Ndutịm Esoputom

Urua Ọtọn̄ọde July 10

Ikwọ 4

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke ufọt ọfiọn̄ July. Ke adade mme ekikere oro ẹnọde ke page 4 m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke July 15 ye Awake! eke July. Ke kiet ke otu nnamn̄wụt oro, wụt nte ẹkpebọrọde ikọ utre nneme oro “Nnyịn ima idedi mme Christian.”—Se ekpri n̄wed Nte Ẹkpetọn̄ọde, p. 11.

Min. 15: Nte Ẹtịmde Ẹnyụn̄ Ẹdade Esop Usụn̄. Utịn̄ikọ ye nneme otuowo emi ọkọn̄ọde ke Ẹtịm man Inam Uduak Jehovah, ibuot 4.

Min. 20: “Nam Ẹma Mme Anana-Mbiet Edu Jehovah.”a Sịn ibio ibio nnamn̄wụt emi asuanetop owụtde nte ẹkpedade mbụme ẹn̄wam eyen ukpepn̄kpọ Bible ekere mme akpan n̄kpọ emi ẹdude ke ekebe ndụn̄ọde ke utịt ibuot 1 ke n̄wed Bible Ekpep.

Ikwọ 88 ye akam ediberi.

Urua Ọtọn̄ọde July 17

Ikwọ 99

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Neme ibio ibio se idude ke Enyọn̄-Ukpeme eke August 15, 2000, page 32. Wụt mme ufọn edinyene ndutịm edikot Bible eke usen ke usen, idem ke ini nduọkodudu m̀mê ke mme ini efen.

Min. 15: Ima ye Nsụhọdeidem—Mme Akpan Edu Oro Ẹyomde ke Ndinam Utom Ukwọrọikọ. Utịn̄ikọ emi ọkọn̄ọde ke Enyọn̄-Ukpeme eke August 15, 2002, page 18-20, ikpehe ekikere 13-20.

Min. 20: “Kpebe Jehovah ‘Abasi Inemesịt’ Nnyịn.”b Dọhọ otuowo ẹtịn̄ se in̄wamde mmọ ẹka iso ẹkop inemesịt ẹnyụn̄ ẹnyene in̄wan̄-in̄wan̄ edu ke ini ẹkwọrọde ikọ ke efakutom mmọ.

Ikwọ 189 ye akam ediberi.

Urua Ọtọn̄ọde July 24

Ikwọ 218

Min. 15: Mme ntọt n̄kann̄kụk. Kot ntọt ibatokụk ye ikọ ekọm kaban̄a etịbe ẹkenọde. Ke adade mme ekikere oro ẹnọde ke page 4 m̀mê mme usụn̄ efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke August 1 ye Awake! eke August. Ke ẹkụrede nnamn̄wụt kiet kiet, fiak tịn̄ ntọn̄ọikọ oro ẹkedade ẹdemede enyeneufọk udọn̄.

Min. 10: “Mmọ Ẹmenịm Uwụtn̄kpọ Edinam Akpanikọ.” Utịn̄ikọ esịnede ifiọkutom ifan̄ emi ẹmịn̄de-mịn̄, oro ẹban̄ade mme akpan asiakusụn̄ mîdịghe nam ndụn̄ọde ye mme akpan asiakusụn̄ edieke ẹdude ke esop mbufo.—Se Watch Tower Publications Index ke idak “Special Pioneers.”

Min. 20: Ẹsọn̄ọ Ẹda, Ẹkûyak N̄kpọ Esịghede Mbufo. (1 Cor. 15:58) Nam ndụn̄ọde ye asuanetop mîdịghe asiakusụn̄ iba m̀mê ita oro ẹnamde akpanikọ ke ediwak isua. Mmọ ẹkesan̄a didie ẹbọ akpanikọ? Utom ukwọrọikọ eketie didie ke ini mmọ ẹketọn̄ọde? Mme n̄kpọ-ata ewe ke mmọ ẹsobo? Nso edidiọn̄ ke mmọ ẹbọ ke ntak mmọ ẹsọn̄ọde ẹda ẹnọ utuakibuot akpanikọ?

Ikwọ 12 ye akam ediberi.

Urua Ọtọn̄ọde July 31

Ikwọ 28

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke utịt ọfiọn̄ July. Siak mme n̄wed ẹnọde ke August.

Min. 15: Mme udọn̄ n̄kann̄kụk.

Min. 20: “Nyene Nti Edu, Bọ Ekese Edidiọn̄.”c Dọhọ otuowo ẹtịn̄ ukeme oro mmọ ẹsịnde ndika iso ntiene eti ndutịm eke spirit ye mme edidiọn̄ oro mmọ ẹbọde.

Ikwọ 130 ye akam ediberi.

Urua Ọtọn̄ọde August 7

Ikwọ 209

Min. 10: Mme ntọt n̄kann̄kụk. Dụn̄ọde ibio ibio nte ẹkemede ndida mme usụn̄ unyene nneme emi ẹdude ke Utom Obio Ubọn̄ Nnyịn nnam n̄kpọ ke efakutom n̄kann̄kụk.—Se Utom Obio Ubọn̄ Nnyịn eke January 2005, p. 8.

Min. 15: Mme Mbono Esop Oro Ẹdemerede Owo ẹnọ Ima ye Nti Utom. Utịn̄ikọ emi ọkọn̄ọde ke Enyọn̄-Ukpeme eke March 15, 2002, page 24-25. Sịn ibio ibio ndụn̄ọde owụtde nte asuanetop esisịnde ukeme ndidụk mbono esop kpukpru ini ye nte enye ọbọde ufọn.

Min. 20: Nam N̄kọri Nyụn̄ Nam Ukpụhọde ke Utom Ukwọrọikọ Nnyịn. Utịn̄ikọ ye nneme otuowo emi ọkọn̄ọde ke Enyọn̄-Ukpeme eke December 1, 2005, page 28-30. Ke utịn̄ikọ oro ọkọn̄ọde ke ikpehe ekikere 6-11, wụt nte Paul eketịn̄de enyịn, okpụhọrede ekekem ye idaha, onyụn̄ owụtde mbufiọk ke ndikwọrọ ikọ nnyụn̄ n̄kpep owo n̄kpọ. Ekem bụp otuowo mme mbụme ikpehe ekikere 12-14, ọdọhọde ẹda ẹbuan ye idaha n̄kann̄kụk. Dọhọ ẹnam ẹwụt nte mme asuanetop ẹkemede ndikpụhọde usụn̄ unyene nneme mmọ ke utom ukwọrọikọ, ẹkerede ẹban̄a udọn̄, idaha, ye ido mbon oro ẹdude ke efakutom n̄kann̄kụk.

Ikwọ 83 ye akam ediberi.

[Mme ikọ idakisọn̄]