Ndutịm Esoputom

Urua Ọtọn̄ọde May 13

Ikwọ 37

Min. 15: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ke adade mme ekikere oro ẹnọde ke page 8, dọhọ ẹnam nsio nsio nnamn̄wụt nte ẹkpenọde Enyọn̄-Ukpeme May 15 ye Awake! May 22. Ke ẹma ẹkekụre nnamn̄wụt kiet kiet, wụt nsio nsio usụn̄ ndise mban̄a ikọ utre nneme emi “Nnyeneke Ini.”—Se Nte Ẹkpetọn̄ọde Ẹnyụn̄ Ẹkade Iso ke Nneme Bible, page 11-12.

Min. 15: “Nso ke Nnyịn Ikeme Ndikpep nto Mmọ?”a N̄wam kpukpru owo ẹkụt ufọn edibuọt idem ye Jehovah ke ini afanikọn̄.

Min. 15: “Mbono District ‘Ifịk Ifịk Mme Anditan̄a Obio Ubọn̄’ eke Mme Ntiense Jehovah eke 2002.”b Ewetn̄wed edineme ikpehe ekikere 1-9. Ke adan̄aemi enemede ikpehe ekikere 3, siak obio ye usenọfiọn̄ mbono oro ẹdemede esop mbufo ẹsịn.

Ikwọ 219 ye akam ediberi.

Urua Ọtọn̄ọde May 20

Ikwọ 13

Min. 9: Mme ntọt n̄kann̄kụk. Ntọt ibatokụk.

Min.18: “Mbono District ‘Ifịk Ifịk Mme Anditan̄a Obio Ubọn̄’ eke Mme Ntiense Jehovah eke 2002.”c Ebiowo edineme ikpehe ekikere 10-19. N̄wam kpukpru owo ẹkụt ntak emi edide akpan n̄kpọ ndikpeme edu uwem nnyịn ke iso mme owo.

Min. 18: “Nte Afo Edi Christian Oro ‘Ọkọride Ọwọrọ Owo’?” Utịn̄ikọ emi ebiowo ọnọde emi ọkọn̄ọde ke Enyọn̄-Ukpeme, August 15, 2000, page 26-29.

Ikwọ 169 ye akam ediberi.

Urua Ọtọn̄ọde May 27

Ikwọ 208

Min. 12: Mme ntọt n̄kann̄kụk. Ti mme asuanetop ndinọ ibatutom an̄wautom eke May. Ke adade mme ekikere oro ẹnọde ke page 8, dọhọ akwa asuanetop anam owụt nte ẹkpenọde Enyọn̄-Ukpeme June 1 nyụn̄ dọhọ ekpri asuanetop anam owụt nte ẹkpenọde Awake! June 8. Ke ẹma ẹkekụre nnamn̄wụt kiet kiet, tịn̄ ban̄a nte ẹkemede ndisịn itie N̄wed Abasi ke nneme oro mmemmem mmemmem.

Min. 15: “Nte Esop Mbufo Enyene Akamba Efakutom?” Utịn̄ikọ ye nneme otuowo emi esenyịn utom esede aban̄a. (Mme esop oro mînyeneke akamba efakutom ẹkeme ndidụn̄ọde ibuotikọ emi “Nam Ini Oro Afo Abiatde Odot,” ke Utom Obio Ubọn̄ Nnyịn eke June 1999.) Siak ibat efakutom oro esop enyenede ye udomo oro ẹkekụrede ke isua oro osụk ebede. Nam an̄wan̄a nte ẹkemede ndida mme ekikere oro ẹnọde nnam n̄kpọ ke n̄kann̄kụk. Dụn̄ọde mme ndutịm oro ẹnamde ke n̄kpet n̄kpet ini iso man ẹkụre efakutom oro owo mîsinamke utom kpukpru ini.

Min. 18: “Nte Afo ke Ada Ediye Uduot Ekpri N̄wed Oyom Ọtọn̄ọ Ukpepn̄kpọ?” (Kpukpru owo ẹkpenyene ndikama esịne-esịt Utom Obio Ubọn̄ Nnyịn eke January 2002 ke nneme emi.) Tọn̄ọ ke ndidọhọ asuanetop oro etịmde idem nte ọfọnde anam owụt nte ẹkpetọn̄ọde ukpepn̄kpọ, adade uwụtn̄kpọ oro odude ke ikpehe ekikere 3. Ke oro ebede, siak mme akpan n̄kpọ oro ẹdude ke ediye uduot ekpri n̄wed oro, nyụn̄ nam an̄wan̄a nte ẹtịmde enye ọfọn ndida ntọn̄ọ mme ukpepn̄kpọ. Wụt ufọn oro odude ke ndidụn̄ọde mme nneme oro ẹnọde ekikere ẹban̄a ke esịne-esịt eke January 2002. Bụp otuowo m̀mê ekikere ewe ke mmọ ẹkekụt nte enyenede ufọn. Beri ke ndidọhọ ẹfiak ẹnam nnamn̄wụt eke enyọn̄ emi.

Ikwọ 93 ye akam ediberi.

Urua Ọtọn̄ọde June 3

Ikwọ 178

Min. 15: Mme ntọt n̄kann̄kụk. Nam ndutịm man mme asuanetop ẹbụk idatesịt oro mmọ ẹkenyenede nte utịp edibuana ke utom usiakusụn̄ unọ un̄wam m̀mê usiakusụn̄ ofụri ini ke March, April, m̀mê May. Dụn̄ọde Ekebe Mbụme.

Min. 15: Nte Mme N̄wed N̄ka Ẹdade Mme Edikabade Bible Efen Ẹnam N̄kpọ. Ibio Ibio utịn̄ikọ, emi nneme otuowo etienede. Nnyịn iberi edem ke Bible. Enye edi Ikọ Abasi ndien ẹkpenyene ndida enye nnam n̄kpọ ke utom ukwọrọikọ nnyịn. Ke n̄kponn̄kan ikpehe isua ikie kiet, nnyịn ikakama King James Version, Douay Version eke Roman Catholic akpan akpan, m̀mê edikabade ekededi oro nnyịn ikenyenede, ndikpep akpanikọ aban̄ade Jehovah ye mme uduak esie. Ke adianade do, nnyịn ima ikama n̄kani edikabade emi ke ndikpep akpanikọ aban̄ade idaha mme akpan̄kpa, itie ebuana Abasi ye Eyen esie, ye ntak emi ekpri otuerọn̄ kpọt ẹkade heaven. Mbon oro ẹdiọn̄ọde nnyịn ẹdiọn̄ọ n̄ko ẹte ke nnyịn ke ika iso ikama ediwak edikabade Bible ke utom ukwọrọikọ nnyịn eke ofụri ererimbot. Ntem, mbufo ẹyekụt nte ẹwụtde mbio mbio enyịn̄ edikabade Bible eken utọ nte AS, AT, By, ED, Int, KJ, Kx, JB, JP, NE, Ro, TEV, Yg, ke mme n̄wed nnyịn. Nte ededi, toto ke 1961 nnyịn imadara ndikama New World Translation emi ẹdade ẹdidian, ẹnam ekem ye ifiọk eyomfịn, nnennen edikabade ikọ esie emi onyụn̄ ememde utom ndikot. Neme mme item oro ẹnọde ke nsiondi Enyọn̄-Ukpeme, October 1, 1997, page 16, ikpehe ekikere 2, ye page 20, ikpehe ekikere 15. Ke adade ndụn̄ọde oro ẹnọde mme edikabade eken ke page 39-43 ke n̄wed “Afo Emekeme Ndidu Uwem ke Nsinsi ke Paradise ke Isọn̄,” dọhọ otuowo ẹtịn̄ nte edida mme edikabade kiet kiet ndomo ye eken ekemede ndinyene ufọn ke ndiyarade nsunsu ukpepn̄kpọ Abasi-Ita-ke-Kiet ye ke ndikpep akpanikọ aban̄ade enyịn̄ Abasi.

Min. 15: “Mbuọtidem Nnyịn Onụk Nnyịn Ndinam Nti Utom.”d Ke ini enemede ikpehe ekikere 2, nam ibio ibio ndụn̄ọde ye ifịk ifịk Ntiense. Dọhọ asuanetop oro etịn̄ nte edinọ mbon efen ikọ ntiense owụtde onyụn̄ ọsọn̄ọde mbuọtidem esie.

Ikwọ 56 ye akam ediberi.

[Mme ikọ idakisọn̄]