iKau ni iWasewase 14

Era vunautaka na lotu vaKarisito taumada na itukutuku vinaka ni Matanitu ni Kalou e veiyasa i vuravura. E dusimaka o Jisu na vanua mera vunau kina, e vukei ira vakacakamana mera veivakavulici ena so tale na vosa. O Jiova e solia vei ira na kaukaua mera vosota na veivakacacani.

E vakatakila o Jisu vua na yapositolo o Joni na raivotu baleta na lagilagi i Jiova. Ena dua tale na raivotu, e raica o Joni ni sa vakamalumalumutaki Setani na Matanitu vakalomalagi, e muduka nona veiliutaki. E raica o Joni ni sa Tui o Jisu ra qai tomani koya ena veiliutaki na le 144,000. E raica tale ga ni sa parataisi o vuravura, ra qai sokalou kece vei Jiova ena duavata kei na vakacegu o ira na tiko kina.