Mme Esoputom Eke May

Urua Ọtọn̄ọde May 3

Ikwọ 7

Min. 8: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Mbụk Ukara Abasi.

Min. 17: “Kpep Mbon En̄wen Usụn̄ Udori.” Da se isụhọrede ikan minit kiet tịn̄ ntọn̄ọikọ, ekem neme ke mbụme ye ibọrọ. Ke adade ibuot 13 ke n̄wed Ifiọk, nam an̄wan̄a nte mme owo ẹbọde ata ufọn mfịn ebe ke ndikpep, ndifiọk, ye ndida mme edumbet Bible nsịn ke edinam.

Min. 20: “Mme Usụn̄ Nditat Utom Ukwọrọikọ Fo.” Mbiowo iba ẹneme ibuotikọ ke ndibọrọ mme mbụme oro nsio nsio owo ke otuowo ẹbụpde. Asuanetop kiet ẹdide uyen, ebe ye n̄wan, ye eyenete eren emi odude ke isua ukpọn̄ utom ẹbụp ẹban̄a mme usụn̄ oro mmọ ẹkpetatde utom ukwọrọikọ mmọ. Ẹnọ nti ekikere ẹtode ibuotikọ emi ye ibuot 9 ke n̄wed Utom Nnyịn, ẹwụkde ntịn̄enyịn ke “Nso Idi Mme Utịtmbuba eke Spirit Fo Kaban̄a Ini Iso?,” page 116-118. Mme asuanetop ẹmi ẹwụt esịtekọm ẹban̄a eti ntọt emi N̄ka ọnọde oro owụtde nte ẹkpetịmde idem ẹnọ ntatara utom ke n̄kpet n̄kpet ini iso.

Ikwọ 11 ye akam ediberi.

Urua Ọtọn̄ọde May 10

Ikwọ 15

Min. 10: Mme ntọt n̄kann̄kụk.

Min. 15: “Nte Enye Enen̄ede Edi Uyịpinọ?” Utịn̄ikọ oro ọkọn̄ọde ke Enyọn̄-Ukpeme, April 15, 1994, page 19-21. Sọn̄ọ tịn̄ mme ikọ en̄wen oro Webster’s New Dictionary of Synonyms adade etịn̄ aban̄a edida ye edisio n̄kpọ owo en̄wen ye unana enye ndifiọk m̀mê ye unana unyịme esie. Tịn̄ nte ke ‘ndida n̄kpọ owo en̄wen ye unana enye ndifiọk m̀mê ye unana unyịme esie’ edi idiọkn̄kpọ oro ẹkemede ndida nsio owo mfep.

Min. 20: “Mbono District ‘Ntịn̄nnịm Ikọ Abasi’ eke 1999.” (Ikpehe ekikere 1-11) Ewetn̄wed edise aban̄a. Mbụme ye ibọrọ. Kot ikpehe ekikere 4, 5, ye 7. Sọn̄ọ tịn̄ ntak emi nnyịn ikpodụkde ofụri mbono oro, esịnede mme ikpehe edinam Friday. Sọn̄ọ tịn̄ ufọn editiene ndausụn̄ N̄ka ke mme n̄kpọ ẹban̄ade itieidụn̄. Toro nditọete ban̄a edibere ye mme ndutịm N̄ka.

Ikwọ 19 ye akam ediberi.

Urua Ọtọn̄ọde May 17

Ikwọ 27

Min. 10: Mme ntọt n̄kann̄kụk. Ntọt ibatokụk.

Min. 15: “Babak Nam Ndutịm!” Utịn̄ikọ emi odụn̄ọrede kpukpru utom ukara Abasi oro ẹdiomide ke n̄kann̄kụk ẹnọ ediwak ọfiọn̄ ke iso. Sịn udọn̄ nọ kpukpru owo ẹnịm idiọn̄ọ ke mme usenọfiọn̄ ẹmi ke n̄wed usenọfiọn̄ mmọ ẹkûnyụn̄ ẹyak mme n̄kpọ efen ẹbiọn̄ọ mmọ.

Min. 20: “Mbono District ‘Ntịn̄nnịm Ikọ Abasi’ eke 1999.” (Ikpehe ekikere 12-19) Mbụme ye ibọrọ. Kot ikpehe ekikere 16-18. Da mme itien̄wed oro ẹkotde-kot ye oro ẹsiakde-siak ẹsịn ndisọn̄ọ ntịn̄ ntak emi edisịnen̄kpọ, ukamaidem, ye edu uwem ẹdide n̄kpọ ẹyomde nnyịn itịm inọ ntịn̄enyịn.

Ikwọ 29 ye akam ediberi.

Urua Ọtọn̄ọde May 24

Ikwọ 41

Min. 10: Mme ntọt n̄kann̄kụk. Tọt mme ndutịm ẹnamde ẹnọ utom an̄wautom utịturua emi.

Min. 15: Ekebe Mbụme. Utịn̄ikọ emi ebiowo ọnọde.

Min. 20: Nte Nnyịn ke Ibuana ke Utom Edibahade Mme Owo? Utịn̄ikọ emi edemerede owo, emi esenyịn utom ọnọde, ọkọn̄ọde ke Enyọn̄-Ukpeme eke July 1, 1997, page 30-31.

Ikwọ 32 ye akam ediberi.

Urua Ọtọn̄ọde May 31

Ikwọ 43

Min. 15: Mme ntọt n̄kann̄kụk. Ti kpukpru owo ndiyak ibatutom mmọ eke ọfiọn̄ May nnọ. Dụn̄ọde n̄wed ẹnọde ke June. Nam uwụtn̄kpọ nneme kiet wụt.

Min. 15: Mme udọn̄ n̄kann̄kụk.

Min. 15: Nso Ikwan̄a ye Ido Ukpono Mi? Nneme ke ufọt asan̄autom unamutom iba. Nnyịn imesisobo ediwak owo ẹmi ẹmade akpanikọ ẹnyụn̄ ẹmade Mme Ntiense Jehovah. Nte ededi, mbọbọ oro mmọ ẹnyenede ye ido ukpono mmọ ọbiọn̄ọ mmọ. Ọsọn̄ mmọ ndinịm ke akpanikọ nte ke nnyịn inyene n̄kukụre ido ukpono akpanikọ ye nte ke ido utuakibuot mmọ edi nsu. Emi akabade edi akpan ubiọn̄ọ ke n̄kọri eke spirit mmọ. Nditọete ẹmi ẹdụn̄ọde n̄kpọ itiokiet oro ẹtịn̄de ẹban̄a ke page 204 ke n̄wed Reasoning, ẹmi ẹwụtde in̄wan̄în̄wan̄ nte ke mme ido ukpono eken itieneke Bible. Ẹsịn udọn̄ ẹnọ otuowo ndikama mme n̄kpọ ẹmi ke usọ nda n̄n̄wam mbon oro ẹnyenede esịt akpanikọ ndidụn̄ọde mme edinịm ke akpanikọ ido ukpono mmọ.

Ikwọ 50 ye akam ediberi.