Mme Esoputom Eke November

Urua Ọtọn̄ọde November 1

Ikwọ 156

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.

Min. 15: “Ukwọrọikọ Anam Nnyịn Idi Isio.” Da se isụhọrede ikan minit kiet tịn̄ ntọn̄ọikọ, ekem neme ke mbụme ye ibọrọ. Ke akamade n̄wed Ifiọk, page 173, ikpehe ekikere 8, tịn̄ ibio ibio se nnyịn ikemede nditịn̄ man isịn udọn̄ inọ eyen ukpepn̄kpọ Bible anyanade ebịne ndibuana ke utom ukwọrọikọ.

Min. 20: “Anie Ekeme Ndinyịme Ukpepn̄kpọ Bible?” Utịn̄ikọ ye mme nnamn̄wụt. Nte ekemde ye ikpehe ekikere 4, nọ ekikere ban̄a nsio nsio usụn̄ ndidemede udọn̄ ke ndifiọk se isịnede ke mme n̄wed nnyịn. Sịn mbio mbio nnamn̄wụt iba ẹwụtde nte ẹkemede ndinam oro. Dọhọ otuowo ẹtịn̄ nte mmọ ẹkụtde unen ke nditọn̄ọ mme ukpepn̄kpọ.

Ikwọ 198 ye akam ediberi.

Urua Ọtọn̄ọde November 8

Ikwọ 204

Min. 10: Mme ntọt n̄kann̄kụk. Tịn̄ ndutịm an̄wautom ẹnamde ẹnọ utịturua emi. Ti nditọete ẹtịm idem ẹnọ nneme ke mme akpa ikpehe ekikere 18 ke esịne-esịt eke November. Dụn̄ọde “Kụt Odudu Bible!”

Min. 15: Ekebe Mbụme. Utịn̄ikọ. Tịn̄ mme ndutịm n̄kann̄kụk oro ẹnamde man ẹnam Ufọkmbono Obio Ubọn̄ asana ẹnyụn̄ ẹnịm ke eti idaha.

Min. 20: “Nso ke Afo Editịn̄ ye Owo Muslim?” Mbụme ye ibọrọ. Sọn̄ọ tịn̄ nte oyomde mbufiọk ke ini ẹnemede nneme ye mbon oro ẹnyenede isio isio ido edinam. Sịn nnamn̄wụt oro ẹtịmde idem mfọn mfọn. Ke oyomde ntọt efen efen kaban̄a Islam, se esịne-esịt Utom Obio Ubọn̄ Nnyịn eke February 1998; n̄wed Reasoning, page 23-24; ye Mankind’s Search for God, ibuot 12.

Ikwọ 208 ye akam ediberi.

Urua Ọtọn̄ọde November 15

Ikwọ 211

Min. 8: Mme ntọt n̄kann̄kụk. Ntọt ibatokụk. Ti mme asuanetop ndinọ ibatutom ufọtọfiọn̄ mmọ eke November.

Min. 25: “Ndida Internet Nnam N̄kpọ—Du ke Edidemede Ban̄a Mme N̄kpọndịk!” Ẹdineme ikpehe ekikere 1-18 ke mbụme ye ibọrọ. Kot ikpehe ekikere 4-7, 12, 16, 17. Sịn udọn̄ nọ kpukpru owo ẹtịm idem mfọn mfọn ẹnọ nneme ikpehe ekikere 19-36 urua efen.

Min. 12: Mme Ete ye Eka—Nte Mbufo Ẹmesinịm Ukpepn̄kpọ Ubon Ofụri Ini? Utịn̄ikọ ye nneme otuowo. Nam an̄wan̄a ntak oyomde mme ubon ẹkpep n̄kpọ ọtọkiet. (Se Ñwed-item Ufök-ñwed, page 37-38.) Tịn̄ ban̄a mme n̄kpọ ẹtienede mi oro ẹsibiọn̄ọde ukpepn̄kpọ ubon: (1) ndikere ke nditọ ẹkpri ẹkaha ndibọ ufọn, (2) ndikere ke edidụk mme mbono esop ekem, (3) ndikpa mba ke ntak ndutịm oro esidade ini, ye (4) use ekebe ndise ndiwọn̄ọde ntịn̄enyịn. (Se Enyọn̄-Ukpeme, May 15, 1994, page 11-12.) Dọhọ mme ibuot ufọk ẹtịn̄ nte mmọ ẹkekande mme n̄kpọ ubiọn̄ọ man ẹnyene eti ndutịm ukpepn̄kpọ ubon ofụri ini. Sọn̄ọ tịn̄ nte ke emi oyom ukeme, ubiere, ye edidianakiet.

Ikwọ 217 ye akam ediberi.

Urua Ọtọn̄ọde November 22

Ikwọ 158

Min. 10: Mme ntọt n̄kann̄kụk ye mme ifiọkutom an̄wautom.

Min. 10: Nso Idi Edu Fo Kaban̄a Se Ẹnọde Ẹnam? Utịn̄ikọ emi ebiowo ọnọde. Odu udịm udịm akpan utom oro oyomde ẹnam man esop asan̄a nte ọfọnde: ndinam ndutịm mban̄a se ẹnọde ẹnam; ndimen mbon en̄wen n̄ka mme mbono esop m̀mê ndisan̄a ye mmọ ke an̄wautom; ndin̄wam mbonusọn̄; ye ndinam Ufọkmbono Obio Ubọn̄ asana, ndidiọn̄, ye ndikpeme, esịnede ndise mban̄a an̄wa. Didie ke afo esinam n̄kpọ ke ini ẹdọhọde fi an̄wam? Ndusụk owo ẹkeme ndisịn, ẹnyịme mmen̄e mmen̄e, mîdịghe ẹkpu ndinam nsịm utịt. Neme nte ndinyịme nnyụn̄ nnam se ẹnọde ẹnam edide ifetutom inemesịt. Sịn udọn̄ nọ kpukpru owo ke esop ndiwụt edu unyịmesịt ndinam utom unyịme unyịme.—Ps. 110:3, ikọ idakisọn̄ NW; Isa. 6:8.

Min. 25: “Ndida Internet Nnam N̄kpọ—Du ke Edidemede Ban̄a Mme N̄kpọndịk!” Ẹdineme ikpehe ekikere 19-36 ke mbụme ye ibọrọ. Kot ikpehe ekikere 23-25 ye 34-36.

Ikwọ 223 ye akam ediberi.

Urua Ọtọn̄ọde November 29

Ikwọ 215

Min. 10: Mme ntọt n̄kann̄kụk. Ti mme asuanetop ndinọ ibatutom eke November.

Min. 15: Sịn Udọn̄ Nọ Mbufa Owo Ndidụk Mme Mbono Esop. Nneme ke ufọt ebiowo ye asan̄autom unamutom kiet m̀mê iba, ọkọn̄ọde ke ediye uduot ekpri n̄wed Ẹnam Uduak Abasi, page 14-15. Dụn̄ọde ntak edide akpan n̄kpọ mbufa owo ndidụk mme mbono esop. Do ke mmọ ẹdibọ n̄kponn̄kan item, nsịnudọn̄, ye un̄wam. Dụn̄ọde mme mbono esop ition eke urua ke urua, anamde ufọn mmọ kiet kiet an̄wan̄a. Neme nte mme mbono esop ẹsịnde udọn̄ ẹnọ edu Abasi, anamde idaha eke spirit ọkọri, odụride nnyịn ekpere esop, an̄wamde nnyịn ndikọri n̄kpet n̄kpet itie ebuana ye mmọ en̄wen, onyụn̄ an̄wamde nnyịn ndidiọn̄ọ uduak utom ukwọrọikọ nnyịn. Sịn udọn̄ nọ otuowo ẹda ediye uduot ekpri n̄wed emi ẹdemede udọn̄ mbufa owo ndidi mme mbono esop.

Min. 20: Se Nnyịn Imekde—New World Translation. Utịn̄ikọ ye mme nnamn̄wụt. Ke otu mme esop ido ukpono, eke nnyịn edi n̄wọrọnda sia nnyịn imịn̄de, ikamade, inyụn̄ isuande edikabade Bible emi mme andituak ibuot nnọ Jehovah oro ẹyetde aran ẹsiode. Idịghe koro nnyịn iyomde ndidia udori ke unyamurua m̀mê ndisuan mme ukpepn̄kpọ isio n̄ka. Utu ke oro, se inụkde nnyịn edi udọn̄ ndikpono enyịn̄ Abasi nnyụn̄ n̄n̄wam mbon en̄wen ẹtịm ẹfiọk enye. Mme edikabade eken ẹsiwak ndikabade Ikọ Abasi ke usụn̄ oro mîn̄wan̄ake owo, ke ntre dụn̄ọde mme n̄wọrọnda ufọn New World Translation. (Se n̄wed “All Scripture,” page 327-331. Tịm fiọk utịn̄ikọ odude ke ikpehe ekikere 3, nọ mme uwụtn̄kpọ edikabade oro ẹnamde ọfọn ke ikpehe ekikere 6, nyụn̄ tịn̄ mme ufọn ẹdude ke ikpehe ekikere 22-23.) Sịn mbio mbio nnamn̄wụt iba oro ẹnọde ekikere nte nnyịn ikemede ndibọrọ ke ini mbon en̄wen ẹdọhọde, “Mbufo ẹmenyene Bible mbufo.”—Se n̄wed Reasoning, page 279-280.

Ikwọ 205 ye akam ediberi.