Ndutịm Esoputom

Urua Ọtọn̄ọde June 10

Ikwọ 58

Min. 15: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Sịn udọn̄ nọ kpukpru owo ndise vidio oro Our Whole Association of Brothers ke nditịm idem nnọ nneme ke Esoputom eke urua June 24. Ke adade mme ekikere ke page 4, sịn nsio nsio nnamn̄wụt iba ke nte ẹkpenọde Enyọn̄-Ukpeme June 15 ye Awake! June 22. Ke nnamn̄wụt kiet kiet, wụt nsio nsio usụn̄ oro ẹkemede ndibọrọ mme ikọ utre nneme emi “Ami Nnyeneke Udọn̄ ke Ido Ukpono.”—Se ekpri n̄wed Nte Ẹkpetọn̄ọde, page 9.

Min. 10: Ekebe Mbụme. Kot kpukpru ikpehe ye mme itie N̄wed Abasi oro ẹsiakde ẹsịn. Ekem tịn̄ mme ikọ efen efen, anamde mme akpan n̄kpọ eken ẹn̄wan̄a ke Ekebe Mbụme emi odude ke Utom Obio Ubọn̄ Nnyịn eke March 1998.

Min. 20: “Editọ ke Ntatubọk Ada Uwak Edidiọn̄ Edi.”a Sịn mme ikọ ẹtode Enyọn̄-Ukpeme, December 1, 1992, page 15-16, ikpehe ekikere 14-17.

Ikwọ 220 ye akam ediberi.

Urua Ọtọn̄ọde June 17

Ikwọ 136

Min. 10: Mme ntọt n̄kann̄kụk. Ntọt ibatokụk.

Min. 15: Mme udọn̄ n̄kann̄kụk.

Min. 20: “Yụhọ ye Se Enyenede.”b Sọn̄ọ tịn̄ isọn̄ N̄wed Abasi kaban̄a item emi, okotde onyụn̄ enemede ediwak itien̄wed oro ẹsiakde ẹsịn nte ini ayakde.

Ikwọ 197 ye akam ediberi.

Urua Ọtọn̄ọde June 24

Ikwọ 52

Min. 8: Mme ntọt n̄kann̄kụk. Ebe ye n̄wan emi ẹnamde utom ukwọrọikọ ọtọkiet ẹnam ẹwụt nte ẹkemede ndida mme ekikere oro ẹdude ke page 4 nnam n̄kpọ ke ndinọ mme magazine July 1 ye July 8. N̄wan ọnọ Enyọn̄-Ukpeme, ndien ebe ọnọ Awake!

Min. 12: Bụk mîdịghe dọhọ ẹfiak ẹnam ifiọkutom mme asuanetop n̄kann̄kụk ẹwụt emi ẹban̄ade (1) nte ẹkenọde mme owo ẹtode nsio nsio ekpụk m̀mê mme owo ẹsemde mme usem efen ikọ ntiense m̀mê (2) nte ẹkenọde ikọ ntiense ke mme usụn̄ efen utu ke ndisan̄a ke ufọk ke ufọk ye ke efak ke efak. Ke nditịm idem nnọ Esoputom urua efen, sịn udọn̄ nọ kpukpru owo ẹyom nneme oro mmọ ẹdidade inam n̄kpọ man ẹnọ kiet ke otu ndiye uduot n̄kpri n̄wed ke July.—Se ekebe oro “Mme N̄wed Efen,” ke esịne-esịt Utom Obio Ubọn̄ Nnyịn eke January 2002.

Min. 25: “Ntak Imade Ofụri Otu Nditọete Nnyịn.” Tọn̄ọ nneme nnennen nnennen ke vidio Whole Association ye otuowo, adade mme mbụme oro ẹnọde. Mîdịghe, neme “Utuakibuot Akpanikọ Adian Mme Owo Ọtọkiet.” Utịn̄ikọ emi ebiowo ọnọde, ọkọn̄ọde ke Enyọn̄-Ukpeme eke September 15, 2001, page 5-7.

Ikwọ 95 ye akam ediberi.

Urua Ọtọn̄ọde July 1

Ikwọ 83

Min. 15: Mme ntọt n̄kann̄kụk. Ti mme asuanetop ndinọ ibatutom an̄wautom mmọ eke June. Dọhọ mme asuanetop ẹtịn̄ m̀mê ediye uduot ekpri n̄wed ewe ke mmọ ediomi ndinọ ye nneme oro mmọ ẹdidade ke July.

Min. 15: Afo Emekeme Ndidi Ufan Abasi! Utịn̄ikọ ye nneme otuowo. Wụt mme n̄kpọ ẹdude ke ediye uduot ekpri n̄wed emi, oro anamde enye edi okopodudu n̄wed ukpepn̄kpọ emi an̄wamde nditọwọn̄ ye mbon efen oro ẹnyenede esisịt ifiọkn̄wed m̀mê ukeme ukot n̄wed ndikpep mban̄a Jehovah. Neme mme uwụtn̄kpọ oro ẹban̄ade nte enye anamde n̄kpọ an̄wan̄a ke usụn̄ oro edide mmemmem ndifiọk onyụn̄ owụtde ifiọk. (Se ukpepn̄kpọ 2, 8, ye 12.) Wụt nte ẹkemede ndida mme ndise nnam n̄kpọ ndisịm esịt eyen ukpepn̄kpọ. Nọ ekikere ke nte ẹkemede ndida ediye uduot ekpri n̄wed emi nnam n̄kpọ uforo uforo. Mme ete ye eka ẹkpenyene ndida enye n̄kpep n̄kpọ ye n̄kpri nditọ mmọ. Sịn udọn̄ nọ kpukpru owo ndinọ enye ke an̄wautom ke ini ekededi oro odotde.

Min. 15: “Nte Afo ‘Emenyịme’ Ndin̄wam Mbon En̄wen?”c Sịn udọn̄ nọ kpukpru owo ke esop ndinyene edu edin̄wam owo.

Ikwọ 156 ye akam ediberi.

[Mme ikọ idakisọn̄]