Ndutịm Esoputom

Urua Ọtọn̄ọde April 8

Ikwọ 39

Min. 13: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Sịn udọn̄ nọ kpukpru owo ndise vidio Young People Ask—How Can I Make Real Friends? ke nditịm idem nnọ nneme ke Esoputom eke urua April 22. Ke adade mme ekikere ke page 8, sịn nsio nsio nnamn̄wụt iba ke nte ẹkpenọde Enyọn̄-Ukpeme April 15 ye Awake! April 22. Ke nnamn̄wụt kiet kiet, wụt nsio nsio usụn̄ oro ẹkemede ndibọrọ mme ikọ utre nneme emi “Mmenyene ido ukpono okịmmọ.”—Se ekpri n̄wed Nte Ẹkpetọn̄ọde, page 10.

Min. 12: Mme udọn̄ n̄kann̄kụk.

Min. 20: “Ẹfọn Ido ye Kpukpru Owo.”a Ke nneme mbụme ye ibọrọ okụrede, nam ndụn̄ọde ye asuanetop kiet m̀mê iba emi ẹtịn̄de nte mmọ ẹtatde utom ukwọrọikọ mmọ.

Ikwọ 157 ye akam ediberi.

Urua Ọtọn̄ọde April 15

Ikwọ 101

Min. 10: Mme ntọt n̄kann̄kụk. Ntọt ibatokụk.

Min. 15: Mme Asiakusụn̄ Ẹka Iso Ndin̄wam Mbon En̄wen. Esenyịn utom enyene nneme otu ye ada Ukpepn̄kpọ N̄wed Esop, asiakusụn̄, ye asuanetop. Esenyịn utom eneme ndutịm Mme Asiakusụn̄ Ẹn̄wam Mbon En̄wen nte ẹwụtde ke Utom Obio Ubọn̄ Nnyịn eke September 1998, page 8. Ekem enye eneme ye owo kiet kiet ke otu oro aban̄a se idide utom mmọ ke ndutịm emi ye nte ndutịm emi ọyọhọde uduak esie. Nso ke ẹnam man enye okụt unen? Esenyịn utom ọdọhọ kpukpru mme asuanetop ẹnam imọ ifiọk edieke mmọ ẹyomde ndibọ un̄wam ke utom ukwọrọikọ. Ẹkeme ndifiak nsịn mbon oro ẹma ẹkebọbọ un̄wam man ẹbọ un̄wam efen efen ke ikpehe utom ukwọrọikọ efen.

Min. 20: “Leta Otode Otu Ukara.” Nneme otuowo. Sio mme akpan n̄kpọ wụt nyụn̄ wụt nte kpukpru owo ẹkemede ndibọ nsịnudọn̄ nto leta emi.

Ikwọ 199 ye akam ediberi.

Urua Ọtọn̄ọde April 22

Ikwọ 90

Min. 10: Mme ntọt n̄kann̄kụk. Ke adade mme ekikere ẹnọde ke page 8, dọhọ asan̄autom unamutom anam owụt nte ẹkpenọde Enyọn̄-Ukpeme May 1 nyụn̄ dọhọ eyenete an̄wan owụt nte ẹkpenọde Awake! May 8. Ke nnamn̄wụt kiet kiet okụrede, fiak tịn̄ ntọn̄ọikọ kiet m̀mê iba oro ẹkedade ẹdemede udọn̄ enyeneufọk.

Min. 10: Ka ke Ini! Utịn̄ikọ. Mme edinam oro ẹnyenede ebuana ye utuakibuot nnyịn ẹdi akpan n̄kpọ oro oyomde ‘ẹnịm ini.’ (Eccl. 3:1) Nnyịn iyom ndibọ ọyọhọ ufọn nto mme ndutịm ukara Abasi. Mme mbono esop ye mme mbono an̄wautom ẹkpenyene nditọn̄ọ ye unana ubiatini ke mme ini oro ẹkenịmde. Akananam Jehovah inamke ubịghi ke mme edinam esie. (Hab. 2:3) Nte oyom nnyịn inam n̄kọri ke afan̄ emi? Ke ini ke ini, mme owo ẹkeme ndika n̄kpọ ke idiọk ini nte owo mîkemeke ndinyan̄a. Edi ye eti ndutịm, nnyịn idinyeneke edu edika n̄kpọ ke idiọk ini, isịmde mbono esop ke ẹma ẹkekụre ikwọ ye akam ediberede m̀mê ke ẹma ẹkekụre ndutịm utom an̄wautom. Tịn̄ mme usụn̄ ndikọri nti edu oro ẹdinamde nnyịn idu ke ini ke kpukpru edinam eke spirit nnyịn.—Se Enyọn̄-Ukpeme, June 15, 1990, page 29.

Min. 25: “Ibọrọ Oro Aduaide Owo Idem!”b Ke ikpehe ekikere 1, nam esọp ẹtịn̄ mbio mbio ikọ ẹban̄a vidio Young People Ask—How Can I Make Real Friends? Ekem be nnennen nnennen dụk nneme otuowo ke mme mbụme kiet kiet oro ẹwụtde ke ikpehe ekikere 2-7. Ke June nnyịn ididụn̄ọde vidio Our Whole Association of Brothers. Mîdịghe, neme “Nnyịn Imoyom Esop Jehovah,” otode Enyọn̄-Ukpeme eke January 1, 2000, page 30-31.

Ikwọ 191 ye akam ediberi.

Urua Ọtọn̄ọde April 29

Ikwọ 162

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke April.

Min. 20: “Ukwọrọikọ Obio Ubọn̄ An̄wam Ndinyan̄a Uwem!”c Dọhọ otuowo ẹtịn̄ nte mme itien̄wed oro ẹnyenede ebuana.

Min. 15: Neme “Ẹka Iso Ndibọ Ufọn nto Enyọn̄-Ukpeme ye Awake!” Sọn̄ọ tịn̄ nte edide akpan n̄kpọ ndikọri udọn̄ oro ẹkewụtde nnyụn̄ ntọn̄ọ mme ukpepn̄kpọ Bible.

Ikwọ 28 ye akam ediberi.

Urua Ọtọn̄ọde May 6

Ikwọ 141

Min. 10: Mme ntọt n̄kann̄kụk.

Min. 10: Ndibak Nnam Ndutịm nnọ Ini Nduọkodudu Ufọkn̄wed. Utịn̄ikọ ye nneme otuowo. Tịn̄ mme edinam oro ẹsiwakde ndidiomi nnọ ini nduọkodudu: edidụk mbono, edinam usiakusụn̄ unọ un̄wam ke ọfiọn̄ kiet m̀mê akande oro, edidiọn̄ mme n̄kpọ ke ufọk, ndien iso-ọfọn edika nduọkodudu m̀mê edinọ idem nduọkodudu. Dọhọ owo ifan̄ ẹtịn̄ ndutịm oro mmọ ẹnamde ẹnọ ini nduọkodudu ye nte mmọ ẹdinamde mbak ẹditre ndibuana ke ukpepn̄kpọ ubon mmọ, mme mbono esop, ye utom an̄wautom, idem edieke ẹkade isan̄ ke ebiet efen. Edieke esop enyenede efakutom oro owo mîsinamke utom kpukpru ini, tọt ndutịm oro ẹnamde ndikụre enye ọyọhọ ọyọhọ. Ti kpukpru owo ete ẹnọ ada Ukpepn̄kpọ N̄wed Esop ibatutom an̄wautom ke utịt ọfiọn̄ kiet kiet, edide mmọ ẹdu ke ufọk m̀mê ẹdu ke ebiet en̄wen.

Min. 25: “Mme Ubon Oro Ẹsọn̄de Idem ke N̄kan̄ eke Spirit—Didie?”d Ke ama ekeneme ibuotikọ emi ama, tịn̄ ndusụk nti ifiọkutom ẹtode Enyọn̄-Ukpeme eke February 15, 1999, page 10-12.

Ikwọ 17 ye akam ediberi.

[Mme ikọ idakisọn̄]