Se Ẹkpetịn̄de Ẹban̄a Mme Magazine

Enyọn̄-Ukpeme July 15

“Ndi afo emekere ke ẹnọ mme anamidiọk ufen ke hell? [Bet ibọrọ.] Bible owụt in̄wan̄-in̄wan̄ se ufen idiọkn̄kpọ edide. [Kot Rome 6:23a.] Ke emi, nte hell edi itie ikan̄ ikan̄ ndutụhọ? Nte enye edi sụk idaha edidianade n̄kpọn̄ Abasi? Magazine emi ọnọ mme ibọrọ N̄wed Abasi ke mme mbụme emi.”

Awake! July 22

“Ediwak owo ẹse mbre mfọniso nte n̄kpọ oro n̄kaowo enyịmede. Mbon eken ẹkere ke enye esiwak ndinọ mme ubon ye n̄kaowo unan. Nsiondi Awake! emi odụn̄ọde mbre mfọniso ye ekikere oro ẹnyenede ẹto ndụn̄ọde oro ẹwetde ke ndondo emi. Ekeme ndidi afo ayama n̄ko ndikot nte mme edumbet Bible ẹnyenede ebuana ye ibuot nneme emi.” Nte uwụtn̄kpọ, kot 1 Timothy 6:10.

Enyọn̄-Ukpeme Aug. 1

“Ediwak owo ẹkere ke mme nsunsu ekikere ye ido edinam ẹdi sụk n̄kpọ oro mîkemeke ndinọ unan. [Wụt n̄kpọ kiet m̀mê iba ke ekebe oro odude ke page 5.] Nte akanam afo emekere se idide ntak utọ mme ekikere oro? [Ke ẹma ẹkenọ ibọrọ, kot 2 Corinth 11:14.] Magazine emi owụt se idide ekikere Bible kaban̄a nsunsu ekikere.”

Awake! Aug. 8

“Ediwak owo ẹkop editịmede esịt ẹban̄a nte afai ye edinam oyomonsia ẹkade iso ndikọri. Eyedi afo emenyịme ye mme ikọ eke Ecclesiastes 8:9. [Kot nyụn̄ bet ibọrọ.] Nsiondi Awake! emi etịn̄ aban̄a mme n̄kpọ ẹkpepde ẹto eset onyụn̄ owụt nte utọ ukara oro editrede ke mîbịghike.”