Matthew Asɛmpa
1 Abraham ne ba, David ne ba Jesus Christ* n’abakɔsɛm* nwoma:
2 Abraham woo Isaac;
Isaac woo Jacob;
Jacob woo Judah nye no nuanom;
3 Judah nye Tamar woo Perez na Zerah;
Perez woo Hezron;
Hezron woo Ram;
4 Ram woo Amminadab;
Amminadab woo Nahshon;
Nahshon woo Salmon;
5 Salmon nye Rahab woo Boaz;
Boaz nye Ruth woo Obed;
Obed woo Jesse;
6 Jesse woo Ɔhen David.
David nye Uriah ne yer no woo Solomon;
7 Solomon woo Rehoboam;
Rehoboam woo Abijah;
Abijah woo Asa;
8 Asa woo Jehoshaphat;
Jehoshaphat woo Jehoram;
Jehoram woo Uzziah;
9 Uzziah woo Jotham;
Jotham woo Ahaz;
Ahaz woo Hezekiah;
10 Hezekiah woo Manasseh;
Manasseh woo Amon;
Amon woo Josiah;
11 Josiah woo Jeconiah na no nuanom aber a Jewfo no robɔkɔ nkowaasom mu wɔ Babylon no.
12 Aber a wɔwɔ nkowaasom mu wɔ Babylon no, Jeconiah woo Shealtiel;
Shealtiel woo Zerubbabel;
13 Zerubbabel woo Abiud;
Abiud woo Eliakim;
Eliakim woo Azor;
14 Azor woo Zadok;
Zadok woo Achim;
Achim woo Eliud;
15 Eliud woo Eleazar;
Eleazar woo Matthan;
Matthan woo Jacob;
16 Jacob woo Joseph, Mary no kun no, na Mary woo Jesus a wɔfrɛ no Christ no.
17 Ntsi ebusuasantsen no nyinara, ofitsi Abraham do kesi David do no yɛ ebusuasantsen 14. Na ofitsi David do kesi aber a Jewfo no kɔr nkowaasom mu wɔ Babylon no yɛ ebusuasantsen 14. Na ofitsi aber a wɔkɔr nkowaasom mu wɔ Babylon kesi Christ do no so yɛ ebusuasantsen 14.
18 Mbrɛ ɔyɛe a wɔwoo Jesus Christ nye yi. Dɛm aber no, nna wɔdze ne maame Mary ama Joseph dɛ ɔno na ɔbɔwar no. Naaso ansaana wɔbɔwar no, sunsum krɔnkrɔn* maa onyinsenii. 19 Naaso osiandɛ nna no kun Joseph yɛ ɔtseneneenyi na ɔmmpɛ dɛ obogu n’enyim ase wɔ bagua mu ntsi, ɔyɛɛ n’adwen dɛ obegyaa no nsumaa mu.* 20 Na aber a osusuu asɛm yi ho wiei no, hwɛ, Jehovah* no bɔfoe yii noho edzi kyerɛɛ no wɔ adaaso mu, na ɔkaa dɛ: “Joseph, David ne ba, mma nnsuro dɛ ebɔwar Mary,* na sunsum krɔnkrɔn na wɔama oenyinsen. 21 Ɔbɔwo ɔbabanyin, na ɔsɛ dɛ eto no dzin Jesus,* osiandɛ ɔno na ɔbɛgye no nkorɔfo efi hɔn bɔn mu.” 22 Iyinom nyinara sisii ama Jehovah* n’asɛm a ɔnam no nkɔnhyɛnyi do kae no aaba mu. Ɔkaa dɛ: 23 Hwɛ, ɔbaabun no benyinsen na ɔbɔwo ɔbabanyin, na wɔbɔto no dzin Immanuel, ne nkyerɛase nye dɛ, “Nyame Nye Hɛn Wɔ Hɔ.”
24 Afei Joseph nyanee, na ɔyɛɛ dza Jehovah* no bɔfoe no kaa kyerɛɛ no no, na ɔnye ne yer kɔr fie. 25 Naaso ɔannye no annda kesii dɛ ɔwoo ɔbabanyin no, na ɔtoo no dzin Jesus.