Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke March

“Edinam oro ẹdinịmde ke April 14 ada nnyịn edi mi. Usen oro ke iditi n̄kpa Jesus. Ndusụk owo ẹditi n̄kpa Jesus sia mmọ ẹdade emi ke ata akpan n̄kpọ. Mbon eken idiọn̄ọke ntak emi n̄kpa Jesus edide akpan n̄kpọ ntre. Ndi emekere ke n̄kpa Jesus enyene ufọn ọnọ mi ye afo?” Bet ibọrọ. Wụt enye edem Enyọn̄-Ukpeme March 1, neme se idude ke akpa mbụme nyụn̄ kot kiet ke otu itien̄wed Abasi oro ẹsiakde ẹsịn. Nọ mme magazine nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme March 1

“Ediwak owo ẹsikere m̀mê nso inam Abasi mîtreke ufen ye ndutụhọ oro ẹdude mfịn ke ererimbot. Ndi ekere ke edi koro Abasi mîkereke iban̄a owo mîdịghe sia enemde-nem enye ndikụt mme owo ẹbọde ufen? [Bet ibọrọ. Ekem kot John 3:16.] Okposụkedi emi mme owo ẹsikotde ufan̄ikọ emi ndiwụt ke Abasi ama owo, mmọ idiọn̄ọke nte n̄kpa eyen Abasi enyenede ufọn ọnọ mmọ. Magazine emi etịn̄ nte n̄kpa Jesus edinamde ufen ye ndutụhọ ẹtre ke isọn̄.”

Ẹdemede! March–April

“Ndi afo ukereke ke mme ubon ẹsobo ekese mfịna mfịn? [Bet ibọrọ.] N̄ke Bible emi owụt nnyịn se anade mme ubon ẹnyene man mmọ ẹkeme ndidiana kiet. [Kot Mme N̄ke 24:3.] Ediwak owo ẹkụt ke Bible edi n̄wed emi anamde owo enyene ọniọn̄ oro ẹkemede ndiberi edem. Magazine emi owụt n̄wọrọnda ikpehe Intanet oro enemede n̄kpọ aban̄a Bible. Ndien ikpehe emi owụt nsio nsio n̄kpọ oro ẹkemede ndida n̄n̄wam mme ubon.”