Mme Esoputom Eke October

TỊM FIỌK: Utom Obio Ubọn̄ Nnyịn oyodiomi Esoputom ọnọ urua kiet kiet ke ini mbono. Mme esop ẹkeme ndinam mme ukpụhọde nte ẹyomde man ẹyak ufan̄ ẹnọ edidụk Mbono “Usụn̄ Uwem Abasi” ndien ekem ẹnam ufan̄ ẹnọ ndụn̄ọde eke minit 30 ke mme akpan n̄kpọ eke ndutịm Esoputom ke urua oro etienede. Ẹkpenyene ndibabak nyak ndụn̄ọde eke usen ke usen ke ndutịm mbono nnọ nditọete ita oro ẹdotde ẹmi ẹdikemede ndiwụk ntịn̄enyịn ke mme n̄wọrọnda akpan n̄kpọ. Ndụn̄ọde emi ẹma ẹketịm idem mfọn mfọn mi ayan̄wam esop nditi mme akpan n̄kpọ ẹdidade ẹsịn ke edinam ọkpọkpọ ye ke an̄wautom. Mme utịn̄ikọ ẹtode otuowo ye mme ifiọkutom ẹnọde ẹkpenyene ndidi mbio mbio ẹnyụn̄ ẹsio akpan n̄kpọ ẹwụt.

Urua Ọtọn̄ọde October 5

Ikwọ 199

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.

Min. 15: “Jehovah Edi Andin̄wam Mi.” Ufiop ufiop utịn̄ikọ nsịnudọn̄ oro ebiowo ọnọde.

Min. 20: “‘Ndisuan N̄kpasịp Obio Ubọn̄’ ke Mme Afan̄ Magazine.” Nneme otuowo. Nam ndusụk owo ẹnam an̄wan̄a nte mmọ ẹketọn̄ọde afan̄ magazine ẹnyụn̄ ẹnamde enye aka iso odu. Ndien nam wụt nte ẹnọde magazine ke ebiet emi ẹnamde ndutịm ndifiak nda mme nsiondi efen n̄ka.

Ikwọ 133 ye akam ediberi.

Urua Ọtọn̄ọde October 12

Ikwọ 42

Min. 5: Mme ntọt n̄kann̄kụk. Dụn̄ọde mme akpan n̄kpọ ndida nnyene nneme ke mme nsiondi magazine eke ndondo emi. Bụk mme ifiọkutom ẹtode 1997 Yearbook, page 45, ye Awake! eke October 22, 1996, page 32. Sịn udọn̄ nọ kpukpru owo ndibuana ke ndisuan magazine ke utịturua emi.

Min. 10: “Mme Esenyịn Oro Ẹdade Usụn̄—Ewetn̄wed.” Utịn̄ikọ emi ewetn̄wed esop ọnọde, odụn̄ọrede mme utom oro ẹnọde enye. Enye ọsọn̄ọ etịn̄ nte ke kpukpru owo ẹkeme ndiwụt edidianakiet ebe ke nditọt ibatutom mmọ ke ini.

Min. 10: Mmọ Ẹnyene Ifịk Ifịk Edu Usiakusụn̄. Utịn̄ikọ nsịnudọn̄ oro ọkọn̄ọde ke 1998 Yearbook, page 104-107. Nam an̄wan̄a ntak emi ediwak mme asiakusụn̄ ẹdude ke Japan, se inamde ibanndọ do ẹnịm udọn̄ n̄kpọ eke spirit ke ebeiso n̄kpọ, se idide ntak kpukpru n̄wed eben̄e usiakusụn̄ oro ẹsịnde, ye mbon oro ẹdide n̄wakn̄kan ibat ke otu mme asiakusụn̄. Nam an̄wan̄a eti odudu oro mme ete ye eka oro ẹdide mme asiakusụn̄ ẹnyenede. Sio wụt nte oyomde uko ndinam mme ukpụhọde oro ẹyomde owo anam ke uwem man asiak usụn̄. Sịn udọn̄ nọ kpukpru owo ndinen̄ede n̄kere ke akam, ẹfiakde ẹdụn̄ọrede idaha mmọ ndidụk utom usiakusụn̄.

Min. 20: “Nte Afo Emesikot Mme Magazine?” Mbụme ye ibọrọ. Dụn̄ọde mme ekikere oro ẹnyenede ufọn kaban̄a edinam ndutịm nnọ ọkpọkpọ edikot n̄wed oro odude ke Ñwed-item Ufök-ñwed, ukpepn̄kpọ 4, ikpehe ekikere 5-6.

Ikwọ 107 ye akam ediberi.

Urua Ọtọn̄ọde October 19

Ikwọ 16

Min. 10: Mme ntọt n̄kann̄kụk. Ntọt ibatokụk.

Min. 15: Mme udọn̄ n̄kann̄kụk.

Min. 20: Nte Ẹkpetịmde Idem ẹnọ Ukpepn̄kpọ Enyọn̄-Ukpeme. Nneme otuowo emi ada Ukpepn̄kpọ Enyọn̄-Ukpeme esede aban̄a, ọkọn̄ọde ke Enyọn̄-Ukpeme eke November 15, 1986, page 19-20, ikpehe ekikere 16-18 ye Ñwed-item Ufök-ñwed, ukpepn̄kpọ 7, ikpehe ekikere 11, ye ukpepn̄kpọ 18, ikpehe ekikere 4-6. Yom ibọrọ ke mme mbụme ẹtienede mi: (1) Ntak edide akpan n̄kpọ nnyịn ndibọ ọyọhọ ufọn nto ibuotikọ ukpepn̄kpọ ke Enyọn̄-Ukpeme kiet kiet? (2) Nso ke nnyịn ikpanam ke ini ibọde obufa nsiondi? (3) Nso idi eti usụn̄ nditịm idem nnọ Ukpepn̄kpọ Enyọn̄-Ukpeme? (4) Nso ntịn̄enyịn ke ẹkpenọ ke mme itien̄wed Abasi oro ẹsiakde ẹsịn ye ibuotikọ ukpepn̄kpọ? (5) Didie ke nnyịn ikeme ndidụn̄ọde se ikekpepde? (6) Nso mme n̄wọrọnda akpan n̄kpọ ke nnyịn ikpenyene nditie n̄kere ke ima ikokụre ukpepn̄kpọ oro ke idem nnyịn? (7) Didie ke nnyịn ikpetịm ibọrọ? (8) Didie ke ẹkeme ndinọ nsio nsio ibọrọ ke mbụme kiet? Nam ndusụk owo ẹbụk se mmọ ke idem mmọ ẹnamde man an̄wam mmọ ẹbọ n̄kponn̄kan ufọn ẹto Ukpepn̄kpọ Enyọn̄-Ukpeme.—Se n̄ko Ẹtịm Man Inam Utom Nnyịn Ima, page 65-67.

Ikwọ 95 ye akam ediberi.

Urua Ọtọn̄ọde October 26

Ikwọ 98

Min. 10: Mme ntọt n̄kann̄kụk. Siak n̄kani n̄wed oro ẹdude ke n̄kann̄kụk ẹmi ẹnyụn̄ ẹkemede ndinọ ke utom ukwọrọikọ nte ifet eberede. Sia mme ini nduọkodudu ẹdidude ke December, emi edidi eti ini inọ mme uyen oro ẹnade baptism ye mbon eken ndikere mban̄a usiakusụn̄ unọ un̄wam.

Min. 20: Nsụkibuot Abasi ke Ubon Oro Abaharede ke N̄kan̄ Ido Ukpono. Utịn̄ikọ ọkọn̄ọde ke Enyọn̄-Ukpeme eke June 1, 1995, page 26-29. Nọ ima ima nsịnudọn̄ ye item oro ẹdin̄wamde mbon oro ẹnyenede nsan̄andọ oro mînịmke ke akpanikọ ndinyene in̄wan̄în̄wan̄ edu nnyụn̄ mbuana ifịk ifịk ye esop.

Min. 15: Ndisịm Mme Mbono Esop ke Ini. Nneme ke ufọt mme ada Ukpepn̄kpọ N̄wed Esop m̀mê mme asan̄autom unamutom iba m̀mê ita kaban̄a mfịna edika mme mbono esop ke idiọk ini. Mmọ ẹnyịme nte ke mme nsio nsio idaha, esịnede mbabuat idaha, mme idaha eyo, n̄kpọ isan̄ ke usụn̄, ye ntre ntre eken, ẹkeme ndinam owo ekededi abiat ini. Nte ededi, ndusụk owo ẹnyene mbumehe edika ke idiọk ini. Ke in̄wan̄în̄wan̄ usụn̄, otu oro eneme onyụn̄ anam an̄wan̄a se ẹyomde man ẹkeme ndika ke ini: (1) ediwụt ọyọhọ esịtekọm mban̄a ifet edidụk mme mbono esop ye udia eke spirit ye itie ebuana emi ẹnọde do, (2) eti mbemiso ntịmidem ye editịm mme ọkpọkpọ mbubehe, (3) mme andibuana ke ubon ndinyịme ndidiana kiet, (4) edibabak ndaha ye ndinam ini odu ọnọ mme mfịna unana idotenyịn, ye (5) ata ata udọn̄ nditre ndiwọn̄ọde ntịn̄enyịn mbon efen ẹmi ẹdụkde. Kpukpru mmọ ẹnyịme nte ke ẹkeme ndikọk mfịna edika ke idiọk ini emi ebe ke ndisịn ukeme kpukpru ini ndinam n̄kọri.

Ikwọ 86 ye akam ediberi.