NTE CHRISTIAN OKPODUDE UWEM
Jehovah Esin̄wam Nnyịn Iyọ Se Iwọrọde Nnyịn
Ke mme akpatre usen emi, imesisobo nsio nsio afanikọn̄. Ndusụk ini, ekeme nditie nnyịn nte mme mfịna emi ọmọn̄ ada nnyịn ibuot. Edi, edieke ikade iso ikpere Jehovah, enye ayan̄wam nnyịn iyọ ekpededi ata ikpọ mfịna emi ẹtiede nte nnyịn idikemeke ndiyọ. (Isa 43:2, 4) Nso ke ikpanam man ikpere Jehovah ke ini isobode afanikọn̄?
Sibọn̄ akam. Edieke ibọn̄de akam ke ofụri esịt inọ Jehovah, enye ayanam esịt ana nnyịn sụn̄ onyụn̄ anam ikeme ndiyọ se iwọrọde nnyịn.—Php 4:6, 7; 1Th 5:17.
Sidụk mme mbono esop. Imenen̄ede iyom mme n̄kpọ ikọ Abasi ye nti ufan idahaemi ikan akpa, ntre Jehovah esinọ nnyịn mme n̄kpọ emi ke mme mbono esop. (Heb 10:24, 25) Edieke isitịmde idem, idụkde mbono esop, inyụn̄ itienede ibuana ke se ẹnamde do, ọwọrọ imenyịme spirit Jehovah an̄wam nnyịn.—Edi 2:29.
Sitiene kwọrọ ikọ. Eyemem nnyịn utom ndisikere nti n̄kpọ edieke inamde ofụri se ikekeme man itiene ikwọrọ ikọ inọ mme owo, iyonyụn̄ inen̄ede ikpere Jehovah ye nditọete nnyịn.—1Co 3:5-10.
ẸSE VIDIO ORO JEHOVAH EYEMEN FI AKAMA, EKEM ẸBỌRỌ MME MBỤME EMI:
Nso ikan̄wam Malu aka iso ekpere Jehovah kpa ye se ikọwọrọde enye?
Ukem nte Malu, didie ke Psalm 34:18 ekeme ndin̄wam nnyịn iyọ se iwọrọde nnyịn?
Didie ke mbụk Malu owụt ke Jehovah esinọ nnyịn “odudu eke ebede ukeme owo” man ikeme ndiyọ se iwọrọde nnyịn?—2Co 4:7