufọk ke ufọk ye mfiakn̄ka ke ukem Esoputom oro. Dụn̄ọde ikpehe ekikere 2 ye 3 ibio ibio, ekem ẹnamde kiet kiet ẹwụt. Ẹyekụre mme nneme oro ẹsụhọde ke ibuotikọ oro ke Esoputom iba oro ẹtienede.

Ikwọ 143 (192) ye akam ediberi.

Urua Ọtọn̄ọde June 10

Ikwọ 63 (32)

Min. 7: Mme ntọt n̄kann̄kụk.

Min. 8: Ndinọ Nditọwọn̄ Ukpep ke An̄wautom. Utịn̄ikọ emi ebiowo ọnọde. Nditọ nnyịn ẹkpenyene nditiene nnyịn nsịn idem ke an̄wautom toto ke ntọn̄ọ ntọn̄ọ isua emana. Ukpep ye ifiọkutom oro mmọ ẹnyenede eyesịn ọkpọsọn̄ itiat idakisọn̄ ọnọ mbuọtidem ye ifịk mmọ ke mme ukperedem isua. Edi akpan n̄kpọ nte mmọ ẹdiọn̄ọ ufọn edida utom ukwọrọikọ ke akpan n̄kpọ ẹnyụn̄ ẹkama idemmọ nte odotde. Ana nditọwọn̄ ẹfep edinam n̄kpọ uyom uyom; an̄wautom idịghe ini mbre. Ndisan̄a ye ikpọ owo ọfọn ye mmọ akan. Ẹkpenyene ndin̄wam mmọ ẹtiene ẹnyene nneme nte ekemde ye mme ukeme mmọ. (Se Enyọn̄-Ukpeme, August 1, 1988, page 15, ikpehe ekikere 20.) Ete ye eka ẹnyene mbiomo edise enyịn; mmọ ikpenyeneke ndinọ nditọwọn̄ ẹka mme mbono an̄wautom ke akwa owo mîdụhe ndise mmọ enyịn. Toro nditọwọn̄ ke ini mmọ ẹnamde ọfọn.

Min. 10: “Ndisuan Ifiọk Oro Adade Osịm Nsinsi Uwem.” (Ikpehe ekikere 4-5) Ke ama eketịn̄ ibio ibio ntọn̄ọikọ, nam nneme akpa ediwaha ye eke mfiakn̄ka ke ikpehe ekikere 4 ye 5 wụt. Sịn udọn̄ nọ mme asuanetop ndifiak n̄ka kpukpru ebiet ẹmi ẹkenịmde n̄wed Ifiọk.

Min. 20: “Nte Ẹkemede Ndida N̄wed Ifiọk Nnam Mme Mbet.” Tịn̄ ibio ibio ikọ ediberede ọkọn̄ọde ke ikpehe ekikere 1-2. Kụre ikpehe ekikere 3-11 ke mbụme ye ibọrọ. Nam an̄wan̄a nte ke ẹdineme se isụhọde ke esịne-esịt emi ke mme Esoputom ke July ye August. Sịn udọn̄ nọ kpukpru owo nditịm enye nnịm.

Ikwọ 92 (126) ye akam ediberi.

Urua Ọtọn̄ọde June 17

Ikwọ 157 (221)

Min. 7: Mme ntọt n̄kann̄kụk. Ntọt ibatokụk.

Min. 12: “Ufan Ufan Nneme Ẹkeme Ndisịm Esịt.” Mbụme ye ibọrọ. Dọhọ asuanetop kiet m̀mê iba ẹbụk mme akama-nsịnudọn̄ ifiọkutom ẹmi ẹwụtde nte mmọ ẹkenyenede nti utịp ke ndikanam n̄kpọ ufan ufan.

Min. 13: “Ndisuan Ifiọk Oro Adade Osịm Nsinsi Uwem.” (Ikpehe ekikere 6-7) Sọn̄ọ tịn̄ mme utịtmbuba ke ndinam mme mfiakn̄ka: Kọri udọn̄, tọn̄ọ ukpepn̄kpọ, nam mme akpan ndutịm ndifiak n̄ka. Ke ama okodụn̄ọde mme nneme ẹdude ke ikpehe ekikere 6 ye 7 ibio ibio, dọhọ ẹnam kiet kiet ẹwụt, owụtde nte ẹkemede nditọn̄ọ ukpepn̄kpọ. Kot ikpehe ekikere 17 ke page 14 ke Enyọn̄-Ukpeme eke January 15, 1996.

Min. 13: “Didie ke N̄keme Ndinam Owo Ọnọ N̄kpan̄utọn̄?” Mbụme ye ibọrọ. Nam asuanetop iba ẹneme nte mmọ ẹdidomode nditịm n̄wụt ufiop ke ini ẹnyenede nneme ke enyịnusụn̄, ẹkamade ndusụk ekikere oro ẹnọde ke Ñwed-item Ufök-ñwed, page 167-168, ikpehe ekikere 10-21.

Ikwọ 211 (68) ye akam ediberi.

Urua Ọtọn̄ọde June 24

Ikwọ 6 (126)

Min. 7: Mme ntọt n̄kann̄kụk. Wụt ndutịm an̄wautom utịturua emi.

Min. 18: Mme udọn̄ n̄kann̄kụk. (Mîdịghe nọ utịn̄ikọ ke “Nditịm Nsiak Ikọ Akpanikọ,” ọkọn̄ọde ke Enyọn̄-Ukpeme eke January 1, 1996, page 29-31.)

Min. 20: “N̄wam Mmọ Ẹfiak Ẹnam Utom.” Utịn̄ikọ ye neme emi ebiowo ọnọde. Nọ ekikere ban̄a edikama ibuotikọ oro “Ẹkabade Ẹtiene Mi, Ndien Ami Nyekabade Ntiene Mbufo” ke Enyọn̄-Ukpeme eke August 1, 1992, ndisịn udọn̄ nnọ mbon oro mînamke utom aba. Tịn̄ ndusụk akpan n̄kpọ.

Ikwọ 71 (156) ye akam ediberi.