SIFIAK KA
UKPEPN̄KPỌ 8
Nyene Ime
Se Bible Etịn̄de: “Ima enyenyene anyanime.” —1 Cor. 13:4.
Se Jesus Akanamde
1. Se VIDIO emi, mîdịghe kot John 7:3-5 ye 1 Corinth 15:3, 4, 7. Ekem bọrọ mme mbụme emi:
Didie ke nditọeka Jesus ẹkesinam n̄kpọ ye enye akpa akpa?
Nso iwụt ke Jesus ikakpaha mba ndin̄wam James eyeneka esie?
Nso ke Ikpep Ito Jesus?
2. Ọfọn inyene ime sia esida ini mbemiso ndusụk owo ẹnyịmede ndikpep Bible.
Kpebe Jesus
3. Kpụhọde nte ọkwọrọde ikọ. Edieke owo mînyịmeke ndikpep Bible, kûnyịk enye. Edieke okụtde ke ọfọn anam ntre, da mme vidio ye mme ibuotikọ en̄wen n̄wam enye ọdiọn̄ọ nte isikpepde mme owo Bible ye nte enye edibọde ufọn.
4. Kûmen owo udomo ye owo en̄wen. Mme owo ẹdi nsio nsio. Edieke owo ubon fo m̀mê owo emi ọkọkwọrọde ikọ ọnọ mînyịmeke ekpep imọ Bible mîdịghe imaha ndinyịme se Bible ekpepde, domo ndidiọn̄ọ se idide ntak. Ndi enye enen̄ede ama se esikpepde ke ufọkabasi esie? Ndi edi ke ntak emi mbonubon esie m̀mê mme mbọhọidụn̄ esie ẹsisakde enye? Nọ enye ini ekere kan̄a se ẹkenemede onyụn̄ owụt ke imama se Bible etịn̄de.
5. Bọn̄ akam sịn owo emi akamade ukwọrọikọ. Bọn̄ akam ben̄e Jehovah an̄wam fi okûduọk idotenyịn onyụn̄ an̄wam fi anam n̄kpọ ye mbufiọk. Bọn̄ akam n̄ko ben̄e Jehovah an̄wam fi ọdiọn̄ọ ini emi owo mîmaha se ekpepde enye aba, ekem tre ndisika mbịne enye.—1 Cor. 9:26.