Ndutịm Esoputom

Urua Ọtọn̄ọde April 14

Ikwọ 20

Min. 15: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ti mme asuanetop ndinọ ibatutom an̄wautom eke ufọt ọfiọn̄ April. Ke adade mme ekikere ẹnọde ke page 8, dọhọ ẹnam nnamn̄wụt iba ke nte ẹkpenọde Enyọn̄-Ukpeme April 15 ye Awake! April 22. Ke nnamn̄wụt kiet kiet, ẹkpenyene ndidian magazine mbiba nnọ, okposụkedi ẹditịn̄de n̄kpọ ẹban̄a kiet.

Min. 10: Ekebe Mbụme. Utịn̄ikọ emi ebiowo ọnọde.

Min. 20: ‘Ndiyama nte Mme N̄kpọ Oro Ẹnọde Un̄wana.’a Beri ye utịn̄ikọ minit ition emi ọkọn̄ọde ke Enyọn̄-Ukpeme, June 1, 1997, page 14-15, ikpehe ekikere 8-13. Sọn̄ọ tịn̄ ntak emi nnyịn mîdịpke mbon en̄wen etop Obio Ubọn̄.

Ikwọ 134 ye akam ediberi.

Urua Ọtọn̄ọde April 21

Ikwọ 25

Min. 10: Mme ntọt n̄kann̄kụk. Ntọt ibatokụk.

Min. 15: Ẹdụri Ẹda, Itoho ke Ukwọrọikọ. Utịn̄ikọ ye nneme otuowo. Eti edu uwem Christian edi okopodudu ikọ ntiense. Omonụk ndusụk nsan̄a ndọ oro mîkenịmke ke akpanikọ ndikabade ndi mme andituak ibuot nnọ Jehovah. (1 Pet. 3:1, 2) Bụk mme ifiọkutom oro ẹkụtde ke Enyọn̄-Ukpeme, January 1, 1999, page 4; Enyọn̄-Ukpeme, October 1, 1995, page 10-11; ye 1995 Yearbook, page 46. Bem iso diomi owo iba m̀mê ita nditịn̄ mban̄a nti utịp oro mmọ ẹnyenede ẹto editiene item Bible ke afan̄ emi.

Min. 20: “Owo eke Ekemede Ndibọ, Yak Ọbọ.”b Nam ndụn̄ọde ye owo kiet m̀mê iba emi ẹdade itie unana ndọ mmọ ẹnam n̄kpọ nte ọfọnde ke ndinam mme ufọn n̄kpọ Obio Ubọn̄ ẹkọri. Dọhọ mmọ ẹtịn̄ se in̄wamde mmọ ndinyene uyụhọ ke utom mmọ.

Ikwọ 35 ye akam ediberi.

Urua Ọtọn̄ọde April 28

Ikwọ 51

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke utịtọfiọn̄ April. Ke adade mme ekikere ẹnọde ke page 8, dọhọ ẹnam nnamn̄wụt iba ẹwụt nte ẹkpenọde Enyọn̄-Ukpeme May 1 ye Awake! May 8.

Min. 35: “Nte Afo Emekeme Ndinọ Idemfo?” Ọnọ-nsịnudọn̄ utịn̄ikọ emi otuowo ẹbuanade ke ini ke ini ke ndibọrọ mme mbụme oro ẹketịmde ẹnọ ikpehe ekikere 11 ye 16-21. Sịn udọn̄ nọ mme ete ye eka ẹn̄wam nditọ mmọ ndikere mban̄a utom Bethel nte ubọkọkọ. Dọhọ mme ubon ẹkpep esịne-esịt emi ke ukpepn̄kpọ ubon mmọ.

Ikwọ 197 ye akam ediberi.

Urua Ọtọn̄ọde May 5

Ikwọ 120

Min. 10: Mme ntọt n̄kann̄kụk. Siak mme n̄wed ẹnọde ke May. Dụn̄ọde “Da N̄wed Tuak Ibuot nọ Abasi Nịm Mme Ukpepn̄kpọ Bible.”

Min. 20: “Mme Mfiakn̄ka Ẹda Ẹsịm Mme Ukpepn̄kpọ Bible.”c Ebiowo edise aban̄a, adade mme mbụme oro ẹnọde. Dọhọ otuowo ẹbụk mbio mbio ifiọkutom emi ẹsọn̄ọde mme n̄kpọ oro ẹnemede. Ke ini enemede ikpehe ekikere 5, fiak nam ifiọkutom ẹkenyenede ke efakutom n̄kann̄kụk wụt emi ẹketọn̄ọde ukpepn̄kpọ Bible.

Min. 15: Eti Ibatutom Edi Ntak Ndidat Esịt. (N̄ke 15:30) Nneme otuowo emi owụtde se esop ẹkenamde nte utịp a-san̄asan̄a ukeme oro ẹkesịnde ke March ye April. Dọhọ esop ẹbụk nti ifiọkutom oro mmọ ẹkenyenede ke mme ikpehe oro ẹtienede mi: (1) ndin̄wam owo emi enyenede udọn̄ odụk Editi, (2) ndinam utom nte asiakusụn̄ unọ un̄wam, (3) ndisịn udọn̄ nnọ asuanetop oro mîwọrọke an̄wautom aba afiak ọtọn̄ọ utom ye esop, (4) ndin̄wam obufa owo ọtọn̄ọ ndiwọrọ an̄wautom, ye (5) ndinam udọn̄ mbon oro ẹkedụkde Editi ọkọri. Bem iso diomi ndusụk ifiọkutom emi. Toro nyụn̄ sịn udọn̄ nọ kpukpru owo ete ẹsịn ifịk ke mme afan̄ emi ke ini iso.

Ikwọ 126 ye akam ediberi.

[Mme ikọ idakisọn̄]