¿Naãrãeɗa sãwã panabadjiɗaa?

Ãcõrẽba ne bia zocãrã diasi Adaʉ̃ra Eva biɗa (Genesi 1:28)

Jeowaba osia Evara, nãbema wẽrãda, opeɗa Adaʉ̃maa enesia dji quima ɓamãrẽã (Genesi 2:21, 22).

Jeowaba jipa osia Adaʉ̃ra Eva siɗa. Ãdjirãra cãyãɗacaa basiɗaa, quĩcha cadjirua neé basiɗaa.

Ãdjirãra panasiɗaa ẽjũãne néu biya quirude trʉ̃ jarasiɗaa Edeʉ̃: do ɓʉ mae, bacuruida ɓʉ mae, animarã ɓʉ mae. Ẽjũã quĩrãwãrẽã basida.

Jeowaba beɗeabadji ãdjirãme idjaɓa ne zocãrã jaradiabadji. Ãdjirãba dãrã panana quĩrĩã panʉbʉrʉ ẽjũã quĩrãwãrẽãne, ũrĩbara Ãcõrẽra ĩjã oɗi carea.

Ãcõrẽba jarasida nejõ aɓabe jõcara ɓʉa (Genesi 2:16, 17)

Ãcõrẽba jarasia Adaʉ̃a Eva nejõda aɓabe jõcara basia. Jõni bʉrʉ, beuɗia.

Aɓa nezoca bajãne bema idji iduɓa dji quĩrũba ɓesia Ãcõrẽme. Idjira Diauruda.

Diauruba quĩrĩãé ɓasia ĩjãnida Jeowaɗeda. Damaneba Evara jarasia: beuɗaéa. Mãwã Ãcõrẽ quĩrãca quĩcha cawa panania. ¡Jãʉ̃gʉra sewada! (Genesi 3:1-5.)