Ka Mo Kaya me Baleta na iVoladraudrau

Na Vale ni Vakatawa 15 Jan.

“E levu era vakayagataka na matakau ena nodra lotu. E rawa beka ni veivakabulai na matakau? [Waraka me sauma.] Ni raica mada na veivakabulai ena cakava na Kalou dina ena vukuda. [Wilika na Vakatakila 21:3, 4.] Na Kalou dina ga ena rawa ni vakayacora na veika e tukuni e ke. Na ivola oqo e vakamacalataki koya, kei na sala ena yaga kina vei keda na noda nuitaki koya.”

Yadra! Jan.-Maji

“E duatani taucoko na tadre ni bula eda sotava tu oqo ni vakatauvatani kei na veigauna sa sivi, se vakaevei? [Waraka me sauma.] Sa tukuni oti tu mai oqo ena iVolatabu. [Wilika na 2 Timoci 3:1.] E so era soro ena dredre ni bula era sotava. E vakayaloqaqataki keda na ivola oqo. E vakaraitaka na sala meda valuta kina na yalolailai, me vakainaki na noda bula.”

Na Vale ni Vakatawa 1 Fep.

“E kauaitaki vakalevu na benuci ni noda vuravura. Ia vakacava na benuci ni vakasama, na cava beka oni nanuma kina? [Waraka me sauma.] Na iVolatabu e vakabibitaki rau ruarua, sega ni savasava ga vakayago, ia vakayalo tale ga. [Wilika na 2 Korinica 7:1.] Au kila ni na vukei kemuni, ena yaga sara tale ga na ivakamacala ena ivola oqo.”