Mme Esoputom Eke December

Urua Ọtọn̄ọde December 2

Ikwọ 134 (64)

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.

Min. 15: “Mmanie Ẹdikpan̄ Utọn̄ Ẹnọ Etop Nnyịn?” Mbụme ye ibọrọ. Sịn mme akpan n̄kpọ ẹtode Awake!, March 22, 1987, page 5, kaban̄a ntak emi etop nnyịn edemerede udọn̄.

Min. 20: “Ikọ Abasi Ọnọ Ndausụn̄.” (Ikpehe ekikere 1-6) Da ikpehe ekikere 1-2 tọn̄ọ. (Sịn n̄wed Reasoning, page 58-60, owụtde mbio mbio “Mme ntak ndikere mban̄a Bible” inan̄. Dọhọ mme asuanetop ẹmi ẹdotde ẹnam mme nneme oro ẹnọde ekikere ke ikpehe ekikere 3-6 ẹwụt. Dọhọ otuowo etịn̄ n̄kpọ ke (1) nte mme mbụme oro ẹkebụpde ẹken̄wamde ndidemede udọn̄, (2) nte mme itien̄wed Abasi ẹkedade ẹkesan̄ade ẹkekem ye ibuot nneme oro ẹkenemede, (3) nte mfiakn̄ka ekenyenede ebuana ye akpa nneme ke ndammana usụn̄, ye (4) nte ẹkenịmde ukpepn̄kpọ.

Ikwọ 75 (74) ye akam ediberi.

Urua Ọtọn̄ọde December 9

Ikwọ 100 (50)

Min. 10: Mme ntọt n̄kann̄kụk. Sio ndusụk akpan n̄kpọ ndida nnyene nneme ke mme magazine eke ndondo emi wụt oro ẹkemede ndida nnam utom urua emi.

Min. 15: Ndin̄wam Mbonusọn̄ Ẹbuana ke Utom. Ediwak mme anam-akpanikọ asuanetop ẹdide mbonusọn̄ ẹnyene ọkpọsọn̄ udọn̄ ndibuana ye esop ke ukwọrọikọ, edi mmọ ẹnyene mme mmeme ikpọkidem oro ẹtode ntak usọn̄ ye unana nsọn̄idem. Mme usụn̄ ẹdu ẹmi nnyịn ikemede ndiwụt mmọ edikere mban̄a man otodo isịn mmọ ke otu utom: Nyịme ndinọ n̄kpọisan̄; nam ndutịm nọ mmọ ndinam utom ke mme ufọkidụn̄ ẹmi mînyeneke ediwak udịghi ukot ndidọk; nịm moto kpere man mmọ ẹkeme ndiduọk odudu ke ini ẹkopde mmemidem; nyịme ndimen mmọ n̄ka mme mfiakn̄ka mmọ; nam mmọ ẹfiọk ke eyemen mmọ ọnyọn̄ ufọk ke ini etiede nte ke mmọ ikemeke ndika iso. Mbonusọn̄ ẹsiwụt esịtekọm ẹban̄a un̄wam oro ẹnọde mmọ. Siak mme usụn̄ en̄wen oro mbufo ẹsiwụtde utọ edikere mban̄a oro ke n̄kann̄kụk. Dụn̄ọde mme akpan n̄kpọ ke ibuotikọ oro “Nnyịn Imadara Mbon Usọn̄!” emi odude ke Enyọn̄-Ukpeme, June 1, 1986, page 28-29.

Min. 20: “Ikọ Abasi Ọnọ Ndausụn̄.” (Ikpehe ekikere 7-9) Tịn̄ n̄kpọ ban̄a “Ufọn Ndinyene Ndausụn̄” ke Enyọn̄-Ukpeme, May 1, 1993, page 3. Nam an̄wan̄a ntak emi nneme nnyịn ẹkpesọn̄ọde ẹtịn̄ nte edide akpan n̄kpọ ndiyom un̄wam nto n̄kokon̄ ebiet—Abasi. Dọhọ asuanetop anam mme nneme ẹdude ke ikpehe ekikere 6-7 owụt. Sọn̄ọ tịn̄ ke utịtmbuba nnyịn nte ini akade ekpedi nditọn̄ọ ukpepn̄kpọ Bible ke n̄wed Ifiọk.

Ikwọ 197 (24) ye akam ediberi.

Urua Ọtọn̄ọde December 16

Ikwọ 209 (57)

Min. 10: Mme ntọt n̄kann̄kụk. Nọ ndusụk ekikere ke nte ẹkemede ndida mbufiọk mbọrọ mme mbụme ini nduọkodudu. Tịn̄ akpan ndutịm an̄wautom oro ẹnamde ẹnọ December 25.

Min. 15: “Ndinọ Idem Nnyịn Unyịme Unyịme.” Mbụme ye ibọrọ. Sịn mme ikọ ẹtode Enyọn̄-Ukpeme, November 1, 1984, page 22.

Min. 20: “Ndidat Esịt ke N̄kọri Oro Abasi Ọnọde.” Ufiop ufiop utịn̄ikọ oro ebiowo ọnọde. Tịn̄ mme ifiọkutom m̀mê uyarade n̄kọri ke mme idụt ẹwụtde mi, nte ẹwụtde ke mme Yearbook eke ndondo emi.

Ikwọ 41 (22) ye akam ediberi.

Urua Ọtọn̄ọde December 23

Ikwọ 93 (48)

Min. 10: Mme ntọt n̄kann̄kụk. Ntọt ibatokụk. Tịn̄ ban̄a mme akpan ndutịm an̄wautom ẹnamde ẹnọ January 1.

Min. 15: Udọn̄ n̄kann̄kụk. Mîdịghe ebiowo ọnọ utịn̄ikọ ke “Edikpọn̄ Utom—Usụn̄ Ebererede Ọnọ Utom Ukara Abasi?” otode Enyọn̄-Ukpeme, July 15, 1996, page 24-25.—Se Insight, Eboho 2, page 794, ikpehe ekikere 2-3.

Min. 20: “Edisịn Enyịn̄ ke Ufọkn̄wed Utom Ukara Abasi.” Utịn̄ikọ emi esenyịn ufọkn̄wed ọnọde. Siak ibatowo emi ẹsịnde enyịn̄ ke n̄kann̄kụk, nyụn̄ sịn udọn̄ nọ kpukpru owo ẹmi ẹkemede ẹsịn enyịn̄. Dụn̄ọde mme item ẹban̄ade utịn̄ikọ nditọ ufọkn̄wed ẹmi ẹnọde ke “Ndutịm Ufọkn̄wed Utom Ukara Abasi eke 1997.”

Ikwọ 166 (90) ye akam ediberi.

Urua Ọtọn̄ọde December 30

Ikwọ 223 (55)

Min. 10: Mme ntọt n̄kann̄kụk. Edieke edide ini ekem ọnọ esop mbufo ndikpụhọde mme ini mbonoesop ke obufa isua emi, nọ kpukpru owo ima ima nsịnudọn̄ ndidụk kpukpru ini ye esop ke mbufa ini oro ẹnịmde.

Min. 15: Neme “Kwọrọ Obio Ubọn̄.” Kot kpukpru ikpehe ekikere.

Min. 20: Dụn̄ọde Mme N̄wed Ẹnọde ke January. Nọ Akakan Owo Oro Akanam Odude Uwem m̀mê N̄wed Mi eke Mme Mbụk Bible. Edieke mîdụhe, nọ n̄wed ekededi oro enyenede page 192. Adade n̄wed Reasoning, page 9-14, dụn̄ọde mme ntọn̄ọikọ oro ẹkemde ye n̄wed kiet kiet ibio ibio. Nam nneme kiet m̀mê iba wụt.

Ikwọ 137 (3) ye akam ediberi.