Da Ikpehe Intanet Nnyịn Nam Ukpepn̄kpọ Idem Fo ye Ukpepn̄kpọ Ubon
Kot Mbufa Magazine ke Intanet: Kot Enyọn̄-Ukpeme ye Ẹdemede! ke Intanet ediwak urua mbemiso ọbọde mbon oro ẹmịn̄de-mịn̄, ke esop. Kop nte ẹkotde-kot magazine.—Ka itie oro ẹwetde “Mme N̄wed/Mme Magazine.”
Kot Mme Ibuotikọ Oro Ẹdude Kpọt ke Intanet: Ndusụk ibuotikọ, utọ nte, “Eke N̄kparawa Owo,” “Ukpepn̄kpọ N̄kpri Nditọ,” “Se Ubon Ẹdidade Ẹnam Ndụn̄ọde,” ye “N̄kparawa Owo Ẹbụp,” ẹdu idahaemi ke ikpehe Intanet nnyịn kpọt. Ka Intanet kokot ndusụk ibuotikọ emi ke ini ukpepn̄kpọ idemfo ye ke ini ukpepn̄kpọ ubon.—Ka itie oro ẹwetde “Se Bible Ekpepde/Nditọwọn̄” m̀mê “Se Bible Ekpepde/Mme Uyen.”
Kot Mbufa Mbụk: Kot mme ntọt ye mme ifiọkutom oro ẹnọde nsịnudọn̄ nyụn̄ se mme vidio oro ẹwụtde nte utom nnyịn enyenede n̄kọri ke ofụri ererimbot. Mme mbụk emi ẹban̄ade mme afanikọn̄ ye ukọbọ ẹkeme ndin̄wam nnyịn isiak se nditọete nnyịn ẹsobode ke ini ibọn̄de akam iban̄a mmọ. (Jas. 5:16)—Ka itie oro ẹwetde “Mbụk.”
Da Mme N̄wed Intanet Nam Ndụn̄ọde: Edieke emi odude ke usem mbufo da kọmputa m̀mê n̄kpọ ekededi emi ẹkemede ndida ndụk Intanet kot itie N̄wed Abasi eke usen ke usen mîdịghe nam ndụn̄ọde ke ndusụk mbufa n̄wed nnyịn.—Ka itie oro ẹwetde “Mme N̄wed/Mme N̄wed ke Intanet,” mîdịghe taip www.wol.jw.org ke ufan̄ oro ẹsiwetde enyịn̄ ikpehe Intanet oro ẹyomde ndidụk.
[Ndise ke page 4]
(Ama oyom ndikụt nte enye enen̄erede etie, se n̄wed)
Domo Ndinam Emi
1 Fịk itie oro ẹwụtde ndise m̀mê itie oro ẹwetde “Sion̄o.” Enye ọyọwọrọ edi ke PDF. Mịn̄ enye nọ eyen fo ada ekpep n̄kpọ m̀mê ewet n̄kpọ ọyọhọ.
2 Fịk “Bre” man ese vidio.