iTuvatuva ni Soqoni ni Cakacaka

MACAWA ME TEKIVU ENA 8 JANUERI

Sere 29

7 min: Veika me kacivaki kei na kena e digitaki mai na Noda Cakacaka Vakaitalatala ni Matanitu.

13 min: “Me Cila Vaka Kina na Nomudou Rarama.”a Okati kina na ivakamacala ena Vale ni Vakatawa, 1 June, 1997, taqana 14-15, parakaravu 12-13. Uqeti ira kece mera dau tu vakarau ni soli vakadinadina e veigauna kece.

25 min: Vakarau Rawa Oqo Mo Rokova na Lawa ni Kalou me Baleta na Dra. Me digitaki e dua na qase e ganita me vakamacalataka na bibi ni kena vakaleweni na card na iTukutuku Mera Kila Rawa Tu na Vuniwai/Nodra Sereki (Advance Medical Directive/Release card). Na veidusimaki uqeti vakalou ena Same 19:7 e vakaraitaka ni ivakaro e tiko ena Cakacaka 15:28, 29 e tiki ni lawa uasivi ni Kalou me baleta na dra. Era na saga na dausokalou yalodina mera doka na lawa oya. Na card oqo e ivakaraitaki ni o muria tiko na ivakaro oya, ena vosa tale ga ena vukumu ke o mani sega ni vosa rawa. (Vakatauvatana Vosa Vakaibalebale 22:3.) Na card vou e vakaraitaka ni se lomamu tiko ga mo kua ni tauri dra. Ni suka na soqoni oqo, era na yadua na card vou na iVakadinadina papitaiso kece, ena soli tale ga vei ira na itubutubu na Identity Card mera na yadua na luvedra lalai era sega ni se papitaiso. Ia, me KUA nira se vakaleweni na card oqo ena bogi nikua. Me lai vakaleweni sara vakavinaka mai vale, ia me kua ni se sainitaki. Na kena sainitaki, vakadinadinataki kei na kena vakatikinisigataki me qai caka ni sa suka na Vulivola ni iVavakoso e tarava, me qarava na tikina oqo na qasenivuli ni vulivola. Oqo ena vakadeitaka nira sa vukei kece na lewe ni nona iwasewase ena vakaleweni ni idusidusi ni veiqaravi vakavuniwai oqo. O ira era na saini me ivakadinadina mera na raica sara ga na nona saini na itaukei ni card. Ke dua e sega ni tiko ena gauna oqori e rawa ni vukei koya na qasenivuli ni vulivola se dua tale na qase ena Soqoni ni Cakacaka e tarava me yacova sara nira sa vakalewena kece vakavinaka na dautukutuku papitaiso na nodra card. (Railesuva na ivola ni 15 Okotova, 1991.) Vei ira na dautukutuku era se bera ni papitaiso, e rawa nira vola ga na nodra card vakataki ira, vaka kina na nodra na luvedra ena nodra vakayagataka na vosa e ganiti ira mai na card mera vakamacalataka kina na nodra vakabauta.

Sere 1 kei na masu.

MACAWA ME TEKIVU ENA 15 JANUERI

Sere 51

10 min: Veika me kacivaki. Ripote ni akaude.

15 min: Veika e gadrevi ena ivavakoso.

20 min: O Dau Dikeva na Tikinivolatabu e Veisiga? Me dua na vosa ra qai vakatarogi e so. Vakamacalataka Na Vale ni Vakatawa, 15 Tiseba, 1996, taqana 17-18, parakaravu 12-14, e vakabibitaki kina na vinaka ni kena dau veivosakitaki vakavuvale na tikinivolatabu e veisiga. Vakatarogi ira na lewenivuvale era nanuma e dua na veivosakitaki ni tikinivolatabu wale ga oqo e yaga vakalevu, me qai tukuna tale ga se cava na vuna e yaga kina. Vakabibitaka ni oqo e dodonu me ivakarau ni nodratou vuli vakavuvale me vakaukauataki iratou, qai bulabula kina nodratou cakacaka vakaitalatala.

Sere 67 kei na masu.

MACAWA ME TEKIVU ENA 22 JANUERI

Sere 90

7 min: Veika me kacivaki.

18 min: Na Sala Mo Vakarautaka Kina na iKau ni Vosa. Me dua na vosa kei na vakatasuasua. Veivosakitaka na tikina bibi ena ivola lailai Na Sala me Tekivu Qai Tomani Kina na Veivosaki Ena iVolatabu, taqana 2. Tukuna na sala meda digitaka vinaka kina na ikau ni vosa e ganita na noda ivakarau, itovo, kei na yalava. Veivosakitaka e vica na ikau ni vosa e rawa ni vakayagataki kina na brochure na Loma ni Kalou, me qai dua se rua me vakatasuasuataki. (Raica na Noda Cakacaka Vakaitalatala ni Matanitu, Epereli 1997, taqana 8.) Uqeti ira kece mera vakayagataka vinaka ena cakacaka vakavunau na iwalewale e vakaturi ena ivola lailai Na Sala me Tekivu Qai Tomani Kina na Veivosaki Ena iVolatabu, kei na Noda Cakacaka Vakaitalatala ni Matanitu.

20 min: “Dau Vakarorogo Vinaka.” Me dua na vosa, ra vakaitavi tale ga na vakarorogo. Railesuva e so na tikina ena ivola na School Guidebook, taqana 27-8, parakaravu 15-17. Na sala vinaka duadua meda vakatovolea kina na noda vakarorogo oya meda saga ni nanuma na ka eda rogoca. Sureti ira na vakarorogo mera tukuna e so na tikina bibi era nanuma mai na ka era rogoca ena nodra itavi na gonevuli ena Koronivuli ni Vuli iTalatala Liutaki Vakalou ena bogi nikua.

Sere 96 kei na masu.

MACAWA ME TEKIVU ENA 29 JANUERI

Sere 139

10 min: Veika me kacivaki. Vakadreti ira na dautukutuku mera solia na nodra ivolatukutuku ni cakacaka ni Janueri. Tukuna na ivola ena soli tiko ena Feperueri, tukuna sara tale ga na ivola cava soti era se tu ena ivavakoso o koya ena veisoliyaki tiko.

15 min: Kakavaka me Nomudou Vakavuvale na Vakacegu ni Kalou. Me dua na vosa e yavutaki ena Vale ni Vakatawa, 15 June, 1999, taqana 20-25, me vakarautaki keda ina vulivola vakaivavakoso ena ivola Na Sala me Marau Kina Na Vuvale. Uqeti ira na itabagone mera saumitaro ena vulivola. Eda na vinakata kece meda dau tiko kina vakawasoma, da qai nanamaki meda vulica ena kena levu eda rawata na bula vakavuvale mamarau.

20 min: “Ra iTubutubu​—Vakavulici Ira na Luvemuni Ena iVakarau e Yaga.” Me dua na vosa qai vakatarogi na itubutubu era toso vinaka vakayalo na luvena. Me rau vakamacalataka na itubutubu na veika vinaka erau dau cakava mera uqeti kina na gone mera vakaitavi ena cakacaka vakaitalatala. Ke balavu na gauna, vakamacalataka tale ga na ka e vakaturi ena ivola Na Sala me Marau Kina na Vuvale, taqana 55-9.

Sere 149 kei na masu.

MACAWA ME TEKIVU ENA 5 FEPERUERI

Sere 168

10 min: Veika me kacivaki.

15 min: “Cakacaka Ena Marau.”bTukuna na sala eda reki tiko kina ena cakacaka ni Kalou, me vaka e vakamacalataki ena ivola na Insight, Volume 2, taqana 120, parakaravu 6-8.

20 min: Saga Mo Qara na Ka ni Veivakamarautaki e Veitaraicake. Veivosakitaka e dua na vuvale na ivakasala e tiko ena Awake!, 22 Me, 1997. E leqataka o tama na mataqali ka ni veivakamarautaki eratou taleitaka na nona vuvale. Ni oti nodratou railesuva vakalekaleka na ulutaga “What Has Happened to Entertainment?” (taqana 4-7), me ratou veivosakitaka sara na mataqali ka ni veivakamarautaki e veitaraicake, e yaga (taqana 8-10). Vakabibitaka na itavi ni itubutubu ena nona liutaka sara ga na tikina oqo, me ratou duavata na lewenivuvale yadua ni oqo ena yaga vei iratou kece.

Sere 190 kei na masu.

[iVakamacala e ra]