Kobeghe ane wa lèè minlang

É dzam Felipe nge ki Philippe a nga bo

ÉNGENGENG : Felipe a kanghle moan eunuco etíope nge ki eunuque éthiopien

1. Daghe ÉNGENGENG, nge ki a lang Bisè mintôl 8:30, 31. Éyong té wa fas minsili mi :

1. Aval avé Felipe a nga sum nlang ?

2. Amu dzé aval a nga sum nlang, ye aval a nga kanghle nféféñ bebela da lere naa Felipe a nga kobe ane a lèè minlang ?

Za dzam bia yeghe ébe Felipe ?

2. Nge bia likh naa nlang ô ke ôsu ane bia lèè minlang, da ye bo ébubu naa môt té a kômô bia bèè ya kômô tsini nlang ôsu.

Vughe Felipe

3. Tugha daghe. Aval môt té a fôghe asu dèñ ya é ñuu dèñ, é ne bia lere abuiñ mam ébe ñe. Ye môt té a kômô kobe ya wa ? Ô ne ñe lere éfus ya Bible wéé sili fave ñe naa : « Ye ô va yem naa . . . ? » Ô taa yemlé naa wa tsini nlang ôsu nge môt té aa kômô ki kobe ya wa.

4. Boghe ôdzibi. Ô taa simane naa ô ne lere éfus ya Bible éyong té ébièn. Ô ne yan é tam da yiène naa ô bo de. Biyong bizing, dzam té é ne yili naa ô bera yan é tam fe ô ne bera kobe ya môt té.

5. Tobeghe nkoghane naa wa tsen nlô-adzô ô va kôman. Nlô-adzô ye nlang ô ne sia tsen kaa naa ô va yane do. Édeng, tobeghe nkoghane naa wa lere é dzam da ye name môt té, amben da yili naa wa ye kobe é bebela ya Bible wéé dzi ki kôman a nda.