Mme N̄wed Emi Ẹsiakde ke N̄wed Mbono Esop Uwem ye Utom Nnyịn
© 2025 Watch Tower Bible and Tract Society of Pennsylvania
JULY 7-13
MME AKPAN N̄KPỌ KE IKỌ ABASI MME N̄KE 21
Nti Item Emi Ẹdinamde Ndọ Enem
Didie ke Afo Ekeme Ndinam Nti Ubiere?
Ubiere oro ẹnamde ke ibụmede ẹkeme mmemmem mmemmem ndikabade ndi ubiere oro mîwụtke eti ibuot. Mme N̄ke 21:5 ọdọhọ ete: “Ekikere mme ọsọp-ubọk ẹkọ uwak ikpọn̄-ikpọn̄: edi kpukpru owo ibụmede ẹkọ unana ikpọn̄-ikpọn̄.” Ke uwụtn̄kpọ, mme uyen oro ẹduọde ẹdụk nnan nnan ima ẹkpenyene ndida ini nnam ndụn̄ọde mbemiso ẹbierede ndidọ ndọ. Mîdịghe ntre, mmọ ẹkeme ndikụt akpanikọ oro esịnede ke se William Congreve, ewetmbre owo England eke ntọn̄ọ ntọn̄ọ ọyọhọ isua ikie 18 ọkọdọhọde, ete: “Edieke ibụmerede idụk ndọ, nnyịn imekeme nditua n̄kpọfiọk ke ima ikosụhọde itie.”
Kûkere Uban̄a Idemfo Ukan Nte Ekpekerede
3 Jehovah oyom ebe ye n̄wan ẹkop inem ndọ mmọ. Edi sia mîdụhe eke ọfọnde ama, mmọ ẹkeme ndisitọhọ. Paul ama akam ewet ke mbon emi ẹdọde ndọ ẹyekụt ndusụk ukụt. (1 Cor. 7:28) Ndusụk ebe ye n̄wan ẹsifafan̄a n̄kpọ kpukpru ini, mmọ ẹnyụn̄ ẹkeme ndidọhọ ke idịghe owo emi mmimọ ikpọkọdọde edi oro. Edieke mmọ ẹkerede n̄kpọ nte mbon ererimbot, mmọ ẹkeme ndisọsọp n̄kere ke akpana idian̄ade ndọ. Mmọ ẹdikere ke se idide akpan n̄kpọ ikan edi ndinam se ifọnde ye idem mmimọ.
4 Kûyak ndọ fo odorode fi. Imọdiọn̄ọ ke n̄kukụre n̄kpọ emi Bible enyịmede owo ada osio ndọ edi use. (Matt. 5:32) Ntre ima isobo ukụt emi Paul eketịn̄de aban̄a, inaha iyak ntan̄idem anam itọn̄ọ ndikere: ‘Enye ikereke iban̄a mi. Enye imaha mi nte akpanade ama. Ekeme ndidi esịt ekpenem mi akan emi n̄kpọdọ owo efen.’ Ikpekere n̄kpọ ntem, ọwọrọ ikere iban̄a idem nnyịn kpọt, ikereke iban̄a n̄wan m̀mê ebe nnyịn. Ọniọn̄ ererimbot emi edidọhọ fi anam se esịt fo ọdọhọde ye se idinamde esịt enem fi, ekpededi oro ọwọrọ ndidian̄ade ndọ fo. Edi ọniọn̄ Abasi ọdọhọ yak afo ‘okûse uban̄a mbubehe fo kpọt, edi ese aban̄a mbubehe mbon en̄wen n̄ko.’ (Phil. 2:4) Jehovah oyom fi anam n̄kpọ man ndọ fo aka iso ọfọn, iyomke fi asuan ndọ fo. (Matt. 19:6) Enye oyom fi ebem iso ekere aban̄a imọ, idịghe idemfo.
5 Akpana ebe ye n̄wan ẹma ẹnyụn̄ ẹkpono kiet eken. (Kot Ephesus 5:33.) Bible ekpep nnyịn ndima ndinọnọ owo n̄kpọ utu ke ndibọbọ. (Utom 20:35) Ewe edu idin̄wam ebe ye n̄wan ẹma ẹnyụn̄ ẹkpono kiet eken? Nsụhọdeidem edin̄wam. Ebe m̀mê n̄wan emi osụhọrede idem idiyomke ufọn idemesie, edi ediyom ufọn owo enye eken.—1 Cor. 10:24.
“Dara N̄wan Uyen Fo”
13 Nso edieke mfịna odude ke ndọ etiene nte nsan̄a ndọ ẹnamde n̄kpọ ye kiet eken? Oyoyom ẹsịn ukeme man ẹfiọk nte ẹkpekọkde mfịna oro. Ke uwụtn̄kpọ, ekeme ndidi idiọk ikọinua ọnyọni odụk ndọ. (Mme N̄ke 12:18) Nte ẹkenemede ke ibuotikọ oro ekebemde iso, emi ekeme ndinyene ata ndiọi utịp. N̄ke kiet ke Bible ọdọhọ ete: “Ndidụn̄ ke esịt ikọt ọfọn akan ndidụn̄ ye n̄wan utọk ye iyatesịt.” (Mme N̄ke 21:19) Edieke utọ mfịna oro odude ke ndọ mbufo, oyom afo n̄wanndọ obụp idemfo, ‘Nte usụn̄ oro nsinamde n̄kpọ esinam ọsọn̄ ebe mi ndidu ye ami ke ufọk?’ Bible ọdọhọ mme ebe ete: “Ẹka iso ẹma iban mbufo, ẹkûnyụn̄ ẹnen̄ede ẹyat esịt ye mmọ.” (Colossae 3:19) Edieke afo edide ebe, bụp idemfo ete, ‘Nte nsitie ndebe ndebe ye n̄wan mi, anamde enye oyom ebiet oro enye edikopde inemesịt?’ Ke akpanikọ, idụhe se ikpanamde owo esịn efịbe. Edi, sia utọ n̄kpọ mmọn̄eyet emi ekemede nditịbe, ọfọn ẹsineme mme mfịna ndọ in̄wan̄-in̄wan̄.
Yom N̄kpọ-Uto ke Ikọ Abasi
N̄kukụt Aban̄ade Obio Ubọn̄ Abasi Osu
9 Sia mîdịghe aba owo emi awatde ke ass, Jesus edi okopodudu Edidem idahaemi. Ẹdọhọ ke enye awat horse m̀mê enan̄-mbakara—kpa n̄kpọ emi adade aban̄a ekọn̄ ke Bible. (Mme N̄ke 21:31) Ediyarade 6:2 ọdọhọ ete: “Ndien n̄kụt, ndien sese, afia enan̄-mbakara; andidoro enye ke edem onyụn̄ enyene utịgha; ẹnyụn̄ ẹnọ enye anyanya; ndien enye ọwọrọ edikan, onyụn̄ ọdọdiọn̄ akan.” Akan oro, David, andiwet psalm ekewet ntem aban̄a Jesus: “Jehovah eyetie ke Zion ọnọ esan̄ odudu fo esọk fi: da ubọn̄ ke otu mme asua fo.”—Psalm 110:2.
JULY 14-20
MME AKPAN N̄KPỌ KE IKỌ ABASI MME N̄KE 22
Nti Item Ndida Mbọk Nditọ
Ndi Nditọ Fo Ẹyenam N̄kpọ Jehovah Mmọ Ẹma Ẹkpon Owo?
7 Ekpedi ẹmedọ ndọ ẹnyụn̄ ẹma ndinyene nditọ, ẹbụp idem mbufo ẹte: ‘Ndi imosụhọde idem, ima Jehovah, inyụn̄ ima Bible? Edieke Jehovah okpoyomde ndimek owo emi enye ediyakde nsekeyen emi enye amade inọ yak akama, ndi enye ekpemek nnyịn?’ (Ps. 127:3, 4) Ekpedi emenyenyene eyen, bụp idemfo ete: ‘Ndi mmekpep nditọ mi ke ifu ifọnke?’ (Eccl. 3:12, 13) ‘Ndi mmanam kpukpru se n̄kekeme n̄kpeme nditọ mi mbak ndiọi owo ye mme oburobụt n̄kpọ ererimbot Satan emi mmọ ẹkemede ndisobo ẹdibiat mmọ?’ (N̄ke 22:3) Udûkemeke ndikpan kpukpru mfịna ndisịm nditọ fo. Idụhe owo ndomokiet emi ekemede ndinam utọ n̄kpọ oro. Edi emekeme ndikpep mmọ ndidi mmọ ẹma ẹnyene mfịna mmọ ẹnam se Bible etịn̄de. Nam emi ke usụn̄ emi owụtde ke amama mmọ. Nte afo edisan̄ade etịm mmọ idem sụn̄sụn̄ sụn̄sụn̄ eben̄e mfịna ererimbot emi edi oro. (Kot Mme N̄ke 2:1-6.) Yak idọhọ ke iman fo etre ndinam n̄kpọ Jehovah, da ifet oro da Ikọ Abasi wụt eyen fo ntak edide akpan n̄kpọ owo ndisọn̄ọ nda nnam n̄kpọ Jehovah. (Ps. 31:23) Mîdịghe ekpedi owo ke ubon mbufo akpa, wụt eyen fo nte enye akpadade Bible ọdọn̄ idemesie esịt onyụn̄ enyene emem.—2 Cor. 1:3, 4; 2 Tim. 3:16.
Mme Ete ye Eka—Ẹkpep Nditọ Mbufo Ẹma Jehovah
17 Babak tọn̄ọ kpep nditọ fo n̄kpọ. Mme ete ye eka ndibak ntọn̄ọ n̄kpep nditọ mmọ n̄kpọ ọfọn akan. (N̄ke 22:6) Uwụtn̄kpọ kiet edi Timothy emi ekedide okokpon owo, enye esidisan̄a ye apostle Paul ọkwọrọ ikọ. Eunice eka Timothy ye Lois eka eka esie ẹkekpep enye n̄kpọ “toto ke nsek.”—2 Tim. 1:5; 3:15.
18 Jean-Claude ye Peace an̄wan esie emi ẹdude ke Côte d’Ivoire ẹma ẹkeme ndibọk kpukpru nditọ mmọ mbitiokiet ẹdima Jehovah ẹnyụn̄ ẹnam n̄kpọ esie. Nso ikan̄wam mmọ? Mmọ ẹkekpebe Eunice ye Lois. Mmọ ẹdọhọ ẹte: “Ima idọdiọn̄ ikpep nditọ nnyịn Ikọ Abasi toto ke ini mmọ ẹdide nsek; ikọtọn̄ọ esisịt ini ke mmọ ẹmanade.”—Deut. 6:6, 7.
19 Nso ke “ndidọdiọn̄ n̄kpep” nditọ fo Ikọ Jehovah ọwọrọ? “Ndidọdiọn̄ n̄kpep” ọwọrọ nditịn̄ n̄kpọ mfiak ntịn̄ m̀mê nditeme ndien ndien man n̄kpọ oro odụk owo esịt. Man mme ete ye eka ẹnam emi, ana mmọ ẹsiwak ndisio ini ndu ye nditọ mmọ. Ndusụk ini ekeme ndikak mme ete ye eka ndifiak ndọhọ nditọ mmọ n̄kpọ emi mmọ ẹma ẹketetịn̄ ye mmọ ediwak ini. Edi akpana mmọ ẹdomo ndida oro nte ifet ndinam Ikọ Abasi an̄wan̄a nditọ mmọ nnyụn̄ n̄n̄wam mmọ ẹnam se mmọ ẹkpepde.
Kpep Eyen Fo Anam N̄kpọ Jehovah Akpa Ikpehe
6 Nditụnọ nditọ fo owụt ke amama mmọ. Ndusụk ini, n̄kukụre se oyomde anam edi nditịn̄ nnọ nditọ fo ntak emi ọdọhọde ke n̄kpọ ọfọn m̀mê ọdiọk. Edi idịghe kpukpru ini ke eyen fo edima ndinam se ọdọhọde enye anam. (N̄ke 22:15) Edieke emi etịbede, nam se Jesus akanamde. Yom ini ye ebiet oro ọfọnde tụnọ enye. Ekeme ndiyom eteme enye se enye akpakanamde, ọnọ enye ukpep, m̀mê enen̄ede enye, edi kûnam ke iyatesịt. Eyenete an̄wan emi ekerede Elaine onyụn̄ odụn̄de ke South Africa ọdọhọ ete: “Ete ye eka mi ẹma ẹsitụnọ mi ini ekededi oro nnamde se mîfọnke. Edieke enyenede n̄kpọ oro mmọ ẹdọhọde ke n̄kpanam ke mmimọ iyọnọ mi ufen, mmọ ẹsinọ mi ufen edieke nnamde n̄kpọ oro. Edi akanam mmọ itụnọke mi ke iyatesịt, ẹma ẹsinyụn̄ ẹtịn̄ ntak oro mmọ ẹtụnọde mi. Emi ama anam nnen̄ede n̄kpere mmọ. Mma ndiọn̄ọ mme n̄kpọ oro mmọ ẹyomde nnam ye mme n̄kpọ oro mmọ mîyomke nnam.”
Yom N̄kpọ-Uto ke Ikọ Abasi
Dat Esịt ke Se Anamde Idahaemi
11 Ukem nte ofụn emi ẹkenọde talent iba do, nnyịn n̄ko ikpesịn idem inam se ededi emi ẹnọde nnyịn ke esop, esịt eyenen̄ede adat nnyịn. Nen̄ede sịn idem kwọrọ ikọ nyụn̄ tiene sịn idem nam n̄kpọ ke esop. (Utom 18:5; Heb. 10:24, 25) Sitịm idem ka mbono esop man se ọbọrọde ọsọn̄ọ nditọete idem. Se ededi emi ẹkpenọde fi anam ke mbono esop ufọturua, sịn idem nam ọfọn. Ekpedi enyene akpan utom emi ẹnọde fi anam ke esop, sibak ka kanam; kûdi mfịn afo anam, n̄kpọn̄ unamke. Kûda utom ekededi nte edi ekpri utom, ke idịghe se adade ini anam. Kam sịn idem kpep utom oro man enen̄ede ọdiọn̄ọ ndinam. (N̄ke 22:29) Ama enen̄ede esịn idem anam n̄kpọ Jehovah, eyenen̄ede ekpere enye, oyonyụn̄ enen̄ede okop idatesịt. (Gal. 6:4) Oyonyụn̄ enen̄ede emem fi utom ndinem esịt ye mbon en̄wen ẹma ẹnọ mmọ utom emi afo okoyomde-yom.—Rome 12:15; Gal. 5:26.
JULY 21-27
MME AKPAN N̄KPỌ KE IKỌ ABASI MME N̄KE 23
Nti Item Emi Ẹdin̄wamde Fi Ọdiọn̄ọ Nte Akpadade Ọkpọsọn̄ Mmịn
Nyene Ekikere Adade Ukem Ukem Kaban̄a Edin̄wọn̄ Ọkpọsọn̄ Mmịn
5 Edi nso edieke owo ọn̄wọn̄de ọkpọsọn̄ mmịn edi iyakke esịm udomo oro mbon en̄wen ẹfiọkde ke enye akpa mmịn? Owo isifiọkke ke ndusụk owo ẹkpa mmịn idem ke ẹma ẹken̄wọn̄ ata ediwak mmịn. Nte ededi, ndikere ke utọ edinam oro inọhọ owo unan edi edibian̄a idem. (Jeremiah 17:9) Sụn̄sụn̄, mmịn ekeme ndimehe owo tutu enye ‘ayak mmịn akan enye ubọk.’ (Titus 2:3) Kop se Caroline Knapp, emi edide ewet n̄wed, etịn̄de aban̄a nte owo esikabarede edi owo mmịn: “Emi esitọn̄ọ sụn̄sụn̄ ke n̄kari n̄kari usụn̄ oro ọsọn̄de ndifiọk.” Nso enyene-ndịk afia ke edin̄wọn̄ ọkpọsọn̄ mmịn mbe ubọk edi ntem!
6 Kere n̄ko ban̄a item Jesus emi: “Ẹkpeme idem mbufo, mbak uyụhọ udia ye mmịn ye ekikere uwem emi edinam esịt mbufo odobi, ndien usen oro edibuat mbufo nte ekpọ; koro usen oro eyesịm kpukpru mmọ emi ẹdụn̄de ke iso isọn̄.” (Luke 21:34, 35) Idịghe tutu owo akpakpa mmịn mbemiso mmịn anam enye etie idap idap m̀mê ifem ifem—ke ata ata usụn̄ ye ke n̄kan̄ eke spirit. Nso ikpetịbe inọ owo edieke usen Jehovah ekpesịmde enye ke utọ idaha oro?
Abasi Ese Didie Mmịn?
Ndin̄wọn̄ mmịn mbe ubọk ekeme ndinam owo anana mfara ke idem. N̄wed Abasi odụri owo utọn̄ ete: “Wine ye obufa wine ẹda [owo] esịt.” (Hosea 4:11) Asan̄a didie edi ntre? Enyịn mmịn ekeme ndinam owo ọtọn̄ọ ndima ndiọi ekikere ye ndiọi udọn̄ emi enye mîsimaha. Ekeme ndinam nnyịn inyeneke aba iwụk ndinam se inende nte ikenyenede. Mmịn ekeme ndinam nnyịn inyeneke aba mfara ke idem, inyụn̄ iyakke idi aba ufan Abasi.
Ke uwụtn̄kpọ, John ama eneni eneni ye n̄wan esie onyụn̄ ayat esịt ọwọrọ aka itie un̄wọn̄n̄kpọ. Enye ama ọn̄wọn̄wọn̄ ekpeme mmịn ifan̄ ndida nsụk esịt ke ini emi n̄wan kiet ekedide ebịne enye. Ke enye ama akafiak ọn̄wọn̄ ekpeme ifan̄ en̄wen, enye ama asan̄a ye n̄wan oro ekesịn efịbe. Ke enyịn ama akan̄wan̄a enye, enye ama enen̄ede atua n̄kpọfiọk ndinam n̄kpọ emi enye mîkpekereke-kere ndinam edieke mmịn mîkpanamke enye anana mfara ke idem.
Ndin̄wọn̄ mmịn mbe ubọk ekeme ndinam owo etịn̄ ikọ onyụn̄ anam n̄kpọ ntịme ntịme. Bible obụp ete: “Anie esinyene mfịna kpukpru ini? Anie esineni eneni onyụn̄ an̄wana en̄wan? Kpukpru owo emi ẹtiede ẹbịghi, ẹnyụn̄ ẹfiakde ẹn̄wọn̄ ekpeme kiet en̄wen kpọt.” (Mme N̄ke 23:29, 30, Contemporary English Version) Ndin̄wọn̄ mmịn mbe ubọk ekeme ndinam ‘etie nte ke owo ana ke ufọt inyan̄, ye nte ke owo ana ke enyọn̄ ito ubom.’ (Mme N̄ke 23:34) Owo emi ọn̄wọn̄de mmịn ebe ubọk ekeme ndidemede ndikụt “unan ke ofụri idem esie, edi ikam ifiọkke nte akasan̄ade.”—Mme N̄ke 23:35, CEV.
Ndin̄wọn̄ mmịn mbe ubọk ekeme ndinọ owo udọn̄ọ. “Ke akpatre ke [mmịn] edidom nte urụkikọt, onyụn̄ atịgha nte ibọm.” (Mme N̄ke 23:32) Ifiọk ibọkusọbọ ọsọn̄ọ ke n̄ke eset emi edi ikọ ọniọn̄. Ndisin̄wọn̄ mmịn awak akaha ekeme ndinọ owo nsio nsio udọn̄ọ kansa, udọn̄ọ edidiana ekpa, esisịt suka ke iyịp mbon oro ẹdọn̄ọde ikịm an̄wan n̄kụhọ, akpauben̄, m̀mê udọn̄ọ esịt—ke ndisiak ibat ibat mfịna. Idem edin̄wọn̄ mmịn mbe ubọk ini kiet kpọt ekeme ndinam owo osụhọ mîdịghe owot owo. Edi idịghe ata ata udọn̄ọ edi akakan mfịna edin̄wọn̄ mmịn mbe ubọk.
Akakan mfịna edin̄wọn̄ mmịn mbe ubọk. Idem edieke owo mîkpaha mmịn, edin̄wọn̄ mmịn n̄kaha ekeme ndibiat ufan owo ye Abasi. Bible etịn̄ in̄wan̄-in̄wan̄ ete: “Ifọnke fọn inọ mmọ eke ẹbakde ẹdaha ke usenubọk ẹbịne mmịn: ẹbịghi ke okoneyo, wine obụbede mmọ ibuot!” Ntak-a? Isaiah etịn̄ nte edin̄wọn̄ mmịn mbe ubọk abiatde ufan owo ye Abasi, ete: “Mmọ itịn̄ke enyịn ke utom Jehovah, inyụn̄ isehe se ubọk esie ẹnamde.”—Isaiah 5:11, 12.
Yom N̄kpọ-Uto ke Ikọ Abasi
Mme Mbụme Ẹtode Mme Andikot
Ke uwụtn̄kpọ, edikpon ubom n̄kaha ekeme ndidi idiọn̄ọ uma udia, edi idịghe kpukpru ubom edi ntre. Udọn̄ọ ekeme ndinam owo okpon ubom akaha. Owo ekeme ndidada ubom mmana. Nnyịn inyene nditi n̄ko ke ubom etiene idem owo, ke adan̄aemi uma udia otode ekikere owo. Ẹkabade edikpon ubom n̄kaha nte “ikpọn̄ ndiwak owo ke idem n̄kaha,” ke adan̄aemi uma udia edide “edidia udia ke idiọkitọn̄ m̀mê ke en̄weme.” Ke ntem, idịghe idaha idem owo ke ẹda ẹbiere uma udia edi ẹda ekikere owo kaban̄a udia ẹbiere. Owo ekeme ndinyene ukeuke idem mîdịghe akam ekeme ndinyene esan̄ esan̄ idem, edi edi ama udia. N̄ko-n̄ko, se ẹdade nte nnennen idaha idem owo okpụhọde ke nsio nsio ebiet.
JULY 28–AUGUST 3
MME AKPAN N̄KPỌ KE IKỌ ABASI MME N̄KE 24
Nam Se Idin̄wamde Fi Ọyọ Afanikọn̄ Ama Edi
“Ẹsọn̄ọ Ẹda, Ẹkûyak N̄kpọ Esehede Mbufo”
15 Kpep Ikọ Abasi nyụn̄ tie kere se ekpepde. Eto emi orụn̄ esie enen̄erede ọdọn̄ n̄kam ke isọn̄ isiduọhọ. Edieke Ikọ Abasi omụmde nnyịn akama yak ọsọn̄, iyenen̄ede ibuọt idem ye Abasi. Nte eto okponde aka, ntre ke orụn̄ esie enen̄ede odụk esịt isọn̄ onyụn̄ atara. Ima ikpep Ikọ Abasi inyụn̄ itie ikere se ikpepde, iyetetịm ibuọt idem ye Abasi, inyụn̄ inen̄ede inịm ke nte enye ọdọhọde inam n̄kpọ ọfọn akan. (Col. 2:6, 7) Kere nte ibet emi Jehovah ọkọnọde ikọt esie ke eset, nte enye akadade mmọ usụn̄, ye nte enye ekekpemede mmọ akan̄wamde mmọ. Ke uwụtn̄kpọ, ini angel osụk odomode mme n̄kpọ ke temple ke n̄kukụt emi Ezekiel okokụtde, enye ama enen̄ede etịn̄ enyịn ke se angel oro akanamde. N̄kukụt oro ama ọsọn̄ọ Ezekiel idem. N̄kukụt oro onyụn̄ ekpep nnyịn nsio nsio n̄kpọ emi ikemede ndinam n̄wụt ke ituak ibuot inọ Jehovah ke usụn̄ emi enye oyomde. (Ezek. 40:1-4; 43:10-12) Edieke isisiode ini ikpep Ikọ Abasi inyụn̄ itie ikere mme n̄kpọ emi mîdịghe kwe-kwe-kwe n̄kpọ ke Ikọ Abasi, nnyịn n̄ko iyadia ufọn.
Ka Iso Kop Idatesịt ke Eyo Afanikọn̄ Emi
12 Mme N̄ke 24:10 ọdọhọ ete: “Esịt ama ọduọ fi ke usen ukụt, odudu fo akabade ekpri.” N̄ke en̄wen ke Bible ọdọhọ ete: “Mfụhọ obụn̄ spirit owo.” (N̄ke 15:13) Esịt esiduọ ndusụk Christian tutu mmọ ẹtre ndikot Bible nnyụn̄ ntie n̄kere se ẹkotde. Akam mmọ ẹsitọn̄ọ nditie eto eto, mmọ ẹnyụn̄ ẹkeme nditọn̄ọ ndidian̄ade ntie ke idemmọ, idianke aba idem ye nditọete eken. Omokụt do ke ndikop iduọesịt mbịghi akam ekeme ndiwot owo.—N̄ke 18:1, 14.
13 Ndifiọk ke itọn̄ ama odu uwem, ọkọn̄ọ n̄kwa ayanam iwụk ekikere nnyịn ke mme n̄kpọ oro ẹkemede ndinọ nnyịn idatesịt. David ekewet ete: “Mmama ndinam se afo amade, O Abasi mi, mbet fo ẹnyụn̄ ẹdu mi ke esịt.” (Ps. 40:8) Ikpanaha idedei itre ndikpono Abasi ke ini afanikọn̄. Ke akpanikọ, se ikemede ndinam owo akan mfụhọ edi ndika iso nnam se isinọde enye inemesịt. Jehovah ọdọhọ ke ndikot Ikọ imọ nnyụn̄ ndụn̄ọde enye kpukpru ini ayanam ikop idatesịt. (Ps. 1:1, 2; Jas. 1:25) Imesikot ‘ndinem ikọ’ emi ẹkemede ndinọ nnyịn nsịnudọn̄ nnyụn̄ nnam esịt adat nnyịn ke Edisana N̄wed Abasi, inyụn̄ ikokop ke ini idụkde mme mbono esop.—N̄ke 12:25; 16:24.
Mme Mbụme Oro Mme Andikot Ẹbụpde
Mme N̄ke 24:16 ọdọhọ ke “edinen owo ekeme ndiduọ utịm ikatiaba, onyụn̄ adaha ada.” Ndi itien̄wed emi etịn̄ aban̄a owo emi anamde idiọkn̄kpọ kwa ini kwa ini, edi Abasi osụk efen enye?
Idịghe se itie N̄wed Abasi oro etịn̄de edi oro. Itien̄wed oro etịn̄ aban̄a owo emi osobode afanikọn̄ kwa ini kwa ini. Enye ndisọn̄ọ nda tutu afanikọn̄ oro okụre owụt ke enye adaha ada.
Kpukpru se itịn̄de emi owụt ke Mme N̄ke 24:16 itịn̄ke iban̄a owo ndiduọ nnyịne ke idiọkn̄kpọ, edi etịn̄ aban̄a ndinyene mfịna, ekpededi edi enye emi okụre, efen adiana. Edinen owo ekeme ndidọn̄ọ, mîdịghe enyene mme mfịna efen ke idiọk ererimbot emi. Ukara ẹkam ẹkeme ndikọbọ enye ke ntak emi enye ọsọn̄ọde ada ye Jehovah. Edi enye ekeme ndinịm ke Abasi do ye imọ, ke enye ayan̄wam imọ iyọ tutu mfịna oro ebe. Ntre bụp idemfo ete: ‘Ndi nsiwakke ndikụt nte n̄kpọ ọwọn̄ọrede obono ke ufọn ikọt Abasi?’ Nso isinam edi ntre? Bible anam idiọn̄ọ ke ‘Jehovah esin̄wam kpukpru mmọ eke ẹduọn̄ọde, onyụn̄ emenede kpukpru mmọ eke ẹnụhọde.’—Ps. 41:1-3; 145:14-19.
Yom N̄kpọ-Uto ke Ikọ Abasi
Mme Mbụme Ẹtode Mme Andikot
Ke eyo Bible, edieke akparawa okoyomde nditọn̄ọ ubon, akana enye obụp idemesie ete: ‘Ndi mmeben̄e idem ndise mban̄a n̄wan mi ye nditọ oro idinyenede?’ Akana enye enyene ubọkutom, n̄kpọ nte utọin̄wan̄, mbemiso enye akade ọkọdọ n̄wan obon nditọ. Today’s English Version akabade itie N̄wed Abasi emi ntem: “Kûbọp ufọk unyụn̄ udọ n̄wan ubon nditọ tutu afo ọtọ in̄wan̄ fo ama, onyụn̄ ọfiọk ke eyenyene se adiade.” Ndi item emi ke enyenyene ufọn mfịn?
Enyene. Owo ekededi oro oyomde ndidọ n̄wan akpana enen̄ede eben̄e idem ndise mban̄a ubon esie. Ana enye anam utom edieke idem esie ọsọn̄de. Edi, idịghe okụk kpọt ke ẹsida ẹse ẹban̄a ubon. Ikọ Abasi ọdọhọ ke edieke owo mînọhọ ubon esie n̄kpọ eke obụk ye eke spirit, ke enye ọdiọk akan owo emi mînịmke ke akpanikọ! (1 Tim. 5:8) Ntre, akparawa emi oyomde ndidọ n̄wan mbon nditọ ekpenyene ndibụp idemesie ete: ‘Ndi mmenyene okụk ndida nse mban̄a ubon mi? Ndi nyekeme ndin̄wam ubon mi ẹtuak ibuot ẹnọ Abasi? Ndi nyekeme ndinịm ukpepn̄kpọ ubon kpukpru ini?’ Ikọ Abasi ọdọhọ ke emi edi ata akpan n̄kpọ oro anade ebe anam.—Deut. 6:6-8; Eph. 6:4.
Ntre, akparawa emi oyomde ndidọ n̄wan ekpenyene ndinen̄ede ntie n̄kere se idude ke Mme N̄ke 24:27. N̄kaiferi n̄ko ekpenyene ndibụp idemesie m̀mê imenen̄ede iben̄e idem ndidi n̄wanndọ ye eka nditọ. Mbon oro ẹdọde ndọ obufa emi ẹyomde ndinyene nditọ, ye mbon oro ẹyomde ndidọ ndọ ẹkpenyene ndibụp idemmọ ukem mbụme emi. (Luke 14:28) Ndinam item N̄wed Abasi emi ekeme ndisio ikọt Abasi ke ediwak afanikọn̄ onyụn̄ anam mmọ ẹkop inem ndọ mmọ.
AUGUST 4-10
MME AKPAN N̄KPỌ KE IKỌ ABASI MME N̄KE 25
Nti Item Emi Ẹdin̄wamde Nnyịn Idiọn̄ọ Nte Itịn̄de Ikọ
Yak Ikọ Fo Enyene Inem
6 Mme N̄ke 25:11 owụt ke ọfọn idiọn̄ọ nnennen ini oro ikpetịn̄de ikọ. Itien̄wed oro ọdọhọ ete: “Ikọ eke ẹtịn̄de ke nnennen ini ebiet apple gold ke usan silver.” Apple gold esiye, edi enye esinen̄ede eye ke ini ẹsịnde ke usan silver. Kpasụk ntre, edieke imekde nnennen ini oro ikpetịn̄de ikọ, mme owo ẹyenen̄ede ẹma ndikpan̄ utọn̄ n̄kop ikọ nnyịn, se itịn̄de oyonyụn̄ enyene ufọn ọnọ mmọ. Ntak emi idọhọde ntre?
7 Edieke nnyịn mîdiọn̄ọke nnennen ini oro ikpetịn̄de ikọ, idem ọkpọkọm itịn̄ ikọ oro ekemede ndin̄wam mme owo, mmọ idimaha ndikpan̄ utọn̄. (Kot Mme N̄ke 15:23.) Ke uwụtn̄kpọ, ke March 2011, unyekisọn̄ ye akwa mbufịt inyan̄ibom ẹma ẹbiat kpukpru n̄kpọ ke mme obio oro ẹdude ke edem usiahautịn Japan, ẹnyụn̄ ẹwot se ibede owo 15,000. Kpa ye oro se iketịbede emi akanamde Mme Ntiense Jehovah ẹtiene ẹbọ ufen, mmọ ẹma ẹda ifet oro ẹdọn̄ mbọhọidụn̄ mmọ esịt. Ediwak mbon Japan ẹdi mbon Buddha, inyụn̄ ifiọkke se Bible ekpepde. Ntre, nditọete nnyịn ẹma ẹkụt ke idịghe nnennen ini ekedi oro nditịn̄ mban̄a ediset ke n̄kpa nnọ mbon oro ẹkenen̄erede ẹfụhọ do. Utu ke nditịn̄ mban̄a ediset ke n̄kpa, mmọ ẹma ẹda Bible ẹwụt mmọ ntak emi utọ ndiọi n̄kpọ oro ẹsitịbede mfịn.
Yak Ikọ Fo Enyene Inem
15 Enen̄ede ọfọn ikere n̄ko iban̄a nte isitịn̄de ikọ ye mme owo. Ke ini Jesus ọkọkwọrọde ikọ ke synagogue ke Nazareth emi ekedide obio emana esie, ‘idem ama akpa mme owo ndikop ndinem ikọ emi ẹkewọn̄ọde enye ke inua.’ (Luke 4:22) Edieke itịn̄de ndinem ikọ, mme owo ẹkeme ndikpan̄ utọn̄ nnọ nnyịn, se itịn̄de onyụn̄ ekeme ndinyene ufọn nnọ mmọ. (N̄ke 25:15) Nnyịn imekeme ndikpebe Jesus ke nditịn̄ ikọ emi mîbiakke owo, emi onyụn̄ owụtde ke imokpono mmọ. Ke ini Jesus okokụtde nte mme owo ẹkenen̄erede ẹyom ndikop se enye etịn̄de, mbọm mmọ ama anam enye, enye ama onyụn̄ “ọtọn̄ọ ndikpep mmọ ediwak n̄kpọ.” (Mark 6:34) Jesus ikosụn̄ike owo idem ke ini ẹkesụn̄ide enye.—1 Pet. 2:23.
16 Ndusụk ini, nnyịn isitịn̄ke ikọ ukpono ukpono m̀mê nditịn̄ ikọ ye usọ ye mbon oro inen̄erede imehe, utọ nte mbonubon nnyịn m̀mê mme ufan nnyịn ke esop. Nnyịn isikere ke sia inen̄erede imehe ye mmọ, ke imekeme nditịn̄ ikọ nte imama ye mmọ. Ndi Jesus ama esitịn̄ ikọ nte enye amama ye mme mbet esie, ke ntak emi mmọ ẹkenen̄erede ẹmehe? Baba! Ke ini mme apostle esie ẹkekade iso ndineni m̀mê anie okpon akan ke otu mmimọ, Jesus ama enen̄ede mmọ sụn̄sụn̄ onyụn̄ ada ekpri eyenọwọn̄ ọnọ mmọ uwụtn̄kpọ. (Mark 9:33-37) Mbiowo ẹkeme ndikpebe Jesus ke ndida “ifụre ifụre ido” nnen̄ede owo.—Gal. 6:1.
“Ẹdọdiọn̄” Ẹsọn̄ọ Kiet Eken Idem
10 Ndisọn̄ọ owo idem idịghe utom mbiowo kpọt. Paul eketeme kpukpru nditọete ete “ẹtịn̄ se ededi oro ọfọnde ndida mbọp owo nte ekemde ye idaha kiet kiet, man ada ufọn ọsọk mme andikop.” (Eph. 4:29) Akpana kpukpru nnyịn isiyom usụn̄ ifiọk nte n̄kpọ etiede ye nditọete nnyịn, inyụn̄ ikere se ikpanamde in̄wam mmọ. Paul ọkọdọhọ mme Jew emi ẹkedide mme Christian ete: “Ẹsọn̄ọ ubọk eke ẹmemde ye edọn̄ eke ẹnyekde, ẹnyụn̄ ẹka iso ẹsiak afan̄ eke enende ẹnọ ikpat mbufo, mbak ukot eke ememde edifebede, edi utu ke oro man ẹkọk enye.” (Heb. 12:12, 13) Kpukpru nnyịn imekeme nditịn̄ nti ikọ nsọn̄ọ kiet eken idem edide idi ikpọ owo m̀mê nditọwọn̄.
Yom N̄kpọ-Uto ke Ikọ Abasi
Nditie Ifụre Ifụre Esinyene Ufọn
3 Mbon emi ẹtiede ifụre ifụre isidịghe mbe. Owo mîkemeke ndimụm idem n̄kama, enye idikemeke nditie ifụre ifụre ini n̄kpọ etịbede. Ifụre ifụre ido edi edu kiet emi spirit Abasi esin̄wamde owo enyene. (Gal. 5:22, 23) Ndusụk ini, ikọ Greek emi ẹkabarede nte “ifụre ifụre ido” ke ẹkesida ẹtịn̄ ẹban̄a enan̄-mbakara emi ẹma ẹkesụk ide. Yak idọhọ ke omokụt utọ enan̄-mbakara oro. Enye etie ata sụn̄sụn̄ ntem kpa ye emi odudu ọyọhọde enye idem. Nso ke nnyịn mme owo ikpanam man itie ifụre ifụre, edi isụk ikop odudu? Iditoho ke odudu idem nnyịn. Akpan n̄kpọ kiet edi ndibọn̄ akam mben̄e Abasi edisana spirit esie, inyụn̄ idọhọ enye an̄wam nnyịn inyene ediye edu emi. Ediwak owo do emi ẹkekpepde ndinam n̄kpọ ifụre ifụre. Mbon emi mîmaha ikọt Abasi ẹnam se iyatde ediwak Mme Ntiense Jehovah esịt, edi Mme Ntiense oro ẹsụk ẹnam n̄kpọ ifụre ifụre, ndien oto ke oro, mbon en̄wen ẹda nnyịn nte nti owo. (Kot 2 Timothy 2:24, 25.) Nso ke akpanam man ifụre ifụre ido esịne ke otu nti edu emi enyenede?
AUGUST 11-17
MME AKPAN N̄KPỌ KE IKỌ ABASI MME N̄KE 26
Kûdụk Ndụk ye “Ndisịme Owo”
it-2 729 ¶6
Rain
Seasons. The two primary seasons in the Promised Land, summer and winter, can rather accurately be viewed as the dry season and the rainy season. (Compare Ps 32:4; Ca 2:11, ftn.) From about mid-April to mid-October very little rain falls. Rain is rare in this period during which the harvest takes place. Proverbs 26:1 shows that rain at harvesttime was considered quite out of place. (Compare 1Sa 12:17-19.) During the rainy season the rain is not constant; it alternates with clear days. Since this is also the cold period, exposure to the rain is very chilling. (Ezr 10:9, 13) Therefore, a comfortable shelter is most appreciated.—Isa 4:6; 25:4; 32:2; Job 24:8.
w87 10/1 19 ¶12
Discipline Yields Peaceable Fruit
12 With some persons more drastic measures may be necessary, as Proverbs 26:3 indicates: “A whip is for the horse, a bridle is for the ass, and the rod is for the back of stupid people.” At times Jehovah let his nation of Israel be subdued by the troubles they brought upon themselves: “They had behaved rebelliously against the sayings of God; and the counsel of the Most High they had disrespected. So with trouble he proceeded to subdue their heart; they stumbled, and there was no one helping. And they began calling to Jehovah for help in their distress; out of the stresses upon them he as usual saved them.” (Psalm 107:11-13) Some stupid ones, however, harden themselves beyond the reach of any kind of healing discipline: “A man repeatedly reproved but making his neck hard will suddenly be broken, and that without healing.”—Proverbs 29:1.
it-2 191 ¶4
Lame, Lameness
Proverbial usage. “As one that is mutilating his feet [which would make him lame], as one that is drinking mere violence, is he that is thrusting matters into the hand of someone stupid,” said wise King Solomon. Truly, the man employing a stupid person to handle any project for him is doing crippling violence to his own interests. He is certain to see his proposed work collapse, with damage to himself.—Pr 26:6.
Yom N̄kpọ-Uto ke Ikọ Abasi
it-1 846
Fool
Answering a fool in harmony with or “according to his foolishness” in the sense of resorting to his degrading methods of argument puts the one so doing in agreement with the fool’s unsound reasonings or ways. In order not to become like the fool in this respect, we are counseled by the proverb: “Do not answer anyone stupid according to his foolishness.” On the other hand, Proverbs 26:4, 5 shows that answering him “according to his foolishness” in the sense of analyzing his contentions, exposing them as being ridiculous, and showing that his own arguments lead to entirely different conclusions from those he has drawn can be beneficial.
AUGUST 18-24
MME AKPAN N̄KPỌ KE IKỌ ABASI MME N̄KE 27
Ufọn Nti Ufan
Jehovah Enen̄ede Ama Ikọt Esie Emi Ẹsụhọrede Idem
12 Owo emi osụhọrede idem esinenem esịt ẹma ẹnọ enye item. Yak inọ uwụtn̄kpọ: Da nte ke akaka mbono esop. Ke ama ekeneme nneme ye nditọete ifan̄, owo mmọ kiet okot fi esịk ada, ọdọhọ ke udia afaha fi ke edet. Imọdiọn̄ọ ke bụt ayanam fi. Edi nte ikpenemke-nem fi nte eyenete oro okotde fi etịn̄? Amakam ekeme nditua ubaha nte owo efen akpakabakde ọdọhọ fi! Ntre n̄ko ke edi ye item. Ke ini eyenete enyenede uko edinọ nnyịn item ke ini iduede n̄kpọ, akpana ikọm enye inyụn̄ isụhọde idem ibọ item oro. Ikpada enye nte ufan, idịghe asua.—Kot Mme N̄ke 27:5, 6; Gal. 4:16.
it-2 491 ¶3
Neighbor
However, faith and trust in a companion, and the advisability of calling on such a person in time of need are counseled in the Proverbs: “Do not leave your own companion or the companion of your father, and do not enter the house of your own brother on the day of your disaster. Better is a neighbor [sha·khenʹ] that is near than a brother that is far away.” (Pr 27:10) Here the writer seems to be saying that a close family friend is one to be valued and should be looked to for help rather than even so close a relative as a brother, if that brother is far away, because he may not be as ready or at least not in as favorable a position to render help as the family companion.
Mme Uyen, Ẹyom Uwem Mbufo Etie Didie N̄kpọn̄?
7 N̄kpọ kiet emi ikemede ndikpep nto se Jehoash ekebierede emi mîkọfọnke edi ke ana idi ufan ye mbon emi ẹmade Jehovah ẹnyụn̄ ẹyomde ndinam esịt enem enye. Utọ mme ufan oro ẹdin̄wam nnyịn inam nti n̄kpọ. Mme ufan nnyịn ẹkeme ndisọn̄ọ nnyịn ke isua emana mîdịghe nnyịn isọn̄ọ mmọ. Ti ke Jehoiada ama ọsọn̄ọ Jehoash ufan esie ke ata ediwak isua. Fiak kere mbon emi ẹdide ufan fo nyụn̄ bụp idemfo ete: ‘Ndi mmọ ẹn̄wam mi nnen̄ede mbuọt idem ye Jehovah? Ndi mmọ ẹsidọhọ mi ndu uwem nte Abasi ọdọhọde? Ndi mmọ ẹsitịn̄ ẹban̄a Jehovah ye mme akpan n̄kpọ emi Jehovah ekpepde nnyịn? Ndi se mmọ ẹnamde ye se mmọ ẹtịn̄de ẹwụt ke mmọ isehe ibet Abasi ke ndek? Ndi mmọ ẹsitịn̄ se inemde mi ndikop, mîdịghe edieke n̄kpọn̄de afan̄, ndi mmọ ẹsinyene uko ẹtịn̄ ẹnọ mi?’ (N̄ke 27:5, 6, 17) Yak isio akpanikọ itịn̄ inọ fi: Mme ufan fo mîmaha Jehovah, dian̄ade kpọn̄ mmọ. Edi ekpenyene mme ufan emi ẹmade Jehovah, sat yịre ye mmọ sia mmọ ẹdifọn ye afo!—N̄ke 13:20.
Yom N̄kpọ-Uto ke Ikọ Abasi
Mme Akpan N̄kpọ Ẹtode N̄wed Mme N̄ke
27:21. Itoro ekeme ndiyarade se nnyịn idide. Edieke idide mbon nsụhọdeidem, itoro edikam inam nnyịn inọ Jehovah ubọn̄ inyụn̄ ika iso ndinam n̄kpọ esie. Edi edieke itoro anamde owo ekere ke imọfọn ikan mbon en̄wen, do, ọwọrọ ke enye isụhọkede idem.
AUGUST 25-31
MME AKPAN N̄KPỌ KE IKỌ ABASI MME N̄KE 28
Se Inamde Edinen Owo Okpụhọde ye Idiọkowo
Nte Afo Omotịm Etiene Jehovah?
“ETI owo ẹdaha uko nte lion.” (Mme N̄ke 28:1) Mmọ ẹwụt mbuọtidem, ye uko ẹberide edem ke Ikọ Abasi, ẹnyụn̄ ẹka iso ke utom Jehovah uko uko kpa ye n̄kpọndịk ekededi.
Sịn Esịt Fo ke Mbufiọk
5 Mme n̄ke Bible ẹn̄wam nnyịn ndida mbufiọk nnam n̄kpọ nnyụn̄ mfep eduuwem oro mîdotke. Ke uwụtn̄kpọ, Mme N̄ke 10:23 ọdọhọ ete: “Edi ndisịme owo abat edinam ibak ke mbre; edi owo eti ifiọk enyene mbufiọk.” Mbon oro ẹbatde ibak ke “mbre” ikwe nte usụn̄uwem mmọ akwan̄ade inyụn̄ ibatke Abasi nte enyeemi kpukpru owo ẹnyenede ndinam ibat nnọ. (Rome 14:12) Mme utọ “ndisịme owo” oro ẹbiara ke ekikere mmọ tutu esịm udomo oro ẹkerede ke Abasi ikwe idiọkido mmimọ. Ebede ke mme edinam mmọ, mmọ ke nditịm ntịn̄ ẹdọhọ ẹte: “Abasi idụhe.” (Psalm 14:1-3; Isaiah 29:15, 16) Sia mîdịghe mme edumbet Abasi ẹda mmọ usụn̄, mmọ ẹnana mbufiọk inyụn̄ ikemeke ndibiere mme n̄kpọ nte enende.—Mme N̄ke 28:5.
it-1 1211 ¶4
Integrity
Such an integrity-keeping course is possible, not by the individual’s personal moral strength, but only through deep faith and trust in Jehovah and His saving power. (Ps 25:21) God’s promise is that he will be a “shield” and “stronghold,” guarding the way of those walking in integrity. (Pr 2:6-8; 10:29; Ps 41:12) Their constant concern for gaining Jehovah’s approval brings stability to their lives, enabling them to follow a straight course to their goal. (Ps 26:1-3; Pr 11:5; 28:18) Though, as Job perplexedly observed, the blameless may suffer because of the rule of the wicked and may die along with the wicked, Jehovah assures that he is aware of the life of the faultless person and guarantees that such a person’s inheritance will continue, his future will be peaceful, and he will come into the possession of good. (Job 9:20-22; Ps 37:18, 19, 37; 84:11; Pr 28:10) As in Job’s case, it is being a man of integrity, rather than one’s wealth, that makes one a person of genuine worth, meriting respect. (Pr 19:1; 28:6) Children privileged to have such a person for a parent are to be counted happy (Pr 20:7), receiving a splendid legacy in their father’s life example, enjoying a share in his good name and the respect he gained.
Yom N̄kpọ-Uto ke Ikọ Abasi
Afo Emekeme Ndifep Ifehesịt eke Spirit
Owo ndinyene mbuọtidem ke idemesie n̄kaha. Ediwak mbon oro ẹkenyenede ifehesịt ẹma ẹnen̄ede ẹbuọt idem ke idaha nsọn̄idem mmọ mbemiso ifehesịt ọkọnọmọde mmọ. Ediwak ini, mmọ ẹma ẹsifụmi useidem m̀mê ndụn̄ọde ibọkusọbọ nte se mînyeneke ufọn. Kpasụk ntre, ndusụk owo ẹkeme ndikere ke sia mmimọ ima ikedi Christian ke anyan ini, n̄kpọ ndomokiet ikemeke nditịbe nnọ mmimọ. Mmọ ẹkeme ndifụmi ndinam useidem m̀mê ndụn̄ọde eke spirit tutu afanikọn̄ etịbe. Edi akpan n̄kpọ nditi eti item aban̄ade edibuọt idem ke idem n̄kaha emi apostle Paul ọkọnọde ete: “Yak owo eke esede ete imọ imọsọn̄ọ ida ekpeme mbak enye ediduọ.” Edinam owụtde eti ibuot edi ndinyịme nte ke nnyịn idi mme anana-mfọnmma owo, ndinyụn̄ ndụn̄ọde idem nnyịn ke n̄kan̄ eke spirit ke ini ke ini.—1 Corinth 10:12; Mme N̄ke 28:14.