Ẹnam Utom ke Efakutom Mbufo Mfọn Mfọn
1 Ke ini ke ini nnyịn imesikụt ekpri ebiet emi ẹnamde mbubehe, utọ nte ikpọ ufọkurua, itie unyamudia, m̀mê ekpri ufọkurua ke mme ikpehe ẹmi ẹdụn̄dẹ-dụn̄. Edieke anade ẹkụre mme itie mbubehe ẹmi ọkọrọ ye mme efakutom eken, ẹkpenyene ndiwaha mmọ ukem nte ẹwahade mme ufọkidụn̄.
2 Afo emekeme ndikama mmemmem, ibio ibio nneme, ndusụk ọdọhọde ete: “Mmenyene n̄kpọ oro n̄kpamade ndiwụt fi.” Edieke etiede nte ke andinyene ebiet anam n̄kpọ ke ini oro, afo emekeme n̄kukụre ndinọ tract onyụn̄ ọdọhọ: “Nyefiak n̄waha ke ini utom eferede fi. N̄kpama ndifiọk se afo ekerede aban̄a emi.”
3 Ufọn idụhe ndikop ndịk kaban̄a edinam utom emi. Asuanetop kiet ọkọtọt ete: “N̄kekere ke mme owo idinamke n̄kpọ nte ọfọnde iban̄a. Nte ededi, ke n̄kpaidem, nte ẹkenamde n̄kpọ ẹban̄a etop Obio Ubọn̄ ekedi ata isio ye oro. Mmọ ẹma ẹnyene ata mfọnido ẹnyụn̄ ẹtie ufan ufan ndien ẹsikpere ndibọ mme magazine kpukpru ini.”
4 N̄wan kiet emi anamde utom ke usiakifia emi esede n̄kpọ aban̄a mbubehe isọn̄ ye ufọk ama ọnọ Ntiense kiet ikot edi ọfis esie. Enye ama ọbọ mme magazine onyụn̄ owụt udọn̄ ke ndinyene ukpepn̄kpọ Bible. Ẹma ẹwụt enye n̄wed Ifiọk, ndien ẹma ẹtọn̄ọ ukpepn̄kpọ ke ebe oro, do ke ọfis esie!
5 Ndidọhọ ẹnam utom ke efakutom mbufo mfọn mfọn esịne edika mbịne mme owo ẹmi ẹnamde mbubehe ke mbọhọ. (Utom 10:42) Diomi ndiwaha mme enyịnusụn̄ ẹmi ukem nte awahade mme ufọk owo. Emi idinamke ẹtịm ẹkụre efakutom mbufo kpọt edi mbufo ẹmekeme ndinyene inem inem ifiọkutom nte utịp!