Ndutịm Esoputom

Urua Ọtọn̄ọde March 10

Ikwọ 131

Min. 10: Mme ntọt n̄kann̄kụk. Ke adade mme ekikere oro ẹnọde ke page 4 m̀mê mme usụn̄ nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke March 1 ye Awake! eke March ọkọrọ ye n̄wedikot Editi.

Min. 20: Ntak Emi Ikposopde Idem Ọtọkiet-e? Utịn̄ikọ ye nneme otuowo emi ọkọn̄ọde ke Enyọn̄-Ukpeme eke May 15, 2007, page 11-13. Dọhọ otuowo ẹtịn̄ nte mmọ ẹbọde ufọn ẹto edidụk mbono esop ye nte mmọ ẹkekande mme n̄kpọ ubiọn̄ọ man ẹsidụk mbono esop kpukpru ini.

Min. 15: “Imekeme Ndinọ Jehovah N̄kpọ.”a Nte ini ayakde, dọhọ otuowo ẹtịn̄ n̄kpọ ẹban̄a mme itie N̄wed Abasi oro ẹsiakde ẹsịn.

Ikwọ 8

Urua Ọtọn̄ọde March 17

Ikwọ 144

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke ufọt ọfiọn̄ March. Ti otuowo ẹkama Enyọn̄-Ukpeme eke April 1 ye Awake! eke April ẹdi Esoputom urua en̄wen nyụn̄ dọhọ mmọ ẹtịm idem man ẹkpeneme nte ẹkpenọde mme magazine emi ke efakutom mbufo. Mme Ntọt oro ẹsatde-sat ẹto Utom Obio Ubọn̄ Nnyịn.

Min. 15: Ekebe Mbụme. Ebiowo edise aban̄a. Kot nyụn̄ neme kpukpru ikpehe ekikere.

Min. 20: “Didie ke Ikeme Ndin̄wam Mbon Oro Ẹdụkde Editi?”b Ke ini enemede ikpehe ekikere 5, nam ibio ibio wụt nte ẹkemede nditọn̄ọ ukpepn̄kpọ Bible ye esenowo emi okodụkde Editi.

Ikwọ 214

Urua Ọtọn̄ọde March 24

Ikwọ 111

Min. 10: Mme ntọt n̄kann̄kụk. Ti otuowo ẹkama ediye uduot ekpri n̄wed Usụn̄ Oro Adade Esịm Nsinsi Uwem—Nte Afo Omokụt Enye? ẹdi Esoputom urua en̄wen nyụn̄ dọhọ mmọ ẹtịm idem ẹnọ ọyọhọ ukpepn̄kpọ ition. Kot ntọt ibatokụk ye ikọ ekọm kaban̄a etịbe ẹkenọde.

Min. 15: Ben̄e Idem Ndinọ Mme Magazine eke ndondo emi. Nneme otuowo. Ke ama eketịn̄ n̄kpọ ibio ibio aban̄a Enyọn̄-Ukpeme eke April 1 ye Awake! eke April, bụp otuowo m̀mê mme ibuotikọ ewe ke mme owo ẹkeme ndima ke efakutom mbufo ye ntak emi mmọ ẹdọhọde ntre. Dọhọ otuowo ẹtịn̄ mme akpan n̄kpọ emi ẹtode mme ibuotikọ oro mmọ ẹduakde ndineme. Ewe mbụme ke ẹkeme ndida ntọn̄ọ nneme? Itie N̄wed Abasi ewe ke ibuotikọ oro ke ẹkeme ndikot? Da mme ekikere oro ẹnọde ẹban̄a efakutom mbufo nam wụt nte ẹkpenọde Enyọn̄-Ukpeme eke April 1 ye Awake! eke April.

Min. 20: Nnyịn Ibụk Eti Mbụk Eti N̄kpọ. Ke ama akada se isụhọrede ikan minit kiet etịn̄ ntọn̄ọikọ, ebiowo ọnọ utịn̄ikọ emi ọkọn̄ọde ke Enyọn̄-Ukpeme eke July 1, 2005, page 18-19, ikpehe ekikere 10-14. Dọhọ otuowo ẹtịn̄ nte etop Obio Ubọn̄ ọkọnọde mmọ ndọn̄esịt ye idotenyịn ke akpa ini oro mmọ ẹkekopde etop emi.

Ikwọ 29

Urua Ọtọn̄ọde March 31

Ikwọ 37

Min. 5: Mme ntọt n̄kann̄kụk. Ti mme asuanetop ẹnọ ibatutom an̄wautom eke utịt ọfiọn̄ March.

Min. 25: Akpanikọ Aban̄ade Mfọni, Ubre-Idiọn̄, ye Ifọt. Ebiowo edise aban̄a. Da ikpehe ekikere 1-5 ke ọyọhọ ukpepn̄kpọ ition ke ediye uduot ekpri n̄wed Usụn̄ Oro Adade Esịm Nsinsi Uwem—Nte Afo Omokụt Enye? tịn̄ ntọn̄ọikọ ke minit iba m̀mê ita. Ekem neme ikpehe ekikere 6-17 ke mbụme ye ibọrọ. Kot ikpehe ekikere 10, 11, 12, ye ekebe ke page 18, nyụn̄ nam nditọete ẹfiọk mme akpan n̄kpọ oro ẹnamde inịm akpanikọ Bible emi osiode nnyịn ke ufụn nsu Satan ye mme ukpepn̄kpọ demon.—John 8:32, 44.

Min. 15: “Ndibọp Kiet Eken Nnam Ọkọri ke Adan̄aemi Idude ke An̄wautom.”c

Ikwọ 155

Urua Ọtọn̄ọde April 7

Ikwọ 186

Min. 10: Mme ntọt n̄kann̄kụk.

Min. 20: Ntak Emi Mûyomke Ndina Baptism Kan̄a? Utịn̄ikọ oro ebiowo ọnọde emi ọkọn̄ọde ke Enyọn̄-Ukpeme eke July 1, 2006, page 29-30, ikpehe ekikere 14-17. Sịn ibio ibio ndụn̄ọde oro anamde ye asuanetop kiet m̀mê iba emi ẹkenade baptism ke uyen. Nso ikonụk mmọ ndinam akpan usio-ukot emi ke utọ ekpri usua emana oro? Didie ke baptism mmọ akan̄wam mmọ ndikọri nsịm ọyọhọ idaha ke n̄kan̄ eke spirit, emi edide ukpeme ọnọ mmọ?

Min. 15: Nte Omodomo Ndida Nnennen Nneme Ntọn̄ọ Ukpepn̄kpọ Bible? Utịn̄ikọ ye nneme otuowo emi ọkọn̄ọde ke esịne-esịt Utom Obio Ubọn̄ Nnyịn eke January 2002, page 6. Neme mme usụn̄ utọn̄ọ ukpepn̄kpọ Bible oro ẹnọde ke page oro nyụn̄ wụt nte ẹkemede ndikpụhọde enye nda ntọn̄ọ ukpepn̄kpọ Bible ke n̄wed Bible Ekpep. Ekem nanam kiet m̀mê iba wụt. Sịn udọn̄ nọ otuowo ndidomo ke nsụhọde n̄kaha ini kiet ke urua en̄wen ndida nnennen nneme ntọn̄ọ ukpepn̄kpọ Bible ke n̄wed Bible Ekpep.

Ikwọ 225

[Mme ikọ Idakisọn̄]