Esoputom Eke October
Urua Ọtọn̄ọde October 6
Ikwọ 39
Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.
Min. 15: “Ndi Tutu Amama Kpukpru Owo Ẹyema Kiet Eken?” Mbụme ye ibọrọ. Dụn̄ọde mme akpan n̄kpọ ke Mbụk Obio Ubọn̄ Nọ. 35. Sio mme ntak ẹmi mme owo ke efakutom ẹdibọde ufọn ẹto babru emi wụt. Sọn̄ọ tịn̄ ufọn edinam mme ndutịm idahaemi man ẹbuana ọyọhọ ọyọhọ ke ndideme enye nnyụn̄ nsịn ifịk ke ndifiak n̄ka mbịne kpukpru udọn̄ oro ẹkekụtde.
Min. 20: “Deme Mbụk Obio Ubọn̄ Nọ. 35 Ntatara Ntatara.” Esenyịn utom ọnọ utịn̄ikọ ediberede. Kụre ikpehe ekikere 5-8 ke mbụme ye ibọrọ. Dụn̄ọde mme ndutịm n̄kann̄kụk ẹnamde ẹnọ ntatara utom. Neme mme usụn̄ ẹmi ẹdinamde ẹkeme ndikụre kpukpru efakutom. Mme asuanetop ẹkeme ndikama Mbụk Obio Ubọn̄ Nọ. 35 ke ini ẹnọde mme owo ikọ ntiense ke mme itie mbehe bọs, ke mme urua ye ke mme itie n̄kpri mbubehe, ke mme itie ubon moto, ke n̄kpọisan̄ ofụri owo, ye ke mme ebiet en̄wen. Nọ mme ekikere ke nte ẹkemede ndin̄wam mbufa owo ẹmi ẹyomde nditọn̄ọ utom ukwọrọikọ. Sịn ntọt otode esịne-esịt Utom Obio Ubọn̄ Nnyịn eke September 1995, page 3, ikpehe ekikere 9. Ke ndusụk efakutom ekeme ndifọn ndinam utom ikpọn̄ ye unana edikama ekpatubọk ke ini ẹdemede Mbụk Obio Ubọn̄. Nam mbio mbio nneme iba m̀mê ita wụt.
Ikwọ 126 ye akam ediberi.
Urua Ọtọn̄ọde October 13
Ikwọ 41
Min. 12: Mme ntọt n̄kann̄kụk. Dụn̄ọde mme akpan n̄kpọ ndida nnyene nneme ke mme nsiondi Enyọn̄-Ukpeme ye Awake! eke ndondo emi. Ti kpukpru owo ete ke utom utịturua emi, ẹyenọ mme magazine ye Mbụk Obio Ubọn̄ Nọ. 35. Nnyịn ikpenyene ndifiak n̄ka mbịne kpukpru udọn̄.
Min. 15: Mme udọn̄ n̄kann̄kụk.
Min. 18: “Afo Esinam N̄kpọ Didie Aban̄a Unana Udọn̄?” Nneme ke ufọt mbiowo iba. Sịn mme ikọ ẹtode se idude ke idak ekpri ibuotikọ oro “How You Can Attack Apathy” (Nte Afo Ekemede Ndin̄wana ye Unana Udọn̄) ke Enyọn̄-Ukpeme (Ikọmbakara) eke July 15, 1974, page 445-446.
Ikwọ 130 ye akam ediberi.
Urua Ọtọn̄ọde October 20
Ikwọ 42
Min. 15: Mme ntọt n̄kann̄kụk. Ntọt ibatokụk.
Min. 15: Dụn̄ọde ndusụk ifiọkutom ẹtode 1996 Yearbook, page 6-8, ẹban̄ade “Global Distribution of Kingdom News” (Edideme Mbụk Obio Ubọn̄ ke Ofụri Ererimbot). Sio ọkpọkpọ ukeme oro mme asuanetop ẹkesịnde ke ndideme Mbụk Obio Ubọn̄ wụt. Sịn udọn̄ nọ kpukpru owo ẹbuana ke ndideme Mbụk Obio Ubọn̄ Nọ. 35.
Min. 15: “Nte Afo Edi Ntiense Uyọhọ Ini?” Utịn̄ikọ emi ebiowo ọnọde.
Ikwọ 133 ye akam ediberi.
Urua Ọtọn̄ọde October 27
Ikwọ 43
Min. 12: Mme ntọt n̄kann̄kụk. Dụn̄ọde n̄kọri ẹnamde ke ndideme Mbụk Obio Ubọn̄ Nọ. 35. Dọhọ otuowo obụk mme ifiọkutom ẹmi ẹnọde nsịnudọn̄. Tọt adan̄a efakutom oro ẹnamde utom ye se ẹdiyomde man ẹkụre efakutom ke November 16. Ndondo emi ẹnamde utom ofụri ofụri ke efakutom, nnyịn idinọ n̄wed Ifiọk ke usen osụhọde ke ọfiọn̄ oro. Sọn̄ọ tịn̄ utịtmbuba editọn̄ọ mme ukpepn̄kpọ ke mme mfiakn̄ka ke ebiet ẹkenamde n̄kpọ nte ọfọnde ẹban̄a Mbụk Obio Ubọn̄.
Min. 15: Nte Ẹkemede Ndinyene Idotenyịn ke Ufọt Ọkpọsọn̄ Mfụhọ. Utịn̄ikọ emi ebiowo ọnọde emi ọkọn̄ọde ke Enyọn̄-Ukpeme eke May 15, 1997, page 22-25.
Min. 18: Ẹyak Un̄wana Mbufo Ayama. Utịn̄ikọ ye nneme ke n̄wed Utom Nnyịn, page 84-88. Diomi ke mbemiso ndinam mme asuanetop ẹtịn̄ mme akpan n̄kpọ ẹban̄a mme mbụme ẹtienede mi: (1) Ntak emi Mme Ntiense Jehovah ẹsikwọrọde ikọ ke ufọk ke ufọk? (2) Adan̄a didie ke ẹkeda usụn̄ emi ẹnam n̄kpọ ke akpa isua ikie? (3) Ntak emi usọp usọp udọn̄ odude ndika iso n̄kwọrọ ikọ ke ufọk ke ufọk mfịn? (4) Mme idaha ewe ẹkeme ndinam edi ọkpọsọn̄ n̄kpọ ọnọ nnyịn ndibuana kpukpru ini? (5) Didie ke nnyịn ikeme ndibọ un̄wam man iyọ? (6) Didie ke nnyịn ibọ edidiọn̄ ebe ke ndiyak un̄wana nnyịn ayama? (7) Nso ke nnyịn ikeme ndinam man inen̄ede ikụt unen ke ndisobo ye mme owo? Nam an̄wan̄a ebe ke ndinam asuanetop ita m̀mê inan̄ ẹbụk mme ifiọkutom oro ẹnọde nsịnudọn̄ emi ẹkenyenede ke adan̄aemi ẹkenamde utom to ke ufọkurua sịm ufọkurua m̀mê ke adan̄aemi ẹkenọde ikọ ntiense efak.
Ikwọ 136 ye akam ediberi.